Thailand Aviation Authorities Orders Foreigners To Submit Covid-19 Vaccine Certificate
Thailand Updates: అంతర్జాతీయ పర్యాటకులపై థాయ్లాండ్ కీలక నిర్ణయం.. మళ్లీ నిబంధనలు!
థాయ్లాండ్ (Thailand Tourism) కీలక నిర్ణయం తీసుకుంది. అక్కడికి వచ్చే అంతర్జాతీయ ప్రయాణికులు మళ్లీ కొవిడ్-19 వ్యాక్సినేషన్ సర్టిఫికెట్ చూపించాలని నిర్ణయించింది. తాజాగా చైనా అంతర్జాతీయ సరిహద్దులు తెరవడంతో ఈ నిర్ణయం తీసుకుంది.
అంతర్జాతీయ పర్యాటకులకు (International Travellers) చైనా సరిహద్దులు తెరిచిన నేపథ్యంలో ప్రముఖ పర్యాటక దేశం థాయ్లాండ్ (Thailand Tourism) కీలక నిర్ణయం తీసుకుంది. ఇకపై అక్కడికి వచ్చే పర్యాటకులపై మళ్లీ ప్రవేశ నిబంధనలు విధించనుంది. థాయ్లాండ్ ఏవియేషన్ అధికారులు తాజా పరిస్థితుల నేపథ్యంలో ఈ నిర్ణయం తీసుకున్నారు. దీంతో ఇకపై థాయ్లాండ్ పర్యటనకు వెళ్లే అంతర్జాతీయ ప్రయాణికులు తప్పనిసరిగా COVID వాక్సినేషన్‌కు సంబంధించిన ధ్రువపత్రాలను సమర్పించాల్సిన అవసరం ఉంది.
సివిల్ ఏవియేషన్ అథారిటీ ఆఫ్ థాయ్లాండ్ (Thailand Travel Restrictions) తాజాగా విడుదల చేసిన ప్రకటనలో.. జనవరి 9 నుండి విదేశీయులందరూ తప్పనిసరిగా టీకాలు తీసుకున్న ధ్రువపత్రాలను చూపించాలని పేర్కొంది. లేదా ఆయా ప్రయాణికులు గత ఆరు నెలల్లో COVID నుండి కోలుకున్న రిపోర్టులనైనా చూపించాలని చెప్పింది. ఒకవేళ ఎవరైనా టీకాలు తీసుకోకపోతే ఎందుకు తీసుకోలేదనే వివరాలను వెల్లడిస్తూ మెడికల్ సర్టిఫికేట్ చూపించాలని ఆదేశించింది. Also Read: Dhuandhar Falls: ఈ అందమైన జలపాతాన్ని చూడటానికి రెండు కళ్లు చాలవు..! ఎక్కడుందో తెలుసా..?
ఈ దేశ ప్రయాణికులైనా థాయ్‌లాండ్‌కు (Thailand) బయలుదేరే ముందే విమానయాన సంస్థలు వారి కొవిడ్ పరిస్థితుల ధ్రువపత్రాలను తనిఖీ చేయాల్సి ఉంటుందని పేర్కొంది. అలాగే తమ సివిల్ ఏవియేషన్ అధికారిక వెబ్‌సైట్‌లో.. ప్రయాణికులు తీసుకునే వివిధ రకాల COVID-19 వ్యాక్సిన్‌లకు సంబంధించి ఎన్ని డోస్‌లు తీసుకోవాలో అనే జాబితా విడుదల చేశామని తెలిపింది. దీంతో ప్రయాణికులు తీసుకున్న వ్యాక్సినేషన్ కూడా తాము వెల్లడించిన డోస్‌ల ఆధారంగానే ఉండాలని స్పష్టం చేసింది. Also Read: Reasons for Honeymoon in Thailand: థాయ్‌లాండ్‌లో హనీమూన్ జరుపుకోవడానికి 10 కారణాలు ఇవే..!
కాగా, థాయ్లాండ్ గత అక్టోబర్‌లోనే అంతర్జాతీయ ప్రయాణికులకు టీకా ధ్రువీకరణ (Covid-19 Vaccination) అవసరాన్ని రద్దు చేసింది. అయితే, ఇప్పుడు చైనా తన జీరో-COVID విధానాన్ని సడలించి అంతర్జాతీయ ప్రయాణిలకు సరిహద్దులు తెరవడంతో థాయ్లాండ్ మళ్లీ వ్యాక్సినేషన్ సర్టిఫికెట్ సమర్పించాలని నిర్ణయించింది. అలాగే థాయ్‌లాండ్‌కు వచ్చే విదేశీయులు ఎవరైనా COVID-19 చికిత్సను కవర్ చేసే ఆరోగ్య బీమా కూడా చూపించాల్సిన అవసరం ఉందని అక్కడి ఆరోగ్య మంత్రిత్వ శాఖ వెల్లడించింది.
కార్తీక్ కుమార్ కొంగణి సమయం తెలుగులో డిజిటల్ కంటెంట్ ప్రొడ్యూసర్\u200cగా పని చేస్తున్నారు. ఇక్కడ ట్రావెల్\u200cకు సంబంధించిన తాజా వార్తలు,వీకెండ్ స్పాట్ల గురించి వివరించడంతో పాటు,ప్రముఖ పర్యాటక ప్రాంతాల సమాచారం, ఫొటో ఫీచర్లు అందిస్తుంటారు. తనకు జర్నలిజంలో 8 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో రాజకీయ, క్రీడా, సినిమా రంగాలకు సంబంధించిన వార్తలు అందించారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
