How Can Anyone Book An Entire Train Or A Single Coach
IRCTC FTR Bookings: ఒకేసారి రైలు లేదా కోచ్ మొత్తం బుకింగ్ చేయడం ఎలా?
వివాహాది శుభకార్యాలయాలు లేదా మరే ఇతర ఈవెంట్లకైనా ఒకేసారి చాలా మంది ప్రయాణించడానికి FTR Bookings చేసుకునే అవకాశం ఉంది. దీని గురించి చాలా మందికి తెలియదు. దీంతో అదెలా చేయాలో ఇక్కడ తెలుసుకుందాం.
ఇండియన్ రైల్వే క్యాటరింగ్ అండ్ టూరిజం కార్పొరేషన్ (IRCTC), ప్రయాణీకులకు.. మొత్తం రైలు లేదా కోచ్ బుక్ చేసుకునే సౌకర్యం కల్పిస్తోన్న సంగతి తెలిసిందే. దీంతో ఎవరైనా సుదూర ప్రాంతాల్లో జరిగే వివాహాది శుభకార్యాలకు లేదా మరే ఇతర ఈవెంట్లకైనా ఒకేసారి బృందంగా వెళ్లాలనుకుంటే ఈ సౌకర్యం ఉపయోగపడుతుంది. ఇలా గ్రూప్ బుకింగ్ చేయడం గురించి కొంత మందికి తెలిసినా చాలా మందికి తెలియని పరిస్థితి. అలాంటివారు మొత్తం రైలు లేదా కోచ్ బుక్ చేసుకోవడం ఎలాగో ఇక్కడ తెలుసుకుందాం.
Samayam Telugu
ఇకపై మీలో ఎవరైనా బృందంగా సుదూర ప్రాంతాలకు వెళ్లాలనుకునేవారు ఈ అవకాశాన్ని ఉపయోగించుకోవచ్చు. అందుకోసం మీరు మొదట IRCTC కి సంబంధించిన www.ftr.irctc.co.in వెబ్‌సైట్‌లో లాగిన్ రిజిస్ట్రేషన్ చేసుకోవాలి. ఇక్కడ మీ ఐఆర్సీటీసీ లాగిన్ ఐడి, పాస్‌వర్గ్ పనిచేయవని గుర్తుంచుకోవాలి.
అలా గ్రూప్ బుకింగ్ చేసుకోవాలంటే ఒక వ్యక్తి లేదా సంస్థ.. ఒక రైలు మొత్తాన్ని లేదా కోచ్ మొత్తాన్ని బుకింగ్ చేసుకోవచ్చు. మీకు కావాల్సిన AC ఫస్ట్ క్లాస్, AC 2-టైర్, AC 3-టైర్లు, AC 2 కమ్ 3 టైర్, AC చైర్ కార్, స్లీపర్, AC సెలూన్, సెకండ్ సీటింగ్ వంటి కోచ్‌లను పూర్తిగా బుక్ చేసుకోవచ్చు.
రైలు లేదా కోచ్‌ను బుక్ చేయాలనుకునేవారు www.ftr.irctc.co.inలోకి లాగిన్ అయ్యాక FTR Train/Coach Bookingలోకి వెళ్లి.. అందులో మీకు మొత్తం రైలు కావాలంటే రైలు, లేదా కోచ్ ఒక్కటి కావాలనుకుంటే అది సెలెక్ట్ చేసుకోవాల్సి ఉంటుంది.
మీరు రైలు లేదా కోచ్ ఎంచుకున్న తర్వాత ఆ వెబ్‌సైట్ మిమ్మల్ని మరో పేజీకి తీసుకెళుతుంది. అక్కడ మీరు వెళ్లాలనుకునే ప్రయాణికుల వివరాలు, ప్రయాణ తేదీ, వారికి అవసరమైన కోచ్ రకం మొదలైన వివరాలను నింపాల్సి ఉంటుంది.
ఆ వివరాలన్నీ పూర్తి చేసిన తర్వాత మీరు పొందుపర్చిన వివరాల మొత్తాన్ని చెల్లించాల్సిన పేజీకి వెళతారు. అక్కడ మీరు ఎంచుకున్న ప్రయాణ గమ్యస్థానాలను బట్టి ఫుల్ టారిఫ్ రేట్ చెల్లిస్తే సరిపోతుంది. మీ బుకింగ్‌కు సంబంధించిన కన్ఫర్మేషన్ వివరాలు మీకు వస్తాయి.
FTR కోచ్‌లు లేదా రైళ్ల కోసం ఆఫ్‌లైన్ బుకింగ్‌లు కూడా చేసుకోవచ్చు. దేశవ్యాప్తంగా ఏదైనా ప్రధాన రైల్వే స్టేషన్‌కు వెళ్లి.. అక్కడ రిజర్వేషన్ ఆఫీసర్‌ని సంప్రదించి ఇలా కూడా బుక్ చేసుకునే వెసులుబాటు ఉంది.
కార్తీక్ కుమార్ కొంగణి సమయం తెలుగులో డిజిటల్ కంటెంట్ ప్రొడ్యూసర్\u200cగా పని చేస్తున్నారు. ఇక్కడ ట్రావెల్\u200cకు సంబంధించిన తాజా వార్తలు,వీకెండ్ స్పాట్ల గురించి వివరించడంతో పాటు,ప్రముఖ పర్యాటక ప్రాంతాల సమాచారం, ఫొటో ఫీచర్లు అందిస్తుంటారు. తనకు జర్నలిజంలో 8 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో రాజకీయ, క్రీడా, సినిమా రంగాలకు సంబంధించిన వార్తలు అందించారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
