Hyderabad Picnic:హైదరాబాద్‌లో 'పిక్నిక్‌ స్పాట్‌'లు ఇవే!

చారిత్రక నగరమైన హైదరాబాద్‌లో చూడదగ్గ ప్రదేశాలు చాలానే ఉన్నాయి. అన్ని అందమైన, ప్రాముఖ్యం ఉన్న ప్రదేశాలే.. వేసవి సెలవుల్లో కుటుంబంతో కలిసి హ్యాపీగా విహరించడానికి హైదరాబాద్ మంచి పిక్నిక్ స్పాట్ అని చెప్పవచ్చు. హైదరాబాద్ అందాలు పాత, కొత్తల సమ్మేళనంగా ఉన్నాయి. ఒకవైపు చారిత్రక అందాలు, మరోవైపు ప్రకృతి సోయగాలు. ఒకటా రెండా.. హైదరాబాద్‌లో చూడదగ్గ ప్రదేశాలు ఎన్నో ఉన్నాయి.
హైదరాబాద్‌లో విహారయాత్ర ప్రదేశాలు..

చారిత్రక ప్రదేశాలు: గోల్కొండ కోట, చార్మినార్, కుతుబ్‌షాహీ సమాధులు, చౌమహల్లా ప్యాలెస్.
ఎంటర్‌టెయిన్‌మెంట్ ప్రదేశాలు: మౌంట్ ఒపెరా, ఓషన్ పార్క్, వండర్ లా, స్నో వరల్డ్, రామోజీ ఫిల్మ్ సిటీ. ఇక్కడి ఈవెంట్లు ఔత్సాహికులను ఉత్సాహపరుస్తాయి.
పార్కులు: లుంబినీ పార్క్, ఎన్టీఆర్ గార్డెన్స్, కేబీఆర్ నేషనల్ పార్క్, సంజీవయ్య పార్క్, ఇందిరా పార్క్, జలగం వెంగళరావ్ పార్క్, పబ్లిక్ గార్డెన్స్, బొటానికల్ గార్డెన్. ఈ పార్కులన్నింటిలోనూ చిన్నా, పెద్ద తేడా లేకుండా బాగా ఎంజాయ్ చేస్తారు. పచ్చని చెట్లతో ఈ పార్కులు కళకళలాడుతుంటాయి. ఉదయం నుంచి సాయంత్రం వరకు కాలక్షేపం చేయవచ్చు.
ఏనిమల్స్ & బర్డ్స్ పార్కులు: నెహ్రూ జులాజికల్ పార్క్, మహవీర్ హరిణ వనస్థలి నేషనల్ పార్క్, మృగవని నేషనల్ పార్క్. ఇక్కడి పార్కుల్లో బయట నుంచి తీసుకొచ్చే ఆహారపదార్ధాలను అనుమతిస్తారు. ఉదయం నుంచి సాయంత్రం వరకు ఎంజాయ్ చేయవచ్చు.
చెరువులు: మిరాలం చెరువు, గండిపేట చెరువు (ఉస్మాన్ సాగర్), షామీర్‌పేట్ చెరువు, హుస్సేన్ సాగర్. వీటి పరిసరాల్లోని పార్కుల్లో హాయిగా గడపవచ్చు.