విదేశీయులు సైతం వస్తారు..
దక్షిణ భారత దేశంలో అత్యంత ఘనంగా హోలీ వేడుకలు జరిగే ప్రదేశాల్లో హంపి ముందు వరుసలో ఉంటుంది. ఇక్కడికి కర్ణాటక వాసులే కాకుండా ఇతర ప్రదేశాలు, విదేశాల నుండి సైతం పర్యాటకులు వస్తారు. విజయనగర సామ్రాజ్య పాలనకు గుర్తుగా హంపి ఎన్నో విశిష్ఠమైన రాతి నిర్మాణాలు, దేవాలయాలను కలిగి ఉంది. పక్కనే తుంగ భ్రదా నది కూడా ఆ ప్రాంతానికి మరింత వన్నె తెస్తుంది. అలాంటి చోట హోలీ వేడుకలు జరుపుకోవడం గొప్పగా ఉంటుంది. (Photo Credit: Unsplash)
Also Read: Gokarna Trip in 5000: రూ.5 వేలల్లోనే సూపర్ గోకర్ణ ట్రిప్.. ఇలా ప్లాన్ చేసి చూడండి..!
మీరు ముందు రోజే చేరుకోండి..
అయితే, హంపిలో హోలీ వేడుకలు పూర్తిగా ఆస్వాదించాలంటే మీరు ముందు రోజే అక్కడికి చేరుకోవడం మంచిది. ఎందుకంటే పండుగ‌కు ముందు రోజు రాత్రి అక్కడ స్థానికులంతా కలిసి కామ దహన కార్యక్రమం నిర్వహిస్తారు. ఇది కూడా ఆనందోత్సాహాల మధ్య నిర్వహిస్తారు. రాత్రి 10 గంటల సమయంలో అందరూ ఒక చోట గుమిగూడి ఈ కార్యక్రమం పూర్తి చేస్తారు. మీరు కూడా వారితో కలిసి ఆ కార్యక్రమాన్ని చూసి కేరింతలు కొడుతూ సంతోషంగా గడపొచ్చు. (Photo Credit: Unsplash)
Also Read: Belgium Trip: ఈ ఫొటోలు చూస్తే.. బెల్జియం ట్రిప్‌కి వెళ్లాలనే ఆలోచన రాకుండా ఉండలేరు..!
పండుగ రోజు ఇలా చేస్తారు..
ఇక పండుగ రోజు ఉదయమే అందరూ కలిసి వీధుల్లో రంగులు చల్లుకుంటూ కనిపిస్తారు. ముఖ్యంగా చాలా మంది తెల్ల దుస్తులు ధరించి ఈ వేడుకల్లో పాల్గొంటారు. మీరూ వారితో కలిసి సరదాగా పండుగను ఆస్వాదించే వీలుంటుంది. మీరు ఒంటరిగా వెళ్లినా లేదా స్నేహితులతో వెళ్లినా హోలీ వేడుకల్లో మునిగి తేలుతారు. ఈ సందర్భంగా మీరు ముఖ పరిచయం లేని వాళ్లతోనూ ఈ పండుగను బాగా ఎంజాయ్ చేస్తారు. డ్యాన్సులు చేస్తూ, కేరింతలు కొడుతూ, రంగులు చల్లుకుంటూ బాగా ఆస్వాదిస్తారు. (Photo Credit: Unsplash)
Also Read:IRCTC Leh Ladakh Trip: ఐఆర్సీటీసీ లేహ్, లద్ధాఖ్ ట్రిప్.. హైదరాబాద్ నుండే నేరుగా వెళ్లొచ్చు..!
దేవరాయల కాలం నుంచే..
హంపిలో హోలీ వేడుకలు శ్రీ కృష్ణ దేవరాయల కాలం నుంచే ఘనంగా నిర్వహిస్తున్నారు. అప్పట్లో దేవరాయలు సామాన్య ప్రజలతో కలిసి ఈ వేడుకలు జరుపుకునేవారని తెలిసింది. అందుకు సంబంధించిన చారిత్రక ఆనవాళ్లు సైతం ఉన్నాయని తెలిసింది. ఒక మ్యూజియంలో 15వ శతాబ్దం కాలంలో హంపి ప్రజలు రంగులు చల్లుకుంటూ హోలీ వేడుకలు జరపుకొన్న విగ్రహ ప్రతిమ ఉంది. అందుకు సంబంధించిన విశేషాలను అప్పటి ఇటాలియన్ నావికుడు నిక్కొలో డి కొంటి తన ట్రావెలాగ్‌లో పొందుపరిచారు. (Photo Credit: Unsplash)
Also Read: Travelling Tips: కొత్తగా ప్రయాణాలు మొదలు పెట్టాలనుకుంటున్నారా..? ఈ టిప్స్ మీ కోసమే..!
తుంగభద్రలో విహరించండి..
పండుగ అనంతరం ప్రజలంతా పక్కనే ఉన్న తుంగభధ్రా నదిలో స్నానాలు చేస్తారు. దీంతో ఆ నదిలో సైతం కాసేపు అంతా సరదాగా గడుపుతారు. ఆసక్తిగల పర్యాటకులు అక్కడ ఉండే గంప పడవల్లో విహరించి నది పరివాహక అందాలు చూస్తారు. మీరు కూడా హోలీ పండుగ ముగిసిన అనంతరం తుంగభ్రదా నదిలో కాసేపు విహరించే అవకాశం ఉంటుంది. దాంతో ఈ ట్రిప్‌ను మరోస్థాయిలో ఆస్వాదించే అవకాశం ఉంది. ఒకవేళ మీ స్నేహితులతో కలిసి వెళితే మరింత ఎంజాయ్ చేయొచ్చు. (Photo Credit: Unsplash)
Also Read: Raghurajpur: పూరి దగ్గరున్న రఘురాజ్‌పూర్‌ని తప్పక సందర్శించాల్సిందే.. ఇదో ప్రత్యేకమైన గ్రామం..!
జీవితాంతం గుర్తుండిపోతుంది..
అలాగే హంపి విజయనగర సామ్రాజ్యానికి ప్రతీక కావడంతో అక్కడ అనేక చారిత్రక కట్టడాలు ఉన్నాయి. అందులో పలు దేవాలయాలు, మండపాలు, శిథిలావస్థకు చేరిన మండపాలు పర్యాటకులను విశేషంగా ఆకట్టుకుంటాయి. దీంతో మీరు హోలీ వేడుకలకు అక్కడికి వెళితే కేవలం పండుగను ఆస్వాదించడమే కాకుండా అక్కడి చరిత్ర, సంస్కృతి సంప్రదాయాలు కూడా తెలుసుకోవచ్చు. అలా ఈ ట్రిప్ మీకు జీవితంలో మర్చిపోలేని విధంగా ఉంటుంది. మరోవైపు ఇది హైదరాబాద్ నుండి 400 కిలోమీటర్ల లోపే ఉండటంతో వెళ్లిరావడం కూడా తేలికే. (Photo Credit: Unsplash)
- Read All Latest Telugu News and Travel News