Dgca Amended Civil Aviation Requirement Rules Which Are Benefited To Air Travellers
DGCA Rules: విమానయాన సంస్థలు అలా చేస్తే మీకు టికెట్ ధరలో 75 శాతం తిరిగి చెల్లింపు..
విమానయాన సంస్థలు ప్రయాణికుల (Air Travellers) టికెట్లను డౌన్‌గ్రేడ్ చేస్తే 75 శాతం తిరిగి చెల్లించాలని డీజీసీఏ (Director General of Civil Aviation) తాజాగా తమ నిబంధనల్లో సవరణలు చేసింది. ఇటీవల ప్రయాణికుల నుంచి ఈ విషయంలో ఫిర్యాదులు రావడంతో ఈ నిర్ణయం తీసుకుంది.
విమానయాన సంస్థలు ప్రయాణికులకు కల్పించే సౌకర్యాలపై డైరెక్టరేట్ జనరల్ ఆఫ్ సివిల్ ఏవియేషన్ (Director General of Civil Aviation) తాజాగా తమ నిబంధనల్లో సవరణలు చేసింది. విమానాల రద్దు, ప్రయాణికులను బోర్డింగ్‌కు నిరాకరించడం, విమానాల ఆలస్యాల విషయాల్లో అప్రకటిత ప్రయాణికులకు విమానయాన సంస్థలు అందించాల్సిన సౌకర్యాలపై పౌర విమానయాన అవసరాల (CAR) నిబంధనలను సవరించింది. అలాగే ప్రయాణికులు కొనుగోలు చేసిన టికెట్ క్లాస్ కన్నా తక్కువ స్థాయి క్లాస్‌లో వారిని తరలిస్తే ఆన్‌లైన్‌లో రీయింబర్స్మెంట్ పొందే అవకాశం కల్పించింది. ఏవైనా విమానయాన సంస్థలు అలా చేస్తే పన్నులతో సహా అలాంటి టిక్కెట్ల పూర్తి విలువను తిరిగివ్వాల్సి ఉంటుందని స్పష్టం చేసింది.
Samayam Telugu
తాజా సవరణలు ఇవే.. ఏవియేషన్ కొత్త నిబంధనల ప్రకారం దేశీయ విమాన ప్రయాణాల్లో ప్రయాణికుల టిక్కెట్లను డౌన్‌గ్రేడ్ (కొనుగోలు చేసిన టికెట్ క్లాస్ కన్నా తక్కువ క్లాస్‌లో తరలిస్తే) చేస్తే ఆయా విమానయాన సంస్థలు పన్నులతో సహా టిక్కెట్ ఖర్చుల్లో 75 శాతం ప్రయాణికులకు తిరిగివ్వాలి.
ఇక అంతర్జాతీయ టిక్కెట్ల డౌన్‌గ్రేడ్ విషయంలో రీయింబర్స్మెంట్ 30-75 శాతం మధ్య ఉంటుంది. నిర్దిష్ట విమానంలో ప్రయాణించే దూరం (1,500 కిమీ లేదా అంతకంటే తక్కువ) ఇది పన్నులతో సహా తిరిగి చెల్లించాల్సి ఉంటుంది. DGCA తాజా నిబంధనల ప్రకారం.. ప్రయాణ దూరం 1,500-3,500 కి.మీల మధ్య ఉంటే పన్నులతో సహా 50 శాతం చెల్లించాల్సి ఉంటుంది. అదే దూరం 3,500 కి.మీ కన్నా ఎక్కువ ఉంటే 75 శాతం చెల్లించాలి.
ఈ నిబంధనలు ఫిబ్రవరి 15 నుండి అమల్లోకి వస్తాయని డీజీసీఏ అధికారి తెలిపారు. ఇటీవల విమానయాన సంస్థలు తమ టిక్కెట్లను డౌన్‌గ్రేడ్ చేస్తున్నాయని విమాన ప్రయాణికుల నుండి వచ్చిన ఫిర్యాదుల నేపథ్యంలో ఈ నిబంధనలను సవరించారని తెలిసింది. విమాన ప్రయాణికుల ప్రయాణాలను సులభతరం చేసేందుకు, టిక్కెట్ల డౌన్‌గ్రేడ్‌ల వల్ల నష్టపోయే ప్రయాణికుల హక్కులను బలోపేతం చేసేందుకు ఈ సవరణలు చేసినట్లు అధికారి పేర్కొన్నారు. దీంతో ఇకపై మీరు విమానాల్లో ప్రయాణిస్తున్నప్పుడు సంబంధిత ఎయిర్‌లైన్స్ మీరు కొనుగోలు చేసిన టికెట్ క్లాస్ కన్నా తక్కువ స్థాయి తరగతిలో తరలిస్తే మీ టికెట్ ధరలో 75 శాతం వరకు తిరిగొస్తుందని తెలుసుకోండి.
కార్తీక్ కుమార్ కొంగణి సమయం తెలుగులో డిజిటల్ కంటెంట్ ప్రొడ్యూసర్\u200cగా పని చేస్తున్నారు. ఇక్కడ ట్రావెల్\u200cకు సంబంధించిన తాజా వార్తలు,వీకెండ్ స్పాట్ల గురించి వివరించడంతో పాటు,ప్రముఖ పర్యాటక ప్రాంతాల సమాచారం, ఫొటో ఫీచర్లు అందిస్తుంటారు. తనకు జర్నలిజంలో 8 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో రాజకీయ, క్రీడా, సినిమా రంగాలకు సంబంధించిన వార్తలు అందించారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
