శ్రీశైలం టూర్.. పర్యాటకశాఖ ప్రత్యేక ప్యాకేజీ

భారీ వర్షాల కారణంగా శ్రీశైలం జలాశయం జలకళను సంతరించుకోవడంతో.. పర్యాటకుల రద్దీ పెరిగింది. ఈ మేరకు ప్రాజెక్ట్ అందాలను వీక్షించాలనుకునే ఔత్సాహికుల కోసం తెలంగాణ పర్యాటకశాఖ ప్రత్యేక ప్యాకేజీని తీసుకొచ్చింది. ఇందులో భాగంగా ఒకరోజు శ్రీశైలం టూరు ప్యాకేజీని ప్రకటించింది. ఈ ప్యాకేజీ కింద హైదరాబాద్ నుంచి శ్రీశైలానికి వెళ్లాలనుకునేవారి కోసం ఏర్పాటు చేసిన బస్సు ఉదయం 6.30 గంటలకు నగరం నుంచి బయలుదేరి వెళ్లి.. అదేరోజు రాత్రి 10.30 గంటలకు తిరిగి నగరానికి చేరుకుంటుంది. ప్రస్తుతం కొనసాగుతున్న రెండురోజుల టూర్ ప్యాకేజీ యథావిధిగా కొనసాగుతుంది.

ఒక్కరోజు టూర్ ప్యాకేజీ వివరాలు..
* ఈ ప్యాకేజీ కావాలనుకునేవారికి రూ.1,200 (ఏసీ మినీ), రూ.1,100 (నాన్ ఏసీ)గా టికెట్ ధరను నిర్ణయించారు. వీటికి దైవదర్శనం, భోజన ఖర్చులు అదనం.
* ఈ టూర్ ప్యాకేజీలో భాగంగా శ్రీశైలం ప్రాజెక్ట్‌తోపాటు హైడ్రో‌ఎలక్ట్రిక్ ప్రాజెక్టు, శివాలయం, జ్యోతిర్లింగ దర్శనం, సాక్షి గణపతి తదితర ప్రదేశాలను సందర్శించవచ్చు.
వివరాల కోసం..
ప్యాకేజీ వివరాల కోసం పర్యాటకశాఖ ఏర్పాటుచేసిన టోల్‌ఫ్రీ నెం.- 180042546464 ద్వారా సంప్రదించవచ్చు. దీంతోపాటు ఎంపిక చేసిన ప్రాంతాల్లో సహాయక నెంబర్లలో సంప్రదించవచ్చు.
సహాయక ఫోన్ నెంబర్లు: బషీర్‌బాగ్ - 9848540371, ట్యాంక్‌బండ్ - 9848125720, యాత్రినివాస్ - 9848126947, పర్యాటక భవన్ - 9848306435, కూకట్‌పల్లి- 9848540374, శిల్పారామం - 9666578880, దిల్‌సుఖ్‌నగర్- 9848007020, హిమాయత్‌నగర్-9133607888, సాలార్జంగ్ మ్యూజియం - 9133844665, మెహిదీపట్నం - 8367285285.