అవును మీరు చదివింది నిజమే. మరో మూడేళ్లలో మీ అంతరిక్ష పర్యాటక కల సాకారమయ్యే అవకాశం ఉంది. స్పేస్ టూరిజంలో భాగంగా ఇప్పటికే అమెరికా, రష్యా, చైనా వంటి దేశాలు ముందడుగు వేయగా త్వరలోనే భారత్ కూడా వాటి జాబితాలో చేరనుంది.
Samayam Telugu
ముంబైకి చెందిన స్పేస్ ఆరా ఏరోస్పేస్ టెక్నాలజీ ప్రైవేట్ లిమిటెడ్ అనే కంపెనీ ప్రస్తుతం ఆ పనుల మీదే నిమగ్నమైంది. ఆరుగురు వ్యక్తులు, ఒక పైలట్‌ను అంతరిక్షంలోకి పంపేందుకు వీలుగా అన్ని సౌకర్యాలతో కూడిన ఒక స్పేస్‌క్యాప్సూల్‌ను రూపొందించనుంది. అది 2025 నాటికి అందుబాటులోకి రానుంది. ఆ స్పేస్ క్యాప్సూల్ 10 x 8 అడుగుల వ్యాసార్ధంలో లైఫ్ సేవింగ్ పరికరాలతో పాటు సమగ్రమైన సమాచారం కలిగి ఉంటుంది. దీంతో మమరో మూడేళ్లలో భారత్‌లోనూ అంతరిక్ష పర్యాటక రంగం మొదలవ్వనుంది.
ఈ స్పేస్ ట్రావెల్‌లో పర్యాటకులను భూమి నుండి 35 కిలోమీటర్ల దూరంలో ఆకాశంలోకి తీసుకెళతారు. ఒక స్పేస్‌షిప్‌లో వారిని కూర్చోబెట్టి ప్రత్యేకమైన భారీ బెలూన్ వ్యవస్థకు ఆ స్పేస్ క్యాప్సూల్‌ను అనుసంధానిస్తారు. అలా వారిని అంతరిక్షంలోకి తీసుకెళతారు. తద్వారా పర్యాటకులు భూమి నుండి 35 కిలోమీటర్ల పైకి వెళ్లి అంతరిక్షంలోని అద్భుతాలు చూస్తారు. ఈ అంతరిక్ష ప్రయాణం సుమారు గంటపాటు ఉంటుందని సమాచారం. ఈ పర్యటన పూర్తయ్యాక స్పేస్ క్యాప్సూల్ భూమిపైకి వచ్చే క్రమంలో దానికున్న బెలూన్ విడిపోయి పారాచూట్ సాయంతో అది ల్యాండింగ్ అవుతుంది.
ఈ అంతరిక్ష ప్రయాణాలు సాగించేందుకు కర్ణాటక, మధ్యప్రదేశ్‌ రాష్ట్రాలు సరైన ప్రదేశాలుగా ఎంపికైనట్లు తెలుస్తోంది. ఈ స్పేస్ ట్రావెల్ ఎంతవరకు సక్సస్ అవుతుందనేది ఇప్పుడే చెప్పలేం. దానికి కాలమే సమాధానం చెప్పాలి. అయితే, అంతరిక్ష పర్యాటక రంగంలో భారత్ కూడా తనకంటూ ఓ గుర్తింపు దక్కించుకునే రోజు చాలా దగ్గర్లోనే ఉంది.
కార్తీక్ కుమార్ కొంగణి సమయం తెలుగులో డిజిటల్ కంటెంట్ ప్రొడ్యూసర్\u200cగా పని చేస్తున్నారు. ఇక్కడ ట్రావెల్\u200cకు సంబంధించిన తాజా వార్తలు,వీకెండ్ స్పాట్ల గురించి వివరించడంతో పాటు,ప్రముఖ పర్యాటక ప్రాంతాల సమాచారం, ఫొటో ఫీచర్లు అందిస్తుంటారు. తనకు జర్నలిజంలో 8 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో రాజకీయ, క్రీడా, సినిమా రంగాలకు సంబంధించిన వార్తలు అందించారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
