Bengaluru Metro Commuters No Need To Have Smart Card Or Ticket Token From October 2022
Bengaluru Travel News: బెంగళూరు మెట్రో రైలు ప్రయాణికులు ఇకపై టికెట్ల కోసం క్యూలో నిల్చోవాల్సిన అవసరం లేదు
బెంగళూరు మెట్రో రైల్ కార్పొరేషన్ లిమిటెడ్ (BMRCL) అక్కడి ప్రయాణికులకు కొత్త సౌకర్యం అందుబాటులోకి తేనుంది. ఇకపై క్యూ లైన్‌లో నిల్చొని టికెట్ల కోసం బారులు తీరాల్సిన అవసరం లేకుండా క్యూఆర్ కోడ్‌ల రూపంలో టికెట్లను జారీ చేయనుంది. అందుకోసం ప్రత్యేకంగా మొబైల్ యాప్‌ను తీసుకురానుంది.
బెంగళూరు ఎంతో రద్దీ ఉండే నగరం. రోడ్లపై వాహనాలు వేసుకొని వెళ్తే ఎక్కడికక్కడ ట్రాఫిక్ జామ్‌లు ఉంటాయి. దీంతో ప్రజలు ఎక్కడికైనా వెళ్లాలంటే నరకం చూస్తున్నారు. ఈ క్రమంలోనే అన్ని మెట్రో నగరాల్లాగే ఇక్కడా మెట్రో రైలు సేవలు అందుబాటులో ఉన్నాయి. దీంతో నగరంలోని ప్రజలు ఎక్కడికి వెళ్లాలన్నా నిత్యం మెట్రో రైళ్లలోనే (Bengaluru Metro Rail) ప్రయాణాలు సాగిస్తున్నారు. దీంతో రద్దీ కూడా ఎక్కువగా ఉంటోంది.
Samayam Telugu
అయితే, మెట్రో స్టేషన్లలో టికెట్ కౌంటర్ల వద్ద ఒక్కోసారి ప్రయాణికులు (Travellers) బారులు తీరాల్సి వస్తోంది. దీంతో వారికి సమయం వృథాతో పాటు శారీరక శ్రమ కూడా పెరుగుతుంది. అలాంటి పరిస్థితులను అరికట్టేందుకే బెంగళూరు మెట్రో రైల్ కార్పొరేషన్ కొత్త యాప్‌ను అందుబాటులోకి తేనుంది. దీని ద్వారా ప్రయాణికులు ఎలాంటి లైన్‌లో నిలబడకుండానే యాప్‌లో టికెట్లను కొనుగోలు చేయొచ్చు. క్యూఆర్ కోడ్‌ల రూపంలో వచ్చే ఆ టికెట్లను మెట్రో స్టేషన్లలోని ఎంట్రీ గేట్ల వద్ద స్కాన్ చేస్తే సరిపోతుంది. ఈ సేవలు వచ్చే నెల నుంచి అందుబాటులోకి వస్తాయని అక్కడి మెట్రో రైల్ అధికారులు వెల్లడించారు. అదే జరిగితే రోజూ వారి ప్రయాణికులకు కాస్త ఉపశమనం కలగనుంది.
అక్టోబర్ నుంచి రోజూవారి ప్రయాణికులు స్మార్ట్ కార్డులు (Metro Smart Cards), టికెట్ టోకెన్ల కోసం క్యూ లైన్‌లో నిల్చోవాల్సిన అవసరం లేదని, ‘నమ్మ మెట్రో’ (Namma Metro) పేరిట ప్రత్యకంగా రూపొందించనున్న మొబైల్ యాప్‌ను డౌన్‌లోడ్ చేసుకుంటే సరిపోతుందని చెప్పారు. ఆ యాప్‌ డౌన్‌లోడ్ చేసుకున్నాక అందులో రిజిస్టరై.. మీ డెస్టినేషన్, ఆరిజిన్ స్టేషన్లను ఎంపిక చేసుకొని, ప్రయాణికుల సంఖ్య ఎంటర్ చేస్తే.. అమౌంట్ పేమెంట్ ఆప్షన్ ఉంటుంది. డబ్బులు చెల్లించాక క్యూఆర్ కోడ్‌ రూపంలో టికెట్ జారీ అవుతుంది. దాన్ని మెట్రో స్టేషన్లలోని ఆటోమేటిక్ ఫేర్ కలెక్షన్ గేట్ల వద్ద స్కాన్ చేస్తే ప్లాట్‌ఫామ్‌ల వద్దకు వెళ్లొచ్చు. దీంతో ప్రయాణికులు టికెట్ల కోసం క్యూ లైన్‌లలో నిలబడాల్సిన అవసరం ఉండదు. దీంతో వారికి సమయం కూడా కలిసివస్తుంది.
అలాగే ఈ నూతన పద్ధతి అమల్లోకి వస్తే రోజూవారి ప్రయాణికులు స్మార్ట్ కార్డులు కూడా తమ వెంట తీసుకెళ్లాల్సిన అవసరం ఉండదు. అయితే, ఎవరైనా ప్రయాణికులు ఇప్పుడున్న పద్ధతిలోనే టికెట్లు కొనుగోలు చేయాలన్నా టోకెన్ కౌంటర్ల వద్ద కొనుగోలు చేయొచ్చని అధికారులు చెప్పారు. అలాగే ప్రస్తుతమున్న స్మార్ట్ కార్డులను కూడా యథావిథిగా ఉపయోగించుకోవచ్చని స్పష్టం చేశారు. ప్రయాణికుల ఇష్ట ప్రకారం ఎలాగైనా టికెట్లు కొనుగోలు చేయొచ్చని వివరించారు. అయితే, క్యూఆర్ కోడ్‌లను స్కానింగ్ చేసేందుకు ఇప్పుడున్న ఎంట్రీ గేట్లను ఆటోమేటిక్ ఫేర్ కలెక్షన్ గేట్లుగా మార్చనున్నట్లు తెలిపారు.
కార్తీక్ కుమార్ కొంగణి సమయం తెలుగులో డిజిటల్ కంటెంట్ ప్రొడ్యూసర్\u200cగా పని చేస్తున్నారు. ఇక్కడ ట్రావెల్\u200cకు సంబంధించిన తాజా వార్తలు,వీకెండ్ స్పాట్ల గురించి వివరించడంతో పాటు,ప్రముఖ పర్యాటక ప్రాంతాల సమాచారం, ఫొటో ఫీచర్లు అందిస్తుంటారు. తనకు జర్నలిజంలో 8 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో రాజకీయ, క్రీడా, సినిమా రంగాలకు సంబంధించిన వార్తలు అందించారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
