If You Want To Travel With Your Pets This Is How You Can Go With Indian Railways
Travel With Pets: మీ పెంపుడు జంతువులను కూడా ట్రైన్లో వెంట తీసుకెళ్లొచ్చు.. అదెలాగో ఇక్కడ తెలుసుకోండి..!
చాలా మంది ఎక్కడికైనా సుదూర ప్రాంతాలకు వెళ్లాల్సినప్పుడు తమ పెంపుడు జంతువులను (Travel With Pets) వెంట తీసుకెళ్లాలని అనుకుంటారు. అయితే, పబ్లిక్ ట్రాన్స్పోర్ట్లో వాటిని తీసుకెళ్లడం కష్టం. అయితే, ఇండియన్ రైల్వేస్ ఆ సౌలభ్యాన్ని అందిస్తోంది. ప్రయాణికులు తమ వెంట పెంపుడు జంతువులను ఎలా తీసుకెళ్లాలో ఇక్కడ చూద్దాం.
మనలో చాలా మందికి సాధు జంతువులను (Pet Animals) పెంచుకునే అలవాటు ఉంటుంది. వాటిని తమ సొంత కుటుంబ సభ్యుల్లాగే చూసుకునేవారు చాలా మందే ఉంటారు. అలాంటి వారు ఎక్కడికైనా సుదూర ప్రాంతాలకు వెళ్లాల్సిన అవసరం వచ్చినప్పుడు ఆ మూగ జీవాల ఆలనా పాలనా చూసుకోవడం కష్టమవుతుంది. దీంతో చేసేది లేక కొందరు వాటిని ఇంట్లోనే వదిలేసి వెళితే.. మరికొందరు పక్కింటి వాళ్లకి అప్పజెప్పి వెళ్తారు. అయితే, అలాంటివారు ఇకపై ఇబ్బందులు పడాల్సిన అవసరం లేదు. పెంపుడు జంతువులు కలిగిన వారు ఎక్కడికైనా వెళ్లాలనుకుంటే వారితో పాటు తమ పెంపుడు జంతువులను (Travel With Pets) కూడా వెంట తీసుకెళ్లే అవకాశం ఉంది. ఇండియన్ రైల్వేస్(Indian Railways) ఆ ప్రత్యేకమైన అవకాశాన్ని కల్పిస్తోంది. పూర్తి సమాచారం తెలియాలంటే ఇది చదవాల్సిందే. (Photo Credit: Unsplash)
సరైన రైలును ఎంచుకోవాలి..
ముందుగా పెంపుడు జంతువులు కలిగిన వారు ఎక్కడికి వెళ్లదల్చుకున్నారో స్పష్టమైన అవగాహన ఉండాలి. ఆ గమ్యస్థానానికి ఫస్ట్ క్లాస్ ఏసీ ప్రయాణ సదుపాయం కలిగిన రైలు ఉందా లేదా సరి చూసుకోవాలి. ఒక వేళ ఉంటే ఎంచక్కా వారు తమ పెంపుడు జంతువుతో కలిసి ప్రయాణించే అవకాశం ఉంటుంది. (Photo Credit: Unsplash/Representational Image) Also Read: Bengaluru Helicopter Service: బెంగళూరు వారికి గుడ్న్యూస్.. త్వరలో హెలికాఫ్టర్ సర్వీస్ అందుబాటులోకి..!
క్యాబిన్ లేదా కూప్ బుక్ చేసుకోవాలి..
ప్రయాణికులు తమ వెంట పెంపుడు జంతువును తీసుకెళ్లాలంటే ఏసీ ఫస్ట్ క్లాస్లో బుక్ చేసుకోవాల్సి ఉంటుంది. అయితే, ఏసీ ఫస్ట్ క్లాస్ సర్వీస్లో రెండు సదుపాయాలు ఉంటాయనే సంగతి అందరికీ తెలిసిందే. ఒకటి నాలుగు సీట్లు కలిగిన క్యాబిన్ లేదా రెండు సీట్లు కలిగిన కూప్ బుక్ చేసుకోవాల్సి ఉంటుంది. (Photo Credit: Unsplash/Representational Image) Also Read:Varanasi: ఆలస్యం చేయకుండా వారణాసికి వెళ్లండి.. నాలుగు రోజులు అక్కడే ఉండి ఆ పండుగను ఆస్వాదించండి..!
కూప్ ఎంచుకోవడమే ఉత్తమం..
అయితే, ప్రయాణికులు ఎవరైనా ఒక్కరే తమ పెంపుడు జంతువుతో వెళ్లాలనుకున్నప్పుడు ఫస్ట్క్లాస్ ఏసీ టికెట్ బుక్ చేసుకునేటప్పుడు కూప్ సీట్ బుకింగ్ చేసుకోవడం మంచిది. అంటే మీరు రెండు టికెట్లు బుక్ చేసుకోవడం ఉత్తమం. దాంతో ప్రయాణికులు తమతో పాటు తమ పెట్ను కూడా వెంట తీసుకెళ్లొచ్చు. (Photo Credit: Unsplash/Representational Image) Also Read: Vizag - Kashmir Package: వైజాగ్ టు కశ్మీర్ టూర్.. ఐఆర్సీటీసీ ప్యాకేజీ ఎంతంటే..?
