ఎందుకీ కొత్త చట్టం?
దేశంలో మతపరమైన సంప్రదాయవాదం పెరుగుతున్న నేపథ్యంలో తాజాగా అక్కడి నేతలు పార్లమెంట్‌లో ఈ కొత్త చట్టాన్ని ఏకగ్రీవంగాఆమోదించారు. మరోవైపు ఈ చట్టం మానవ హక్కులకు విఘాతం కలిగిస్తుందని, అదే విధంగా పర్యాటక రంగంపై ప్రభావం చూపుతుందని పలువురు అభిప్రాయపడుతున్నారు. ఈ కొత్త చట్టం స్థానికులతో పాటు ఇండోనేషియాలో నివసిస్తున్న విదేశీయులకు అలాగే పర్యాటకం కోసం వచ్చేవారికి వర్తించనుంది. (Photo Credit: Pexels)
అలా చేస్తే ఏడాది జైలు..
ఎవరైనా ఇకపై వివాహిత జంటలు వేరొకరితో సంబంధాలు కలిగి ఉన్నా.. టూరిస్టులుగా వచ్చిన వాళ్లు ఇతరులతో కలిసినా.. అలాగేఅక్కడ నివసిస్తున్న విదేశీయులు పెళ్లికి ముందే ఇతర సంబంధాలు కలిగి ఉన్నా నేరస్థులుగా పరిగణిస్తారు. దాంతో వారికి ఏడాది జైలు శిక్షతో పాటు భారీ జరిమానా విధించే అవకాశం ఉంది. (Photo Credit: Pexels)
Also Read: IRCTC Kerala Package: హైదరాబాద్ టు కేరళ.. రూ. 12,090 కే అద్భుతమైన ప్యాకేజీ త్వరపడండి
వీదేవీ ప్రభుత్వాల స్పందన..
మరోవైపు ఈ కొత్త చట్టం ఆ దేశాన్ని సందర్శించే టూరిస్టులపై ప్రభావం చూపుతుందని పలు విదేశీ ప్రభుత్వాలు అభిప్రాయపడ్డాయి. ఈ విషయంపై స్పందించిన ఆస్ట్రేలియా.. కొత్త చట్టం ఇంకా అమల్లోకి రావడానికి మూడేళ్ల సమయం ఉండటంతో దానిపై స్పష్టత రావాల్సి ఉందని చెప్పింది. అమెరికా స్పందిస్తూ.. ఈ కొత్త చట్టంపై నిశితంగా పరిశీలిస్తున్నామని తెలిపింది. అయితే, అక్కడి విదేశాంగ శాఖ అధికార ప్రతినిధి మీడియాతో మాట్లాడుతూ.. ఈ కొత్త చట్టం ఇండోనేషియాలో నివసిస్తున్న, సందర్శించే అమెరికా పౌరులపై ఎలాంటి ప్రభావం చూపుతుందోనని ఆందోళన వ్యక్తం చేశారు. (Photo Credit: Pexels)
టూరిజం శాఖ కూడా విముఖత..
మరోవైపు ఇండోనేషియా టూరిజం శాఖ సైతం ఈ కొత్త చట్టంపై విముఖత వ్యక్తం చేసింది. అది పర్యాటక రంగంపై ప్రభావం చూపుతుందని తెలిపింది. కొత్త చట్టాలు అమల్లోకి వస్తే విదేశీయులు అక్కడికి రావడానికి ఇష్టపడరని అభిప్రాయపడింది. అదే విధంగా విదేశీ కంపెనీలు సైతం అక్కడ పర్యాటక రంగంలో పెట్టుబడులు పెట్టేందుకు ఆసక్తి చూపరని చెప్పుకొచ్చింది. కాగా, కరోనా సమయంలో అన్ని దేశాల్లాగే ఇండోనేషియా పర్యాటక రంగం కూడా కుదేలైంది. ఇప్పుడిప్పుడే దాని ప్రభావం నుంచి కోలుకుంటున్న ఏజెంట్లకు ఇది మరో షాక్‌లా మారింది. (Photo Credit: Pexels)
Also Read: US Visa interviews: అమెరికా వీసా ఇంటర్వ్యూలకు 1000 రోజులు!
టూరిజం రంగంపై ప్రభావం..
అయితే, ఈ కొత్త చట్టం ఒకవేళ త్వరలోనే రాష్ట్రపతి ఆమోదం పొందినా మూడేళ్ల తర్వాత అమల్లోకి రానుంది. అప్పటికి పరిస్థితులు ఎలా ఉంటాయో చూడాలి. ఇక్కడ చెప్పుకోదగ్గ మరో ఆసక్తికరమైన విషయం ఏమిటంటే ఇండోనేషియాకు ప్రధాన ఆదాయ వనరుల్లో టూరిజం రంగం ఒకటి. బాలి వంటి అందమైన ప్రదేశాన్ని చూడటానికి విదేశీయులు ఎక్కువగా ఆసక్తి చూపుతుంటారు. ముఖ్యంగా భారతీయులు, ఆస్ట్రేలియన్లతో పాటు అమెరికా వాసులు సైతం ఆ ద్వీప దేశాన్ని అధికంగా సందర్శిస్తుంటారు. (Photo Credit: Pexels)
- Read All Latest Telugu News and Travel News