అన్నీ అనుకున్నట్లు జరిగితే..
అన్నీ అనుకున్నట్లుగా జరిగితే త్వరలోనే రెండు దేశాల మధ్య డైరెక్ట్ ఫ్లైట్లు నడిచే వీలుంది. ప్రస్తుతం ఇండియా నుంచి కంబోడియా వెళ్లాలన్నా లేదా అక్కడి నుండి ఇక్కడికి రావాలన్నా సింగపూర్, మలేషియా, థాయ్‌లాండ్‌లకు వెళ్లాల్సి వస్తోంది. దీంతో ప్రయాణ సమయంతో పాటు ఖర్చులు కూడా పెరుగుతున్నాయి. అయితే, డైరెక్ట్ విమానాలు ప్రారంభమైతే ప్రయాణికులకు ఆ భారం తగ్గుతుంది. దాంతో ఇరు దేశాల పర్యాటకులకు ప్రయోజనం కలుగుతుంది. ఇప్పుడున్న సమాచారం ప్రకారం.. ఫోమ్ పెన్ నుండి న్యూ దిలీకి ఒక విమానం, ఫోమ్ పెన్ నుండి బుద్ధ గయాకు మరో విమానం నడపాలని అధికారులు భావిస్తున్నారు. (Photo Credit: Unsplash)
అక్కడ కూడా మన సంస్కృతే..
కంబోడియాలోనూ భారతీయ భారతీయ సంస్కృతిని చూడొచ్చు. అక్కడ చాలా చోట్ల మన పద్ధతులనే పాటిస్తారు. అందువల్లే ఇరు దేశాల మధ్య పర్యాటకుల సంఖ్య కూడా పెరుగుతోంది. కంబోడియాలో బౌద్ధమతానే ఎక్కువగా పాటిస్తారు. అయితే, అక్కడ పలు హిందూ దేవాలయాలు కూడా ఉంటాయి. అందులో ఒకటి అంగ్కోర్ వాట్. ఇది తప్పక సందర్శించాల్సిన అద్భుతమైన పురాతన ఆలయం. అలాగే కంబోడియా వాసులు మన భారత దేశంలోని బుద్ధ గయాను కూడా చూడాలనుకుంటారు. దీంతో రెండు దేశాల మధ్య నేరుగా విమాన సర్వీసులు ప్రారంభమైతే పర్యాటకులకు బాగా కలిసివస్తుంది. (Photo Credit: Unsplash)
చూడాల్సిన పర్యాటక ప్రదేశాలు..
ఇంతకుముందే చెప్పినట్టు కంబోడియాను సందర్శించాలనుకునేవారు చాలా మంది ఉన్నారు. అనేక దేశాల నుండి పర్యాటకులు అక్కడికి నిత్యం వెళ్తుంటారు. సీమ్‌రీప్ ప్రావిన్స్‌లోని అంగ్కోర్ వాట్ అనేది చారిత్రక ప్రదేశం. అలాగే సిహనౌక్‌విల్లేతో పాటు కంబోడియా రాజధాని ఫోమ్‌పెన్ కూడా సందర్శనీయ ప్రాంతం. ఇక సముద్రతీర ప్రాంతంలోని బీచ్‌ల గురించి ప్రత్యేకంగా చెప్పాల్సిన పనిలేదు. అలాగే ప్రకృతి దృశ్యాలు సైతం ఆశ్యర్యపరుస్తాయి. (Photo Credit: Unsplash)
అక్కడ ఏమేం చేయొచ్చంటే..
కంబోడియా పర్యటన అద్భుతంగా ఆస్వాదించొచ్చు. అక్కడ కొన్ని సందర్శనీయ ప్రదేశాల్లో బోటింగ్, ట్రెక్కింగ్‌తో పాటు వినోదాత్మక కార్యక్రమాల్లోనూ పాల్గొనవచ్చు. టోన్లే సాప్ అనేది కంబోడియాలోని అద్భుతమైన సరస్సు. అక్కడ మీరు నీటిపై తేలియాడే గ్రామాలను చూడొచ్చు. అంతేకాకుండా ఆంగ్‌కోర్ వాట్‌ను ఆకాశం నుండి చూడాలనుకుంటే హాట్ ఎయిర్ బెలూన్ రైడ్‌ను కూడా ట్రై చేయొచ్చు. చాలా మంది పర్యాటకులు ఈ అడ్వెంచర్ రైడ్‌ను తప్పకుండా ఆస్వాదిస్తారు. (Photo Credit: Unsplash)
కంబోడియాకు ఎప్పుడు వెళ్లాలంటే..
ఈ ఆగ్నేయ ఆసియా దేశం సందర్శించడానికి ఏడాది పొడవునా ఎప్పుడైనా ఆహ్లాదకరంగా ఉంటుంది. అయితే, నవంబర్ నుండి ఏప్రిల్ మధ్య చూడటానికి ఉత్తమ సమయం. ఆ సమయంలో రద్దీ చాలా తక్కువగా ఉంటుంది. అదే మే నుండి అక్టోబర్ వరకైతే పర్యాటకులు అధికంగా ఉంటారు. దీంతో ఈ సమయంలో వెళ్లడం ద్వారా మీకు వసతితో పాటు ఇతర సౌకర్యాలు కూడా తక్కువ ధరకే అందుబాటులో ఉండే వీలుంది. అక్కడికి కుటుంబంతో వెళ్లినా, స్నేహితులతో వెళ్లినా హ్యాపీగా ఆస్వాదించి రావచ్చు. (Photo Credit: Unsplash)
- Read All Latest Telugu News and Travel News