వాక్సినేషన్ సర్టిఫికెట్ ఉండాలి..
అలాగే ప్రయాణికులు తమ జంతువులను వెంట తీసుకెళ్లడానికి ముందు వాటికి వ్యాక్సినేషన్ కూడా చేయించాలి. ఆ తర్వాత వెటర్నరీ డాక్టర్ నుండి ఆ పెట్ ప్రయాణించడానికి గల వ్యాక్సినేషన్ సర్టిఫికెట్ కూడా పొందాలి. అయితే, అందుకు మీ పెంపుడు జంతువును పూర్తి హెల్త్ చెకప్ చేస్తారు. తర్వాతే జారీ చేస్తారు.(Photo Credit: Unsplash/Representational Image) Also Read: MV Ganga Vilas: ప్రపంచంలోనే అతిపొడవైన రివర్ క్రూయిజ్ ప్రయాణం.. ధర తెలిస్తే షాకవుతారు..!
రైల్వే రిజర్వేషన్ ఆఫీస్కు వెళ్లాలి..
ఇక ప్రయాణికులు బుకింగ్ చేసుకొని వ్యాక్సినేషన్ సర్టిఫికెట్ తీసుకున్నాక తమ ప్రయాణానికి రెండు, మూడు రోజుల ముందు ప్రాంతీయ రైల్వే స్టేషన్లోని రిజర్వేషన్ కేంద్రానికి వెళ్లాలి. అక్కడ ఫస్ట్ క్లాస్ రిజర్వేషన్కు సంబంధించి కూప్ లేదా క్యాబిన్ కావాలని దరఖాస్తు చేసుకోవాలి. అలాగే మీరు బుకింగ్ చేసుకున్న టికెట్తో పాటు మీ ఐడీ ప్రూఫ్, వాక్సినేషన్ సర్టిఫికెట్ అన్నీ కలిపి అక్కడున్న డ్రాప్ బాక్స్లో వేయాలి. (Photo Credit: Unsplash/Representational Image) Also Read: Kerala 7 Days 7 Places Tour: కేరళ ట్రిప్.. 7 రోజుల్లో 7 ప్రాంతాలు ఇలా చుట్టేయండి..!
చివరగా ఈ పని చేయాలి..
ఇక చివరగా ప్రయాణికులు తాము వెళ్లాల్సిన రోజు కొద్ది గంటల ముందుగానే రైల్వేస్టేషన్కు చేరుకోని పార్సెల్ ఆఫీస్కు వెళ్లాలి. అక్కడ మీ కన్ఫర్మ్ టికెట్తో పాటు పెంపుడు జంతువుకు సంబంధించిన వాక్సినేషన్ కమ్ ట్రావెల్ సర్టిఫికెట్ చూపిస్తే సరిపోతుంది. వాళ్లు అప్పుడు మీ పెట్ ఎన్ని కేజీల బరువు ఉందో చెక్ చేసి ఒక కేజీకి రూ.30 చొప్పున వసూలు చేస్తారు. అది పూర్తయ్యాక మీకు పెట్ టికెట్ జారీ చేస్తారు. దాన్ని మీరు ప్రయాణం చేస్తున్నంత సేపు కలిగి ఉండాలి. ఒక వేళ ఆ టికెట్ లేకుండా ప్రయాణిస్తూ పట్టుబడితే సుమారు 6 రెట్లు అధికంగా జరిమానా చెల్లించాల్సి ఉంటుంది. (Photo Credit: Unsplash/Representational Image) Also Read: Indian Passport: 2023 పవర్ఫుల్ పాస్పోర్ట్స్ జాబితా.. భారత పాస్పోర్ట్తో మీరెన్ని దేశాలకు వీసా లేకుండా వెళ్లొచ్చంటే?
కార్తీక్ కుమార్ కొంగణి సమయం తెలుగులో డిజిటల్ కంటెంట్ ప్రొడ్యూసర్\u200cగా పని చేస్తున్నారు. ఇక్కడ ట్రావెల్\u200cకు సంబంధించిన తాజా వార్తలు,వీకెండ్ స్పాట్ల గురించి వివరించడంతో పాటు,ప్రముఖ పర్యాటక ప్రాంతాల సమాచారం, ఫొటో ఫీచర్లు అందిస్తుంటారు. తనకు జర్నలిజంలో 8 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో రాజకీయ, క్రీడా, సినిమా రంగాలకు సంబంధించిన వార్తలు అందించారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.