Singapore Airport Changi To Increase The Passenger Service And Security Fee From November
Travel News: వామ్మో ఈ ఎయిర్‌పోర్ట్ నుంచి వెళ్లాలంటే.. రూ.3 వేలపైనే అదనంగా కట్టాలంట
సింగపూర్ (Singapore) ఎంతో అభివృద్ధి చెందిన దేశం. స్వాతంత్రం లభించిన అతికొద్ది కాలంలోనే ప్రపంచంలోనే మేటి దేశంగా పేరు తెచ్చుకుంది. ఆసియాలోనే మెరుగైన జీవన ప్రమాణాలున్న దేశంగానూ ప్రత్యేక గుర్తింపు సాధించింది. దీంతో ప్రపంచ వ్యాప్తంగా విశిష్టత సంపాదించుకుంది. అంత గొప్ప దేశంలో ఒక ఎయిర్ పోర్ట్ నుంచి ఎవరైనా ప్రయాణించాలంటే అదనంగా డెవలెప్మెంట్ ఫీజు కట్టాలనే సంగతి తెలుసా?
అవును మీరు విన్నది నిజమే. అది సింగపూర్‌లోని చాంగి అంతర్జాతీయ విమానాశ్రయం (Singapore Changi International Airport). అక్కడి నుండి ఎవరైనా ప్రయాణం సాగించాలంటే అదనంగా ఎయిర్‌పోర్ట్ డెవలప్‌మెంట్ ఫీజ్ కింద సుమారు రూ.3 వేలు కట్టాల్సి ఉంటుంది. ప్రస్తుతం 52.30 సింగపూర్ డాలర్లు కట్టాల్సి ఉండగా నవంబర్ 1 నుంచి ఆ ధర మరింత పెరగనుంది. అప్పుడు 59.30 సింగపూర్ డాలర్లు కట్టాల్సి ఉంటుంది. అంటే భారత కరెన్సీలో సుమారు రూ.3,350 అనమాట. ఈ విషయాన్ని చాంగి విమానాశ్రయ అధికారులతో పాటు సింగపూర్ ఏవియేషన్ డిపార్ట్‌మెంట్ కూడా నిర్ధారించింది.
Samayam Telugu
ఈ పెంచిన ఛార్జీలను 2020 నుంచే అమల్లోకి తేవాల్సి ఉన్నా కరోనా వైరస్ కారణంగా అప్పుడు పెంచలేదని అధికారులు వెల్లడించారు. ఇప్పుడు పరిస్థితులు సద్దుమణగడంతో పాటు అంతర్జాతీయ ప్రయాణాలు మునుపటి స్థితికి చేరుకోవడంతో నవంబర్ నుంచి కొత్త ధరలను ప్రవేశపెట్టనున్నట్లు తెలిపారు. మరోవైపు నవంబర్ 1 కన్నా ముందే ఎవరైనా టికెట్లు బుక్ చేసుకుంటే వాళ్లు ఎలాంటి పెరిగిన ఫీజు చెల్లించాల్సిన అవసరం లేదన్నారు. ఈ పెంచిన ఫీజు వచ్చే ఏడాది మార్చి 31 వరకేనని, ఆ తర్వాత ఏప్రిల్ 1 (2023) నుంచి మార్చి 31, 2024 వరకు మరింత పెంచనున్నట్లు వివరించారు.
ప్రస్తుతం ఈ డెవలప్‌మెంట్ ఫీజు (Airport Development fee) కింద 52.30 సింగపూర్ డాలర్లు వసూలు చేస్తున్నారు. అందులో 35.40 డాలర్లు ప్యాసింజర్ సర్వీస్ అండ్ సెక్యూరిటీ ఫీ కాగా, 6.10 డాలర్లు ఏవియేషన్ లేవీ, 10.80 డాలర్లు విమానాశ్రయ అభివృద్ధికి కేటాయిస్తున్నారు. ఇక ఈ నవంబర్ 1 నుంచి మొత్తం రూ.59.20 డాలర్లకు పెంచనుండగా, 2023 ఏప్రిల్ 1 నుంచి 31 మార్చి 2024 వరకు 62.20 సింగపూర్ డాలర్లకు పెంచనున్నారు. అలాగే 2024 ఏప్రిల్ 1 నుంచి 31 మార్చి 2025 వరకు 65.20 డాలర్లకు పెంచనున్నట్లు అధికారులు స్పష్టం చేశారు. అయితే, ఈ వసూళ్లన్నీ ఈ విమానాశ్రయం నుండి ఇతర ప్రదేశాలకు వెళ్లేవారికేనని చెప్పారు. బయటి నుంచి ఇక్కడికి వచ్చేవారికి కాదన్నారు.
కార్తీక్ కుమార్ కొంగణి సమయం తెలుగులో డిజిటల్ కంటెంట్ ప్రొడ్యూసర్\u200cగా పని చేస్తున్నారు. ఇక్కడ ట్రావెల్\u200cకు సంబంధించిన తాజా వార్తలు,వీకెండ్ స్పాట్ల గురించి వివరించడంతో పాటు,ప్రముఖ పర్యాటక ప్రాంతాల సమాచారం, ఫొటో ఫీచర్లు అందిస్తుంటారు. తనకు జర్నలిజంలో 8 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో రాజకీయ, క్రీడా, సినిమా రంగాలకు సంబంధించిన వార్తలు అందించారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
