Andaman Nicobar Islands: అండమాన్ దీవుల ట్రిప్‌కి ఎంత ఖర్చు అవుతుందంటే..?

అండమాన్ ట్రిప్‌కు రెండు విధాలుగా వెళ్లొచ్చు. ఒకటి విమానయానం, రెండోది క్రూయిజ్ ప్రయాణం. తొందరగా వెళ్లాలనుకుంటే విమాన ప్రయాణమే బెస్ట్. అందులో ఒక్కరికి రానూ, పోనూ విమాన ఛార్జీలు రూ.15 నుంచి 20 వేల వరకు అవుతుంటాయి. అలాగే మీ ప్రయాణానికి రెండు, మూడు నెలల ముందే బుక్ చేసుకుంటే రూ.15 వేలలోపే టికెట్లు దొరికే అవకాశం ఉంటుంది. మరోవైపు క్రూయిజ్‌లో వెళ్లాలనుకుంటే ధర కాస్త తక్కువే అయినా ఒకవైపు ప్రయాణానికే సుమారు రెండు రోజులు పట్టొచ్చు. (Photo Credit: Unsplash)

Also Read: Raghurajpur: పూరి దగ్గరున్న రఘురాజ్‌పూర్‌ని తప్పక సందర్శించాల్సిందే.. ఇదో ప్రత్యేకమైన గ్రామం..!

ఇక అక్కడికెళ్లాక ఉండటానికి వసతి సౌకర్యాలు అవసరం. అందుకు చాలా హోటల్స్, ప్రైవేట్ రిసార్ట్స్ అందుబాటులో ఉన్నాయి. అయితే మీరు తక్కువ బడ్జెట్‌లో ఉండాలనుకుంటే కనీసం రోజుకు రూ.1500ల నుండి పెట్టుకోవాల్సి ఉంటుంది. ఒక వారం రోజులు ఉన్నా సుమారు 10 వేలు వసతికే సరిపోతుంది. (Photo Credit: Unsplash)

Also Read: Travelling Tips: కొత్తగా ప్రయాణాలు మొదలు పెట్టాలనుకుంటున్నారా..? ఈ టిప్స్ మీ కోసమే..!

ఇక అండమాన్‌లోని పోర్ట్ బ్లెయిర్ నుండి నీల్ ఐలాండ్‌లోని హావ్‌లాక్ అనే అందమైన దీవికి వెళ్లడానికి ప్రత్యేకంగా ఫెర్రీలో వెళ్లాల్సి ఉంటుంది. దానికి అప్ అండ్ డౌన్ కనీసం రూ.5 వేల దాకా ఖర్చవుతుంది. కానీ, ఇది తప్పకుండా చేయాల్సిన జర్నీ. మీరు అండమాన్ వెళితే నీల్‌ ఐలాండ్స్‌లోని హావ్‌లాక్ బీచ్‌కు వెళ్లకపోతే ఆ ట్రిప్ వేస్ట్ అనే చెప్పాలి. దీంతో మీరు కచ్చితంగా ఈ ఫెర్రీ రైడ్‌ని ఆస్వాదించాలి. (Photo Credit: Unsplash)

Also Read: Bandhavgarh National Park: ఈ బాంధవ్‌గఢ్ నేషనల్ పార్క్‌‌ గురించి తెలుసా? ఎక్కడుంది.. ఎప్పుడు వెళ్లాలి..?

ఇక అన్ని సందర్శనీయ స్థలాల్లో ఎంట్రీ టికెట్లు, ఎక్కడైనా చిరు తిళ్లు, నీళ్ల బాటిళ్లు, స్థానిక ప్రదేశాలు తిరగడానికి స్కూటీని అద్దెకు తీసుకోవడం వంటివన్నీ కలిపితే ఇతర ఖర్చులు సుమారు రూ.5 నుండి 6 వేల దాకా అవుతుంది. అలాగే ఆహారం కూడా రోజుకు కనీసం రూ.500 నుండి 1000 దాకా ఖర్చవుతుంది. (Photo Credit: Unsplash)

Also Read: IRCTC Leh Ladakh Trip: ఐఆర్సీటీసీ లేహ్, లద్ధాఖ్ ట్రిప్.. హైదరాబాద్ నుండే నేరుగా వెళ్లొచ్చు..!

అండమాన్‌లో పలు అందమైన బీచ్‌లు, అద్భుతమైన లొకేషన్లు ఉంటాయి. దీంతో అక్కడ విహరించడంతో పాటు సముద్ర జలాల్లో జల క్రీడలు కూడా ఆస్వాదించాల్సిందే. అక్కడ స్నోర్కెలింగ్, స్కూబా డైవింగ్, పారాసెయిలింగ్, స్పీడ్ బోటింగ్ వంటి వాటికి రూ.10,000 ఖర్చవుతాయి. దీంతో తక్కువలో తక్కువగా మీరు అండమాన్‌ ట్రిప్‌ని ఎంజాయ్ చేయాలంటే వారం రోజులకు కనీసం రూ.50 వేల నుండి రూ.60 వేల ఖర్చవుతుంది. (Photo Credit: Unsplash)

Also Read: Goa Trip: మార్చిలో గోవా పర్యటన ఆహ్లాదకరం.. తక్కువ బడ్జెట్‌లో గొప్ప అనుభూతి..!

• Read All Latest Telugu News and Travel News​