Irctc Andaman Nicobar Islands Tour Package Reasonable From Chennai
IRCTC Andaman Package: బడ్జెట్ ధరలో విమానంలో అండమాన్ టూర్.. ఆసక్తి ఉంటే బుక్ చేసుకోండి..!
బంగాళాఖాతంలో అత్యంత అందమైన డెస్టినేషన్గా పేరున్న అండమాన్ నికోబార్ దీవులకు (Andaman Nicobar Islands) ఐఆర్సీటీసీ (IRCTC Andaman Tour Package) కొత్త ప్యాకేజీ తీసుకొచ్చింది.4 రాత్రులు, 5 రోజుల ఈ టూర్ జనవరి 28న చెన్నై నుండి ప్రారంభమవుతుంది. ఈ ట్రిప్కు సంబంధించిన మరింత సమాచారం ఇక్కడ తెలుసుకుందాం.
అండమాన్ నికోబార్ ఐలాండ్స్ (Andaman Nicobar Tour) అనేవి బంగాళాఖాతంలోని అత్యంత అద్భుతమైన డెస్టినేషన్. ఈ దీవులను సందర్శించడానికి అనేక మంది పర్యాటకులు వెళ్తుంటారు. అండమాన్ దీవుల రాజధాని పోర్ట్ బ్లెయిర్ (Port Blair). అదే అక్కడ ప్రధాన పట్టణం కూడా. అక్కడ చూడాల్సినవి చాలా ఉన్నాయి. అందులో ప్రధానంగా వర్షారణ్యాలు, ప్రపంచ ప్రసిద్ధి చెందిన బీచ్లు, రుచికరమైన రెస్టారెంట్లు, వాటర్ స్పోర్ట్స్ యాక్టివిటీస్ (Water sports activities) పర్యాటకులను విశేషంగా ఆకట్టుకుంటాయి. దీంతో మీరు కూడా వెళ్లాలనుకుంటే ఈ సమాచారం తెలుసుకోండి. (Photo Credit: Unsplash)
ఇక ఒక్కరు వెళ్లాలనుకుంటే ఈ ప్యాకేజీ మొత్తం 48,600 కాగా డబుల్ షేరింగ్లో ఒక్కొక్కరికి రూ.41,500, ట్రిపుల్ షేరింగ్లో వెళ్లాలనుకుంటే రూ.40,500గా ధరలు నిర్ణయించారు. అదే చిన్నపిల్లలకైతే రూ.37,900గా పేర్కొన్నారు. దీంతో తక్కువ ధరకే మీరు అండమాన్ ట్రిప్ని ఆస్వాదించే వీలుంటుంది. (Photo Credit: Unsplash) Also Read: Hokkaido Beach: మంచు, ఇసుక, సముద్రం.. మూడు ఒకే చోట.. చూస్తే వెళ్లకుండా ఉండలేరు!
మీ టూర్ సాగేదిలా..
మీరు మొదట పోర్ట్బ్లెయిర్లో దిగగానే ఐఆర్సీటీసీ ఏజెంట్ మిమ్మల్ని రిసీవ్ చేసుకొని హోటల్కు తీసుకెళతారు. అక్కడ రీఫ్రెష్ అయ్యాక పోర్ట్బ్లెయిర్లోని బీచ్లతో పాటు సెల్యూలార్ జెయిల్ని సందర్శిస్తారు. అందులో ఎంతో మంది భారత స్వాతంత్ర సమరయోధులు జైలు జీవితం గడిపారు. అక్కడే సాయంత్రం వేళ లైట్ అండ్ సౌండ్ షో తిలకించవచ్చు. (Photo Credit:Unsplash) Also Read: London: లండన్కు వెళ్లాలనుకుంటే ఈ విషయం తెలుసుకోండి.. అక్కడికెళ్లాక ఆ పనిచేసి ఇబ్బంది పడకండి!
