ఇందులో ఏమేం చూపిస్తారంటే..
ఈ యాత్రలో భాగంగా అయోధ్య, నందిగ్రామ్, జనక్‌పూర్, సితామర్హి, బుక్సర్, వారణాసి, ప్రయాగ్‌రాజ్, శృంగ్వేర్‌పూర్, చిత్రకూట్, నాసిక్, హంపి, రామేశ్వరం, భద్రాచలం, నాగ్‌పూర్ వంటి ప్రాంతాలను సందర్శిస్తారు. అయితే, ఈ యాత్రకు వెళ్లాలనుకునే భక్తులు దిల్లీలోని సఫ్దార్‌జంగ్‌ రైల్వే స్టేషన్‌లో లేదా ఉత్తర్‌ప్రదేశ్‌లోని ఘజియాబాద్, అలిగర్హ్, తుండ్లా, ఎటావాహ్, కాన్పూర్, లక్నో వంటి రైల్వేస్టేషన్ల నుండి రైలు ఎక్కాల్సి ఉంటుంది ఉంటుంది. అలాగే డీబోర్డింగ్ పాయింట్లను ఉత్తర్‌ప్రదేశ్‌లోని ఝాన్సీ రైల్వేస్టేషన్‌తోపాటు ఆగ్రా, మథుర, మధ్యప్రదేశ్‌లోని గ్వాలియ‌ర్‌ను కేటాయించారు. (Photo Credit: Unsplash)
Also Read: Kalavantin Durg: వామ్మో ఈ కొండ ఎక్కాలంటే మీ గుండె ధైర్యం సరిపోదు.. ఏమాత్రం స్లిప్ అయినా..!
ప్యాకేజీ ధరలు ఇలా ఉన్నాయి..
ఈ యాత్ర 18 రోజుల పాటు సాగుతుండటంతో ప్యాకేజీ ధరలు కూడా కాస్త ఎక్కువగా ఉన్నాయి. సీట్ల సంఖ్యను బట్టి వివిధ కేటగిరీలుగా అందిస్తున్నారు. 1AC కూప్‌ ప్రయాణంలో డబుల్ షేరింగ్‌లో ఒక్కొక్కరు రూ.1,68,950 చెల్లించాలి. అదే 1 AC క్యాబిన్ సీట్లు ఎంచుకుంటే ఒక్కరికి రూ.1,61,645 గా పేర్కొన్నారు. అదే డబుల్ షేరింగ్‌లో రూ.1,46,545 ఉండగా, ట్రిపుల్ షేరింగ్‌లో రూ.1,44,390గా వెల్లడించారు. ఈ విభాగంలోనే 5 నుండి 11 ఏళ్ల చిన్నారులకు రూ.1,35,500గా నిర్ణయించారు. ఇక 2 AC ప్రయాణం ఎంచుకుంటే ఒక్క వ్యక్తికి రూ.1,29,165 కాగా, డబుల్ షేరింగ్‌లో రూ.1,14,065, ట్రిపుల్ షేరింగ్‌లో రూ.1,11,910గా ధరలు వెల్లడించారు. ఇందులో చిన్నపిల్లలకు రూ.1,03,020గా పేర్కొన్నారు. (Photo Credit: Unsplash)
ఈ యాత్రలో సందర్శించే ఆలయాలు..
తొలుత అయోధ్యలోని రామ జన్మభూమి ఆలయం, హనుమాన్ గర్హి, సరయు ఘాట్‌లు చూస్తారు. అనంతరం
నందిగ్రామ్‌లోని రామ్ జానకి మందిర్. సీతామర్హిలో జానకి మందిర్, పునౌరా ధామ్. బుక్సర్‌లో రామ్ రేఖా ఘాట్, రామేశ్వర్‌నాథ్ టెంపుల్. వారణాసిలో తుల్సి మానస్ టెంపుల్, సంకట్ మోచన్ టెంపుల్, విశ్వనాథ్ టెంపుల్, గంగాహారతి. ప్రయాగ్‌రాజ్‌లో భరద్వాజ్ ఆశ్రమం, గంగా యమునా సంగమం, హనుమాన్ టెంపుల్. శృంగ్వేర్‌పూర్‌లో శృంగి బుుషి సమాధి, శాంతాదేవి టెంపుల్, రామ్‌చౌరా. చిత్రకూట్‌లో గుప్త్ గోదావరి, రామ్‌ఘాట్, సతీ అనుసూయ టెంపుల్. నాసిక్‌లో త్రియంబకేశ్వర్ టెంపుల్, పంచవటి, సతాగుహ, కాలారామ్ టెంపుల్. హంపిలో అంజనాద్రి పర్వతం, విరూపాక్ష టెంపుల్, విఠల్ టెంపుల్. రామేశ్వరంలో రామనాథస్వామి ఆలయం, ధనుష్కోడి. భద్రాచలంలో సీతారామస్వామి దేవాలయం, ఆంజనేయస్వామి దేవాలయం. చివరికి నాగ్‌పూర్‌లో రామ్‌టెక్ ఫోర్ట్, టెంపుల్. (Photo Credit: Unsplash)
ప్యాకేజీలో ఇవి అందిస్తారు..
