చెన్నై ఎక్స్‌ప్రెస్.. రైలు కాదు, రెస్టారెంట్!

చెన్నై నగరంలోని రైలు మ్యూజియం సందర్శించేవారు ఇకపై రైలు కోచ్‌ రెస్టారెంట్లో రుచికరమైన భోజనాన్ని ఆశ్వాదించవచ్చు. ‘చెన్నై ఎక్స్‌ప్రెస్’ పేరుతో ప్రారంభమైన ఈ రెస్టారెంట్‌ను ఎల్‌హెచ్‌బీ కోచ్ రైలు బోగీలో ఏర్పాటు చేయడం గమనార్హం. దీన్ని ఇంటిగ్రల్ కోచ్ ఫ్యాక్టరీ (ఐసీఎఫ్) ప్రత్యేకంగా రూపొందించింది.

ఈ రెస్టారెంట్.. దేశంలో రెండో రైల్ కోచ్ రెస్టారెంట్‌. దేశంలోని తొలి రైల్ కోచ్ రెస్టారెంట్ భోపాల్‌లో ఉంది. 2015లో దీన్ని ప్రారంభించారు. చెన్నై రైల్ కోచ్ రెస్టారెంట్లో మీకు నచ్చిన రుచికరమైన భోజనాన్ని రుచి చూడొచ్చని, మెను కూడా దేశంలోని ఫేమస్ రైళ్లు పేర్లతో ఉంటాయని అధికారులు తెలిపారు. ఒకేసారి 64 మంది ఇక్కడ కూర్చొని భోజనం చేయొచ్చన్నారు.