India Jumps To Two Spots In Latest 2023 Most Powerful Passports Index List
Indian Passport: 2023 పవర్ఫుల్ పాస్పోర్ట్స్ జాబితా.. భారత పాస్పోర్ట్తో మీరెన్ని దేశాలకు వీసా లేకుండా వెళ్లొచ్చంటే?
అప్పుడే 2023 పవర్ఫుల్ పాస్పోర్ట్స్ (2023 Most Powerful Passports) జాబితా వచ్చేసింది. హెన్లే పాస్పోర్ట్ ఇండెక్స్ దీన్ని విడుదల చేసింది. గతేడాదితో పోలిస్తే భారత్ (Indian Passports) ఈసారి రెండు స్థానాలను మెరుగుపర్చుకుంది. మరోవైపు ఎప్పటిలాగే జపాన్ ఈసారి కూడా ముందు వరుసలో నిలిచింది. దేశంలో అశాంతి పరిస్థితులు నెలకొనడంతో అఫ్గానిస్థాన్ చివరి స్థానంలో నిలిచింది.
2023 మొదలైన కొద్ది రోజులకే ఈ నూతన సంవత్సరానికి సంబంధించి ప్రపంచవ్యాప్తంగా ఉన్న అత్యంత శక్తిమంతమైన పాప్పోర్ట్స్ జాబితా (2023 Most Powerful Passports) విడుదలైంది. తాజాగా హెన్లీ పాస్పోర్ట్ ఇండెక్స్ (Henley Passport Index) అనే సంస్థ ప్రపంచంలోని మోస్ట్ పవర్ఫుల్ పాస్పోర్ట్స్ జాబితాను ప్రకటించింది. అందులో జపాన్ వరుసగా ఐదోసారి మొదటి స్థానాన్ని ఆక్రమించుకోగా.. తాలిబన్ల పాలనతో దేశంలో అశాంతి పరిస్థితులు నెలకొన్న అఫ్గానిస్థాన్ చివరి స్థానంలో చోటు సంపాదించుకుంది. ఇక భారత్ ఈ జాబితాలో 85వ స్థానంలో నిలిచింది.
భారత్ పాస్పోర్ట్ ఉంటే 59 దేశాలు..
గతేడాది పోలిస్తే భారత్ ఈసారి రెండు స్థానాలను మెరుగుపర్చుకుంది. 2022 జాబితా ప్రకారం 87వ స్థానంలో ఉన్న భారత్ ఇప్పుడు రెండు స్థానాలు ఎగబాకింది. దీంతో భారతీయ పాస్పోర్ట్ కలిగిన పౌరులు ఇప్పుడు వీసా లేకుండా 59 దేశాలకు వెళ్లే అవకాశం ఉంది. జపాన్ పాస్పోర్ట్ కలిగిన వారు ఏకంగా 193 దేశాలకు ఎలాంటి వీసా అవసరం లేకుండా వెళ్లొచ్చు. (Photo Credit: Unsplash) Also Read: Maldives: మాల్దీవ్స్ ట్రిప్లో ఇలాంటి పనులు అస్సలు చేయకూడదు.. చేస్తే అంతే సంగతి
199 రకాల పాస్పోర్ట్లు, 227 గమ్యస్థానాలు..
ఇంటర్నేషనల్ ఎయిర్ ట్రాన్స్పోర్ట్ అథారిటీ (IATA) నుండి వచ్చిన సమాచారం ఆధారంగా హెన్లే గ్లోబల్ సంస్థ ఈ పాస్పోర్ట్ ఇండెక్స్ జాబితాను విడుదల చేసింది. ఇందులో మొత్తం 199 రకాల పాస్పోర్ట్లు ఉన్నాయి. వాటితో ప్రపంచ వ్యాప్తంగా 227 గమ్యస్థానాలకు ప్రయాణం సాగించొచ్చు. మరోవైపు ఈ జాబితా ఎప్పటికప్పుడు తాజా సమాచారంతో విడుదలవుతూనే ఉంటుంది. ఏటా మూడు నెలలకోసారి ఈ ర్యాంకింగ్లు విడుదలవుతాయి. ఇప్పుడు వెల్లడించింది 2023 మొదటి త్రైమాసికానికి సంబంధించినది. (Photo Credit: Unsplash) Also Read: 3 Days 7 Continents Travel: 3 రోజుల్లో 7 ఖండాలు చుట్టేసి.. గిన్నీస్లో చోటు దక్కించుకున్నారు..
