Indian Railways: రైలు ప్రయాణికులారా.. మీకు ఈ విషయం తెలుసా?

nullమనలో చాలా మంది ఊరెళ్లడానికైనా, సుదూర ప్రాంతాలకు వెళ్లడానికైనా సహజంగా ట్రైన్‌ జర్నీనే ఎక్కువగా ఇష్టపడుతుంటారు. ఆ సమయంలో చాలా సార్లు రైలుకు ఉండే చివరి బోగీకి ‘X’ అనే అక్షరాన్ని కూడా గమనించి ఉంటారు. అయితే, ఎప్పుడైనా ఆ ‘X’ అనే అక్షరానికి అర్థం ఏంటనే సందేహం కలిగిందా.? బహుశా చాలా మందికి కలిగే ఉంటుంది. అయినా దాని అర్థం తెలుసుకునే ప్రయత్నం మాత్రం చేసి ఉండరు. కాకపోతే చాలా మంది ఆ ‘X’ అనే అక్షరాన్ని చూసి అది ఎక్స్‌ప్రెస్ ట్రైన్ అని భావిస్తుంటారు. కానీ, దాని అర్థం అది కాదు. అలా చివరి బోగీకి ఉండే ‘X’ అనే అక్షరానికి మరో అర్థం దాగి ఉందని తాజాగా భారత రైల్వేస్ ప్రకటించింది. (Photo Credit: Pixabey/Representational Image)
Also Read: Chambal River Gorge: ఒక్కసారి ఈ చంబల్ నది అందాలు చూసి తీరండి.. వావ్ అని మైమరచిపోతారు..!

కొద్ది రోజుల క్రితం ఈ విషయాన్ని తెలియజేస్తూ రైల్వే మంత్రిత్వ శాఖ ట్విట్టర్‌లో ఓ పోస్టు చేసింది. దాంతో ఆ పోస్టు చూసిన చాలామందికి చివరకు రైలు బోగీకి ఉండే ‘X’ అనే అక్షరానికి కలిగిన సందేహానికి తగిన సమాధానం దొరికింది. దాని అర్థం ఏంటంటే.. ఏదైనా రైలు ఒక స్టేషన్‌ నుండి క్రాస్ అయినప్పుడు చివరి బోగీకి ‘X’ అనే అక్షరం కనిపిస్తే ఆ రైలు దానికి ఉండే అన్ని కోచ్‌లతో సహా ప్రయాణిస్తుందని అర్థం. సింపుల్‌గా చెప్పాలంటే ఆ రైలు వెనకాల ఉండే ఇతర బోగీలతో వేరు పడకుండా పూర్తిగా ప్రయాణిస్తుందని సూచిస్తుంది.
Also Read: Maldives Trip: పర్యాటకులు ఎక్కువగా మాల్దీవ్స్‌కు ఎందుకు వెళ్లాలనుకుంటారంటే.. ఇవే కారణాలు..!

అది ఇతర రైల్వే స్టేషన్లలోని రైల్వే అధికారులకు ఆయా రైళ్లు వెనకాల ఇతర కోచ్‌లను వదిలివెళ్లకుండా పూర్తిగా ప్రయాణిస్తుందని తెలియజేస్తుంది. అది వారికి ధృవీకరణగా ఉపయోగపడుతుంది. అలా ‘X’ అనే అక్షరం ప్రయాణికుల రైళ్లతో పాటు రవాణా రైళ్లకు కూడా ఉంటుంది. ఇలా రైల్వే మంత్రిత్వ శాఖ ట్విటర్‌లో వివరణ ఇవ్వడంతో నెటిజన్లు చాలా మంది దాన్ని ఇతరులకు తెలిసేలా షేర్ చేశారు. దీంతో చాలా కాలంగా చాలా మంది ప్రయాణికులకు ఉన్న సందేహం తొలగిపోయింది. అయితే, ఈ సమాచారం ఉపయోగకరంగా ఉన్నా.. కొంతమంది విచిత్రమైన సందేహాలు వ్యక్తం చేస్తున్నారు. రైలు ప్రయాణించేటప్పుడు బోగీలు మధ్యలో వేరుపడే సంఘటనలు కూడా సాధారణమేనా అనే ప్రశ్నను లేవనెత్తుతున్నారు.
Also Read: Kashmir Trip: ఈ సమయంలో కశ్మీర్ అందాలు మరో లెవెల్లో ఉంటాయి.. ఇప్పుడు ఏమేం చూడాలంటే..?

• Read All Latest Telugu News and Travel News