Pink Cabs: మహిళల కోసం ప్రత్యేకంగా..

దేశ ఐటీ హబ్‌ బెంగళూరులో మహిళలు, యువతులపై లైంగిక వేధింపులు అధికమయ్యాయి. రోజురోజుకూ వేధింపుల ఫిర్యాదులు అధికం కావడంతో కర్ణాటక రాష్ట్ర పర్యాటక అభివృద్ధి సంస్ధ (KSTDC) వినూత్న ప్రయోగానికి శ్రీకారం చుట్టనుంది. ఆడవారి కోసం ప్రత్యేకంగా ఎయిర్‌పోర్ట్ నుంచి పింక్‌ క్యాబ్స్‌ను నడపాలని నిర్ణయం తీసుకుంది.

ఆ పింక్‌ క్యాబ్స్‌ డ్రైవర్లుగా మహిళలే ఉంటారు. మరికొన్ని రోజుల్లో పింక్‌ క్యాబ్స్‌ రోడ్డు మీదకి రానున్నాయని కేఎస్‌టీడీసీ అధికారులు చెబుతున్నారు. డ్రైవర్లుగా డ్యూటీ చేయాలనుకున్న మహిళలు ముందుగా రిజిస్టర్‌ చేసుకోవాలి. డ్రైవర్‌ జాబ్‌ కోసం ఇప్పటివరకూ 15 మంది మహిళలు రిజిస్టర్‌ చేసుకున్నారు.

ముఖ్యంగా ఎయిర్‌పోర్ట్‌ నుంచి నగరానికి రాకపోకలకు ఒంటరి మహిళలకు ఇబ్బంది కలగకూడదని పింక్‌ క్యాబ్స్‌ను తీసుకొస్తున్నారు. 15 రోజుల్లో క్యాబ్స్‌ను ప్రారంభించేందుకు ప్రయత్నాలు చేస్తున్నామని టూరిజం శాఖ పేర్కొంది. జీపీఎస్‌ ట్రాకర్‌, అలర్ట బటన్‌ లాంటి క్యాబ్‌లో అందుబాటులో ఉండబోతున్నాయి. క్యాబ్స్‌ సర్వీస్‌ లోగోను రూపొందిస్తున్నట్లు అధికారులు వివరించారు.
Read In Kannada