టాప్లో నిలిచిన దేశాలు ఇవే..
ఇక ఈ జాబితాలో మొదటి 10 స్థానాల్లో నిలిచిన దేశాల్లో జపాన్ అగ్రస్థానంలో ఉండగా సింగపూర్, దక్షిణ కొరియా రెండో స్థానంలో సమానంగా ఉన్నాయి. జర్మనీ, స్పెయిన్ కూడా మూడో స్థానంలో సమానంగా చోటు దక్కించుకున్నాయి. తర్వాత ఫిన్లాండ్, యూకే, అమెరికా, ఇటలీ, లక్సెంబర్గ్, ఆస్ట్రియా, డెన్మార్క్ వంటి దేశాలు ఉన్నాయి. (Photo Credit: Unsplash) Also Read: Valentines Day Special: ఈ వాలెంటైన్స్ డేకి అక్కడ ఈ పనులు చేయండి.. !
యూకే, యూఎస్ ఎక్కడంటే..
సింగపూర్, దక్షిణ కొరియా పాస్పోర్ట్లు కలిగిన వారు ప్రపంచ వ్యాప్తంగా 192 దేశాలకు వీసా లేకుండా వెళ్లే అవకాశం ఉండగా. జర్మనీ, స్పెయిన్ పాస్పోర్ట్ హోల్డర్లు 190 దేశాలకు ప్రయాణం సాగించొచ్చు. మరోవైపు గత దశాబ్దంలో అగ్రస్థానంలో నిలిచిన యూకే, అమెరికా వంటి పేరు మోసిన దేశాలు ఇప్పుడు వరుసగా ఆరు, ఏడు స్థానాల్లో నిలిచాయి. దీంతో ఈ దేశాల వారు 187, 186 దేశాలకు వెళ్లొచ్చు. ఇక అఫ్ఘానిస్థాన్ 109వ చివరి స్థానంలో నిలవగా.. ఆ దేశ పాస్పోర్ట్ కలిగిన వారు 27 దేశాలకు వీసా లేకుండా వెళ్లగలరు. (Photo Credit: Unsplash) Also Read: Interesting Facts of Taj Mahal: తాజ్ మహాల్ గురించి ఆసక్తికరమైన నిజాలు మీకు ఇవి తెలుసా?
రష్యా, ఉక్రెయిన్లు ఎక్కడున్నాయి..
మరోవైపు గతేడాది రష్యా, ఉక్రెయిన్ల మధ్య యుద్ధం మొదలైనప్పటికీ రెండు దేశాలు దాదాపు ఒకే స్థానాన్ని కలిగి ఉన్నాయని ఈ జాబితా వెల్లడించింది. రష్యా ప్రస్తుతం 49వ స్థానంలో ఉండగా అక్కడి పౌరులు 118 దేశాలకు వెళ్లొచ్చు. అలాగే ఉక్రెయిన్ రష్యా కన్నా 13 స్థానాలు మెరుగ్గా ఉండి 36వ ర్యాంక్ సాధించింది. దీంతో ఆ దేశ పాస్పోర్ట్ హోల్డర్లు 144 దేశాలకు వెళ్లొచ్చు. అయితే, అభివృద్ధి చెందిన పలు దేశాలు రష్యా పౌరులను నిషేధించడం గమనార్హం. (Photo Credit: Unsplash) Also Read: Republic Day long weekend: రిపబ్లిక్ డే లాంగ్ వీకెండ్.. ఈ ప్రదేశాలకు వెళ్లడానికి ప్లాన్ చేయండి..!
కార్తీక్ కుమార్ కొంగణి సమయం తెలుగులో డిజిటల్ కంటెంట్ ప్రొడ్యూసర్\u200cగా పని చేస్తున్నారు. ఇక్కడ ట్రావెల్\u200cకు సంబంధించిన తాజా వార్తలు,వీకెండ్ స్పాట్ల గురించి వివరించడంతో పాటు,ప్రముఖ పర్యాటక ప్రాంతాల సమాచారం, ఫొటో ఫీచర్లు అందిస్తుంటారు. తనకు జర్నలిజంలో 8 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో రాజకీయ, క్రీడా, సినిమా రంగాలకు సంబంధించిన వార్తలు అందించారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.