Chardham Yatra Registration: చార్‌ధామ్ యాత్రకు మీరే ఇలా రిజిస్ట్రేషన్ చేసుకోండి.. స్టెప్ బై స్టెప్ పూర్తి సమాచారం..!

ఉత్తరాఖండ్‌లోని చార్‌ధామ్ యాత్రకు (Uttarakhand Chardham Yatra 2023) వెళ్లాలని చాలా మంది ఆశపడుతుంటారు. అక్కడికి ఏటా లక్షల మంది భక్తులు వెళ్లి తమ మొక్కులు చెల్లించుకుంటారు. ఈ క్రమంలోనే ఈసారి కూడా యాత్రికులు పెద్ద సంఖ్యలో తరలి వచ్చే అవకాశం ఉందని అధికారులు భావిస్తున్నారు. అయితే, ఉత్తరాఖండ్ ప్రభుత్వం ఈసారి యాత్రికులను తప్పనిసరిగా రిజిస్ట్రేషన్ (Chardham Yatra Registration) చేసుకోవాల్సిందిగా ఆదేశించింది. అలా చేసుకుంటేనే ఏప్రిల్ 22 నుండి ప్రారంభమయ్యే యాత్రకు అనుమతిస్తుంది. లేదంటే వారికి అవకాశం లేనట్లే. దీంతో చాలా మంది భక్తులు రిజిస్ట్రేషన్ ఎలా చేసుకోవాలనే విషయంపై ఏజెంట్లను సంప్రదిస్తున్నారు. అలా కాకుండా మీరే సొంతంగా ఆన్‌లైన్‌లో ఎలా రిజిస్ట్రేషన్ చేసుకోవచ్చో ఇక్కడ తెలుసుకుందాం. అందుకోసం స్టెప్‌ బై స్టెప్ ప్రాసీజర్‌ను వివరించాం. మీరూ వెళ్లాలనుకుంటే ఇక్కడ చెప్పిన విధంగా రిజిస్ట్రేషన్ చేసుకొని చార్‌ధామ్ యాత్రను పూర్తి చేయండి. (Photo Credit: Pixabey)

1. ముందు ‌ఆన్‌లైన్‌లో https://registrationandtouristcare.uk.gov.in ఈ వెబ్‌సైట్‌ని సందర్శించండి.
2. అక్కడ ముందే అకౌంట్ ఉంటే లాగిన్ అవ్వండి. లేదా కొత్త అకౌంట్‌ క్రియేట్ చేసుకోండి. ఈ అకౌంట్‌ను వ్యక్తిగతం లేదా కుటుంబ సభ్యుల వివరాలతో నమోదు చేసుకోవచ్చు.
3. మీరు కొత్త ఖాతా రిజిస్టర్ చేసుకోవాలనుకుంటే పూర్తి పేరు, సరైన మొబైల్ నంబర్, పాస్‌వర్డ్‌ని ఎంటర్ చేయాలి.
4. అలా సైన్ ఇన్ అయ్యాక.. ఎడమవైపున మీ పేరుతో ఉన్న డాష్‌బోర్డ్‌ చూస్తారు.
5. ఇప్పుడు, మీ టూర్ సమాచారాన్నిపొందుపరిచాక అది మిమ్మల్ని'మీ ట్రిప్ ప్లాన్ పేజీ’కి తీసుకెళ్తుంది.
6. అక్కడ ‘యాడ్ న్యూ టూర్‌’ అనే బాక్స్‌పై క్లిక్ చేయాల్సి ఉంటుంది.
7. అక్కడ మీ టూర్‌కు సంబంధించిన పూర్తి సమాచారం నమోదు చేయాలి. అందులో మీరు ఎక్కడికి వెళ్తున్నారు, ఆ పర్యటనలో ఏమేం చూడాలనుకుంటున్నారు, ఎంత మంది వెళ్తున్నారు, ఎప్పుడు వెళ్తున్నారు అనే సమాచారాన్ని నమోదు చేయాలి.
8. తర్వాత మీరు పొందుపర్చిన పూర్తి వివరాలను సేవ్ చేసుకోవాలి.
9. అప్పుడు మీ పర్యటనకు సంబంధించిన వివరాలు నమోదవుతాయి.
10. ఆ తర్వాత ‘రిజిస్ట్రేషన్‌ ఆప్ టూరిస్ట్’ అనే ఫామ్ కనిపిస్తుంది. అందులో యాత్రికులు తమ పర్యటనకు సంబంధించిన వివరాలను నమోదు చేయాలి. అందులో మీ గమ్యస్థానం ఆటోమేటిగ్గా కనిపిస్తుంది.
11. చివరికి రిజిస్ట్రేషన్‌ని పూర్తి చేయడానికి Save and Next పై క్లిక్ చేయాల్సి ఉంటుంది.
12. ఆపై ప్రయాణికులు తమ యాత్రకు సంబంధించిన రిజిస్ట్రేషన్ లెటర్‌ను డౌన్‌లోడ్ చేసుకోవాలి. అందులో ప్రత్యేకమైన QR కోడ్ ఉంటుంది. దాన్ని మీరు యాత్ర సమయంలో అధికారులకు చూపాల్సి ఉంటుంది. అలాగే యూజర్ యూనిక్ ఐడీతో పాటు ఎస్ఎంఎస్ కూడా వస్తుంది.
13. మరోవైపు ఈ యాత్రకు సంబంధించి పూర్తి వెరిఫికేషన్ అయ్యాక ‘యాత్రి సర్టిఫికేట్’కూడా మీకు లభిస్తుంది.
14. ఒకవేళ మీకు ఆ యాత్రకు సంబంధించిన రూట్ మ్యాప్ కావాలనుకుంటే ఉత్తరాఖండ్‌ ప్రభుత్వం రూపొందించిన టూరిస్ట్ కేర్ యాప్‌ను డౌన్‌లోడ్ చేసుకోవచ్చు. దీంతో మీ యాత్ర ఎలాంటి ఇబ్బందులు లేకుండ సాఫీగా సాగుతుంది.

• Read All Latest Telugu News and Travel News