పర్యాటకులను బట్టి ధరలు..
ఈ ప్యాకేజీలో పర్యాటకుల (IRCTC Nepal Package) ధరలు నిర్దేశించారు. కనిష్టంగా ఇద్దరు, గరిష్టంగా 10 మంది వరకు వెళ్లొచ్చు. ఇద్దరు వెళ్లాలనుకుంటే ఒక్కొక్క వ్యక్తికి రూ.43,170గా, అదే నలుగురు వెళ్లాలనుకుంటే రూ.42,130గా, ఆరుగురికి రూ.41,285గా, 10 మందికి రూ.39,400గా నిర్ణయించారు. అదే 5 నుండి 11 ఏళ్లలోపు చిన్నపిల్లలుంటే రూ.30,365గా ధరలు నిర్ణయించారు. అయితే, ఈ ప్యాకేజీ వెస్ట్‌బెంగాల్లోని సిలిగురి నుండి ప్రారంభమవుతుంది. అక్కడి వరకు మీ సొంత ఖర్చులతోనే వెళ్లాలి. అక్కడి నుండి మిమ్మల్ని పికప్ చేసుకొని ఈ టూర్‌కు తీసుకెళతారు. (Photo Credit: Unsplash)
అక్కడి నుండే ప్రయాణం మొదలు..
ముందుగా మిమ్మల్ని సిలిగురి రైల్వే స్టేషన్ (Siliguri West Bengal) నుండి భద్రాపూర్ విమానాశ్రయానికి తీసుకెళతారు. అక్కడి నుంచి విమానంలో ఖాట్మండుకు చేరవస్తారు. అయితే, సిలిగురిలో మధ్యాహ్నం 12లోపే ఉండాలి. ఇక ఖాట్మండులో (Khatmandu) దిగాక మిమ్మల్ని బౌద్ధనాత్ ఆలయానికి తీసుకెళతారు. అనంతరం అక్కడి నుండి హోటల్‌కు తరలిస్తారు. అక్కడ ఫ్రెషప్ అయ్యాక భోజనం ఏర్పాటు చేసి విశ్రాంతినిస్తారు. (Photo Credit: Unsplash)
ఖాట్మండు టు పఖారా..
రెండో రోజు ఉదయం హోటల్లో బ్రేక్‌ఫాస్ట్ చేశాక స్థానికంగా ఉండే పశుపతినాథ్ ఆలయానికి తీసుకెళతారు. అనంతరం సైట్ సీయింగ్ ప్లేసెస్‌ని చూపంచి మధ్యాహ్నా నుంచి పఖారాకు (Pakhara) ప్రత్యేక వాహనంలో తీసుకెళతారు. మార్గమధ్యలో అందమైన ఘాట్ రోడ్డులు, చుట్టూ లోయల నడుము సాగే ఈ ప్రయాణం మీకు కొత్త అనుభూతిని కలిగిస్తుంది. అదే ప్రయాణంలో మనకమ్న టెంపుల్ కూడా చూపిస్తారు. తర్వాత పఖారా చేరుకున్నాక హోటల్లో విశ్రాంతి తీసుకుంటారు. భోజనం సౌకర్యం ఉంటుంది. ఇక మరుసటి రోజు మొత్తం పఖారాలో సందర్శనీయ స్థలాలను మొత్తం చూపిస్తారు. (Photo Credit: Unsplash)
ఖాట్మండులో విహారం..
ఇక నాలుగో రోజు ఉదయం బ్రేక్‌ఫాస్ట్ అయ్యాక తిరిగి ఖాట్మండుకు (Tourist Places in Khatmandu) పయనమవుతారు. మార్గమధ్యలో సందర్శనీయ స్థలాలను కూడా చూస్తారు. అనంతరం అక్కడికి చేరుకున్నాక మిమ్మల్ని స్యోంభునాథ్ ఆలయం చూపిస్తారు. ఆపై థామెల్ మార్కెట్‌లో విహరిస్తారు. ఇక సాయంత్రం మొత్తం ఖాట్మండులోని ఇతర ప్రదేశాలను చూపిస్తారు. రాత్రికి హోటల్‌కు చేరుకొని భోజనం చేసి విశ్రాంతి తీసుకుంటారు. (Photo Credit: Unsplash)
అది మీకు ఆప్షనల్
చివరి రోజు ఉదయం లేవగానే మౌంటేన్ ఫ్లైట్ (Mountain Flight) అవకాశం ఉంటుంది. ఇది ఆప్షనల్. అంటే ప్యాకేజీలో భాగంకాదు. కానీ, మీరు వెళ్లాలనుకుంటే వెళ్లిరావచ్చు. అందుకు మీ సొంత ఖర్చులు పెట్టుకోవాల్సి ఉంటుంది. తర్వాత బ్రేక్‌ఫాస్ట్ చేశాక కాసేపు విశ్రాంతి తీసుకొని తిరిగి మిమ్మల్ని విమానంలో భద్రాపూర్‌కు తరలిస్తారు. అక్కడి నుంచి మళ్లీ సిలిగురి రైల్వే స్టేషన్‌లో దించుతారు. (Photo Credit: Unsplash)
ప్యాకేజీలో ఏమేం కవర్ అవుతాయంటే..
నేపాల్‌లో(Nepal Tour) నాలుగు రాత్రులు మొత్తం హోటల్స్‌లో ఉంటారు. ఉదయం, రాత్రికి భోజన ఏర్పాట్లు. పైన పేర్కొన్న ప్రదేశాలన్నీ ప్రత్యేక వాహనంలో తీసుకెళతారు. అలాగే భద్రాపూర్ నుండి ఖాట్మాండుకు, తిరుగు ప్రయాణంలో భద్రాపూర్‌కు విమాన ఛార్జీలు. పర్యాటకుల అవసరాలను బట్టి మినెరల్ వాటర్, పండ్లు ఏర్పాటు చేస్తారు. అలాగే ఈ ప్యాకేజీలో ఏవైనా సందర్శనీయ స్థలాల్లో ఉండే ఎంట్రెన్సీ ఫీజులు, గైడ్ సర్వీస్, ఎవరికైనా టిప్పులు ఇవ్వడం, బయట ఆహారం, షాపింగ్‌కు సంబంధించిన వాటికి మీ సొంత ఖర్చులే పెట్టుకోవాలి. ఇవి ప్యాకేజీలో భాగం కావని గుర్తించగలరు. (Photo Credit: Unsplash)
Read All Latest Telugu News and Travel News