హ్యావ్లాక్, రాస్ ఐలాండ్స్..
ఇక రెండో రోజు ఉదయం ఫెర్రీబోట్లో రెండు గంటల సముద్ర ప్రయాణం చేసి హ్యావ్లాండ్ ఐలాండ్కు చేరుకుంటారు. అక్కడ హోటల్లో చెకిన్ అయ్యాక విశ్రాంతి తీసుకొని సాయంత్రం ప్రపంచ ప్రఖ్యాత రాధానగర్ బీచ్ను సందర్శిస్తారు. ఇక మూడో రోజు అక్కడి నుండి బయలుదేరి రాస్ ఐలాండ్ చేరుకుంటారు. అక్కడ మొత్తం బ్రిటీష్ కాలంలో నిర్మించిన కట్టడాలు చూడొచ్చు. కాకపోతే అవన్నీ శిథిలావస్థకు చేరుకున్నాయి. (Photo Credit: Unsplash) Also Read: Mumbai: ముంబయిలో ఇలాంటి అద్భుతమైన నిర్మాణాలు ఎప్పుడైనా గమనించారా? వాటి ప్రత్యేకత ఏంటో తేలుసా?
నార్త్ బే ఐలాండ్..
ఇక అదే రోజు సాయంత్రం నార్త్ బే ఐలాండ్ను చూస్తారు. అక్కడ మీరు వాటర్ స్పోర్ట్స్ యాక్టివిటీస్ ఎంజాయ్ చేయొచ్చు. స్కూబా డైవింగ్, స్నోర్కెటింగ్, సబ్మెరైన్ రైడ్ వంటివి ఆస్వాదించొచ్చు. రాత్రికి తిరిగి పోర్ట్బ్లెయిర్ చేరుకొని మరుసటి రోజు మధ్యాహ్నం అక్కడి నుండి చెన్నైకి తిరుగుపయనం అవుతారు. దాంతో మీ టూర్ పూర్తవుతుంది. మరింత పూర్తి సమాచారం కోసం ఐఆర్సీటీసీ వెబ్సైట్ని సందర్శించండి. (Photo Credit: Unsplash) Also Read: IRCTC Tourism Package: కరీంనగర్-తిరుపతి ఐఆర్సీటీసీ టూర్.. షేరింగ్లో తక్కువ ధరే..!
సందర్శనీయ ప్రాంతాల్లో ఎంట్రీ టికెట్లు ప్యాకేజీలో ఉండవు. అన్ని రోజులు మధ్యాహ్న భోజనం కూడా మీరే చూసుకోవాలి. చెన్నైలో విమానాశ్రయానికి మీ సొంత ఖర్చులే. ఫ్లైట్లో మీల్స్ కూడా ఉండవు. డ్రైవర్ టిప్పులు, గైడ్ ఖర్చులు లాంటివి అదనం. వాటర్ స్పోర్ట్స్ యాక్టివిటీస్ కూడా ఇందులో ఉండవు. అవి మీరే చూసుకోవాలి. (Photo Credit: Unsplash) Also Read: Beautiful Destinations: ఈ అందమైన గమ్యస్థానాలకు వెళ్లడానికి ఇంకా సమయం మించిపోలేదు మిత్రమా..!
కార్తీక్ కుమార్ కొంగణి సమయం తెలుగులో డిజిటల్ కంటెంట్ ప్రొడ్యూసర్\u200cగా పని చేస్తున్నారు. ఇక్కడ ట్రావెల్\u200cకు సంబంధించిన తాజా వార్తలు,వీకెండ్ స్పాట్ల గురించి వివరించడంతో పాటు,ప్రముఖ పర్యాటక ప్రాంతాల సమాచారం, ఫొటో ఫీచర్లు అందిస్తుంటారు. తనకు జర్నలిజంలో 8 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో రాజకీయ, క్రీడా, సినిమా రంగాలకు సంబంధించిన వార్తలు అందించారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.