Good News For People Who Wish To Travel Srilanka As It Waives Off Covied 19 Travel Restrictions
Sri Lanka: శ్రీలంకకు వెళ్లాలనుకునేవారికి గుడ్‌న్యూస్.. ఇకపై హ్యాపీ జర్నీ..!
పొరుగు దేశం శ్రీలంక (Sri Lanka Travel Updates) అంతర్జాతీయ ప్రయాణికులపై (International Travellers) విధించిన కొవిడ్-19 ప్రయాణ ఆంక్షల్ని పూర్తిగా తొలగించింది. దీంతో ప్రయాణికులు ఇకపై ఎలాంటి ఇబ్బందులు పడకుండా అక్కడికి వెళ్లే అవకాశం కల్పించింది.
ఇకపై శ్రీలంకకు (Srilanka travel restrictions) వెళ్లాలనుకునేవారికి ఆ ద్వీప దేశం తీపికబురు చెప్పింది. పర్యాటక దేశంగా మంచి గుర్తింపు పొందిన శ్రీలంక అంతర్జాతీయ ప్రయాణికులపై విధించిన కొవిడ్-19 ఆంక్షల్ని తొలగించింది. దీంతో రాబోయే రోజుల్లో ఎవరైనా ఆ దేశానికి హ్యాపీగా వెళ్లొచ్చని స్పష్టం చేసింది. తాజా సమాచారం ప్రకారం.. ఇకపై ఆ దేశాన్ని సందర్శించాలనుకునే ప్రయాణికులు COVID-19 వ్యాక్సినేషన్ సర్టిఫికేట్ సమర్పించాల్సిన అవసరం లేదు. అలాగే అక్కడికి వెళ్లేముందు కరోనా టెస్టు నెగిటివ్ రిపోర్ట్ కూడా తీసుకెళ్లాల్సిన పనిలేదు. (Photo Credit: Unsplash)
ఇదే విషయంపై తాజాగా మాట్లాడిన శ్రీలంక డైరెక్టర్ జనరల్ ఆఫ్ హెల్త్ సర్వీసెస్ అసేల గుణవర్దన.. 2021లో కొవిడ్-19 నిబంధనలకు సంబంధించి జారీ చేసిన సర్క్యుల‌ర్‌ను ఎత్తివేశామని చెప్పారు. దీంతో ఇకపై శ్రీలంకకు వెళ్లాలనుకునేవారికి కొవిడ్-19 నిబంధనల నుంచి మినహాయింపు ఇచ్చామన్నారు. ఇది డిసెంబర్ 7 నుంచే అమల్లోకి వచ్చిందని తెలిపారు. అయితే, అంతర్జాతీయ ప్రయాణికులు ఎవరైనా శ్రీలంకకు చేరుకున్న తర్వాత కరోనా పాజిటివ్‌గా తేలితే 7 రోజులు ఐసోలేషన్‌లో ఉండాలని స్పష్టం చేశారు.
పాజిటివ్‌గా తేలిన వారు ప్రైవేట్ ఆసుపత్రిలో లేదా ఏదైనా హోటల్‌లో లేదా ఏదైనా నివాస స్థలంలో ఒంటరిగా ఉండటం తప్పనిసరని చెప్పారు. తద్వారా ఇతరులు కరోనా బారిన పడకుండా ఉంటారన్నారు. కాగా, 2021లో కోవిడ్ కేసులు భారీగా పెరిగిన సందర్భంలో శ్రీలంక విదేశీ ప్రయాణికులపై ఎత్తేసిన ఆంక్షలు మళ్లీ విధించింది. అయితే, టీకా వేసుకున్న ప్రయాణికులకు, ప్రి అరైవల్ నెగిటివ్ రిపోర్ట్ కలిగిన వారికి మినహాయింపు నిచ్చింది. ఇప్పుడు తాజాగా మొత్తం ఆంక్షల్ని తొలగించింది.
కార్తీక్ కుమార్ కొంగణి సమయం తెలుగులో డిజిటల్ కంటెంట్ ప్రొడ్యూసర్\u200cగా పని చేస్తున్నారు. ఇక్కడ ట్రావెల్\u200cకు సంబంధించిన తాజా వార్తలు,వీకెండ్ స్పాట్ల గురించి వివరించడంతో పాటు,ప్రముఖ పర్యాటక ప్రాంతాల సమాచారం, ఫొటో ఫీచర్లు అందిస్తుంటారు. తనకు జర్నలిజంలో 8 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో రాజకీయ, క్రీడా, సినిమా రంగాలకు సంబంధించిన వార్తలు అందించారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