ఈ ప్యాకేజీలో భారత్ గౌరవ్ డీలక్స్ ఏసీ ట్రెయిన్‌లో ప్రయాణం కల్పిస్తారు. కొన్నిచోట్ల రాత్రివేళ హోటల్స్‌లో విడిది ఏర్పాటు చేస్తారు. రైలులో శాఖాహార భోజనం ఉంటుంది. బయట కూడా మంచి రెస్టారెంట్లలో శాఖాహారం మాత్రమే అందిస్తారు. ఆయా ప్రదేశాల్లో తిరగడానికి ప్రత్యేకంగా ఏసీ బస్ ఉంటుంది. ప్రయాణికులకు ట్రావెల్ ఇన్సూరెన్స్ కూడా ఇస్తారు. అలాగే మీ వెంట ఒక ఐఆర్సీటీసీ టూర్ ఆపరేటర్ ఉంటారు. ట్రైన్‌లో భద్రత ఉంటుంది. అన్ని ట్యాక్సులు కలుపుకొని ఈ ప్యాకేజీ అందిస్తారు. (Photo Credit: Unsplash)
Also Read: IRCTC Maharashtra Package: హైదరాబాద్ నుండి మహారాష్ట్ర ట్రిప్.. ఐఆర్సీటీసీ ప్యాకేజీలో ఏం చూస్తారంటే?
ప్యాకేజీలో ఇవి ఉండవు..
ఈ ప్యాకేజీలో ముందే నిర్ణయించిన శాఖాహారం అందిస్తారు. దాంతో మీకు కావాల్సిన విధంగా భోజనం ఉండదు. అది గమనించుకోవాలి. అలాగే హోటల్స్‌లో విడిది చేసేటప్పుడు ఏదైనా అదనపు సౌకర్యాలు కావాలనుకుంటే అందుకు ప్రత్యేకంగా చెల్లించాల్సి ఉంటుంది. ఈ ప్యాకేజీలో సందర్శనీయ స్థలాల్లోని ఎంట్రన్స్ టికెట్లు ఉండవు. అవి మీరే ప్రత్యేకంగా కొనుగోలు చేయాలి. గైడ్‌ల ఛార్జీలు కూడా మీరే ఇచ్చుకోవాలి. అలాగే డ్రైవర్లకు, వెయిటర్లకు, టూర్ ఆపరేటర్‌కు సైతం చెల్లించాల్సి ఉంటుంది. ఇక వ్యక్తిగత ఖర్చుల గురించి ప్రత్యేకంగా చెప్పాల్సిన పనిలేదు. ఇక్కడ పేర్కొని ఏ ఇతర సౌకర్యాలకైనా సొంత ఖర్చులు చేసుకోవాల్సిందే. (Photo Credit: Unsplash)
Also Read: Solitary Trips: ఇవి అద్భుతమైనవే కాదు ఏకాంతమైనవి కూడా.. ఒకసారి వెళ్లడానికి ట్రై చేయండి..!
ఈ విషయాలు గుర్తుంచుకోవాలి..
ఈ ప్యాకేజీ ఎంచుకున్నవారు తప్పనిసరిగా ఓటర్, ఆధార్ కార్డ్‌ను వెంటబెట్టుకెళ్లాలి. అలాగే కొవిడ్-19 సర్టిఫికేట్ కూడా తీసుకెళ్లాలి. స్థానిక పరిస్థితులను బట్టి ఈ యాత్రలోని ప్రదేశాలు మార్చే అవకాశం ఉంటుంది. రైళ్ల ప్రయాణాలను బట్టి కూడా అది మారొచ్చు. అలాగే ఈ భారత్ గౌరవ్ ట్రైన్ అనేది కనీస ప్రయాణికుల సంఖ్యను బట్టే నడుస్తుంది. అలాగే ఈ పర్యటనకు వచ్చే ముందు ప్రయాణికులు పూర్తి హెల్త్ చెకప్ చేసుకోవాలి. ఈ ప్రయాణంలో ఎవరికైనా ఆరోగ్య సమస్యలు తలెత్తితే దానికి ఐఆర్సీటీసీ బాధ్యత వహించదు. మరింత పూర్తి సమాచారం కోసం ఐఆర్సీటీసీని సంప్రదించడం మంచిది. (Photo Credit: Unsplash)
Also Read: Fiji Tour: ఈ కారణాల కోసమైనా మీరు ఫిజీ టూర్ ప్లాన్ చేయాల్సిందే.. అవి తెలిస్తే బ్యాగ్ సర్దుకుంటారు..!
- Read All Latest Telugu News and Travel News