Ladakh Packages: లేహ్, లడాఖ్ పర్యాటకుల కోసం IRCTC బడ్జెట్ ప్యాకేజీలు

భారత దేశ పర్యాటక ప్రాంతాల్లో అత్యంత అందమైన, అతి శీతలమైన ప్రదేశాలు లేహ్, లడాఖ్. ఇవి సముద్ర మట్టానికి సుమారు 3500 మీటర్ల ఎత్తులో ఉంటాయి. జమ్మూ కశ్మీర్ నుంచి ఇటీవలే కేంద్రపాలిత ప్రాంతంగా మారిన లడాఖ‌లో లేహ్, కార్గిల్ అనే జిల్లాలు ఉంటాయి. అందులో లేహ్ అనేది సుందరమైన ప్రదేశంగా పేరుగాంచింది.

Authored byKarthik Kumar Kongani | Samayam Telugu 29 Aug 2022, 2:47 pm

ఇటీవలి కాలంలో పర్యాటక (Travel) లోకం మళ్లీ పాత రోజుల్లోకి జారుకుంటుండంతో ప్రజలు కూడా కొత్త కొత్త ప్రదేశాలకు వెళ్లాలని చూస్తున్నారు. ఈ క్రమంలోనే ఇండియన్ రైల్వే కాటరింగ్ అండ్ టూరిజం కార్పొరేషన్ (IRCTC) ఆసక్తిగల పర్యాటకుల కోసం లేహ్, లడాఖ్ ప్యాకేజీలను తీసుకొచ్చింది. ఇది హిమాలయ ప్రాంతం కాబట్టి కొండలు, లోయలు,ప్ర‌కృతి సోయగాలకు నెలవైన ప్రదేశం. దీంతో ప్రజలకు తక్కువ బడ్జెట్‌లోనే దేశంలోని అన్ని ప్రధాన నగరాల నుంచి ఈ ప్యాకేజీలను అందిస్తోంది. మరి ఇంకెందుకు ఆలస్యం. ఆ వివరాలేంటో చూసేద్దాం.

ప్యాకేజీ వివరాలు..
ఈ ప్యాకేజీలోని టూర్ మొత్తం 6 రాత్రులు, 7 రోజుల వ్యవధిలో సాగుతుంది. కోల్‌కతా, దిల్లీ, హైదరాబాద్, గోరఖ్‌పూర్ తదితర గమ్యస్థానాల నుంచి విమాన ప్రయాణాలతో కలిపి ఉంటుంది. హైదరాబాద్ (Hyderabad) నుండి వెళ్లాలనుకునే వారికి ఒక్కొక్కరికీ రూ.38,470 వసూలు చేస్తారు. ఈ ప్యాకేజీలో వీమాన ప్రయాణ ఛార్జీలతో పాటు, భోజనం సౌకర్యం, 3 స్టార్ హోటల్స్‌లో వసతి, లోకల్ సైట్ సీయింగ్ అన్నీ కవర్ అవుతాయి. ఈ ప్యాకేజీలో షామ్ వాలీ, లేహ్, నుబ్రా వాలీ, తుర్తుక్, పాన్‌గాంగ్ సరస్సు లాంటి అందమైన ప్రదేశాలు ఉన్నాయి.

లడాఖ్ ఎలా ఉంటుందంటే.. ఇది అత్యంత శీతల ప్రదేశం కాబట్టి చలి తీవ్రత అధికంగా ఉంటుంది. మొత్తం కొండలు లోయలతో ప్ర‌కృతి రమణీయంగా ఉంటుంది. ఇక మంచు కొండల గురించి ప్రత్యేకంగా చెప్పాల్సిన పనిలేదు. సముద్రమట్టానికి 3500 మీటర్ల ఎత్తులో ఉంటుంది కాబట్టి తగు జాగ్రత్తలు తీసుకోవాలి. అక్కడ ఆక్సిజన్ లెవెల్స్ కూడా తక్కువగా ఉంటాయి కాబట్టి అనారోగ్య సమస్యలు ఉన్నవాళ్లు వైద్యులను సంప్రదించడం మంచిది. ఇక యువతకు ఇది మరింత ప్రియమైన ప్రదేశం. ఇక్కడ ట్రెక్కింగ్, బైక్ రైడింగ్ చేస్తే కొత్త అనుభూతి పొందుతారు. ఈ లడాఖ్ ప్యాకేజీల మరింత సమాచారం కోసం IRCTCని సంప్రదించండి.

Ladakh Packages: లేహ్, లడాఖ్ పర్యాటకుల కోసం IRCTC బడ్జెట్ ప్యాకేజీలు

తరవాత కథనం