Goa Tourism: త్వరలో గోవాలో అలాంటి వారికి కూడా ప్రత్యేక బీచ్‌లు!

గోవా అనే పర్యాటక ప్రదేశం ప్రతి ఒక్కరూ చూడాలనుకునే అందమైన సముద్ర తీర ప్రాంతం. ఇక్కడి బీచ్‌లు ప్రపంచ వ్యాప్తంగా ఫేమస్. దీంతో ఇక్కడికి దేశం నుండే కాకుండా విదేశాల నుంచి సైతం టూరిస్టులు పెద్ద ఎత్తున వస్తుంటారు. ఈ క్రమంలోనే అక్కడి పర్యాటక శాఖ కీలక నిర్ణయం తీసుకుంది. గోవాని అందరూ సందర్శించాల్సిన అవసరం ఉందని, అందుకే ప్రత్యేక అవసరాలు ఉన్న వారికి కూడా అక్కడ ప్రత్యేక బీచ్‌లు ఏర్పటు చేయడానికి ప్రణాళికలు రూపొందిస్తున్నామని పర్యాటక శాఖ మంత్రి రోహన్ ఖౌంటే వెల్లడించారు. (Photo Credit: Unsplash)
Also Read: Weekend Getaway: హైదరాబాద్‌కు దగ్గర్లోని వీకెండ్ స్పాట్.. యునెస్కో గుర్తింపు పొందిన పట్టాడకల్..!

గోవాలో ఎంపిక చేసిన కొన్ని బీచ్‌లను ప్రత్యేక అవసరాలు కలిగిన వ్యక్తులు కూడా సందర్శించే విధంగా రూపొందించడానికి ప్రభుత్వం కృషి చేస్తోందని చెప్పారు. అందుకు తాము ప్రణాళికలు రూపొందిస్తున్నామని అన్నారు. బీచ్‌లు కేవలం పర్యాటకులు ఆస్వాదించడానికే కాకుండా వికలాంగులు కూడా ఎంజాయ్ చేసే విధంగా ఉండాలనే ఉద్దేశంతో ఉన్నామన్నారు. అందుకే ఈ నిర్ణయం తీసుకున్నామని వివరించారు. వారు బీచ్‌లకు చేరుకోవడానికి సులభతరంగా ఉండేందుకు ఎంపిక చేసిన బీచ్‌లలో ప్రత్యేక ర్యాంప్‌లు ఏర్పాటు చేయనున్నట్లు మంత్రి పేర్కొన్నారు.
Also Read: Things not to do in Thailand: థాయ్‌లాండ్‌ గురించి ఈ విషయాలు ఎవరూ చెప్పరు.. మీరు తెలుసుకోవడమే మంచిది!

బీచ్‌లలో మౌలిక సదుపాయాలను కల్పించే ప్రభుత్వ ప్రణాళికలకు సంబంధించిన విషయంపై స్పందిస్తూ మంత్రి ఈ విషయాన్నిస్పష్టం చేశారు. బీచ్‌లను మరింత సమర్థవంతంగా, వేగంగా శుభ్రపరిచేలా మెకానికల్/సెమీ మెకనైజ్డ్ క్లీనింగ్ మెషిన్‌లను ఏర్పాటు చేస్తామని చెప్పారు. అలాగే రోడ్లు శుభ్రంగా ఉంచేందుకు రోడ్లు ఊడ్చే యంత్రాలు కూడా ఏర్పాటు చేయనున్నట్లు తెలిపారు. గోవాలో శాంతిభద్రతలను పరిరక్షించేందుకు నిఘా వ్యవస్థలు ఏర్పాటు చేస్తున్నామని, బీచ్ ఎంట్రీల వద్ద, పార్కింగ్ ప్రాంతాల్లో CCTV కెమెరాలు ఏర్పాటు చేయనున్నామని మంత్రి చెప్పుకొచ్చారు.
Also Read: Madhya Pradesh Trip: మధ్య ప్రదేశ్‌ ట్రిప్.. అక్కడ ఇలాంటి పర్యాటక అందాలు చూడొచ్చా..?

వికలాంగుల కోసం తాము తీసుకున్న ఈ నిర్ణయం గోవా పర్యాటక ప్రాంతం పట్ల వారి దృక్పథాన్ని మార్చే అవకాశం ఉందన్నారు. ఇప్పటి వరకు, ఈ ప్రసిద్ధ బీచ్‌ల గమ్యస్థానం యువతకు బాగా నచ్చేదని, త్వరలోనే ఇది ప్రత్యేక అవసరాలు కలిగిన వికలాంగులకు కూడా ఇష్టమైన గమ్యస్థానంగా మారుతుందని ఆశాభావం వ్యక్తం చేశారు. అలాగే వారు గోవాని సందర్శించడానికి, సెలవులను ఆస్వాదించడానికి ముందుగానే టిక్కెట్లను కూడా బుక్ చేసుకునే సౌకర్యం కల్పిస్తామన్నారు.
Also Read: Unique Villages in India: ఇవి అరుదైన గ్రామాలు గురూ.. వాటి గురించి తెలిస్తే వెళ్లకుండా ఉండలేరు!

• Read All Latest Telugu News and Travel News