హైదరాబాద్ టు బెంగళూరు..
దక్షిణాదిలో రెండు ప్రధాన నగరాలు హైదరాబాద్, బెంగళూరు. ఈ రెండు తెలంగాణ, కర్ణాటక రాష్ట్రాలకు రాజధానులే కాకుండా సాఫ్ట్‌వేర్ రంగానికి ప్రధాన అడ్డాలు. ఇక ఈ రెండు మెట్రోపాలిటన్ సిటీల నడుమ సుమారు 650 కిలోమీటర్ల దూరం మంచి రహదారి ఉంది. ఈ జాతీయ రహదారి వెడల్పుగా ఉండటంతో పాటు బైక్ రైడింగ్‌కు అనుకూలంగా ఉంటుంది. (Photo Credit: Unsplash)
అరకు టు విశాఖపట్నం..
ఆంధ్ర ప్రదేశ్‌లోని ప్రముఖ పర్యాటక ప్రాంతం అరకు నుండి విశాఖపట్నం రహదారి కూడా అద్భుతంగా ఉంటుంది. ఇది చిన్న రోడ్డే అయినా ఘాట్ రోడ్డు ఎక్కువగా ఉండటంతో బైక్ రైడింగ్ చేసే వాళ్లకు చాలా మనోహరంగా ఉంటుంది. ఇది సుమారు 120 కిలో మీటర్ల దూరం ఉంటుంది. అందులో సగం దూరం మొత్తం అటవీ ప్రాంతమే కాబట్టి ప్ర‌కృతి ఒడిలో హాయిగా వెళ్లి రావచ్చు. (Photo Credit: Unsplash)
మంగళూరు టు గోవా..
కర్ణాటకలోని మంగళూరు నుంచి గోవా వరకు సుమారు 350 కిలో మీటర్ల దూరం. ఇదంతా అరేబియన్ మహా సముద్ర తీర ప్రాంతమే. ఈ రోడ్డులో లాంగ్ డ్రైవ్ చేస్తే కొత్త అనుభూతికి లోనవుతారు. ఒకవైపు అందమైన బీచ్‌లు మరోవైపు పచ్చని చెట్లతో మీ ప్రయాణం ఆహ్లాదంగా సాగుతుంది. ఎంత దూరం వెళ్లినా వెళ్లినట్లే ఉండదు. (Photo Credit: Unsplash)
బెంగళూరు టు కూర్గ్..
బెంగళూరు టు కూర్గ్ వరకు కూడా మంచి ప్రయాణం ఆస్వాదించొచ్చు. ఈ రెండు ప్రాంతాల మధ్య 270 కిలోమీటర్ల దూరం ఉండటంతో సగం రోజులో వెళ్లొచ్చు. ఆ ప్రయాణంలోనే మధ్యలో బ్రహ్మగిరి, కావేరీ హిల్స్ చూడొచ్చు. ఈ కొండ ప్రాంతాలు ప్ర‌కృతి అందాల నడుమ ఉండటంతో ఈ లాంగ్‌డ్రైవ్ మధురానుభూతిగా ఉంటుంది. (Photo Credit: Unsplash)
ఊటీ టూ మున్నార్..
ఊటీ టూ మున్నార్ సుమారు 250 కిలోమీటర్ల ప్రయాణం. ఇది ఎక్కువశాతం హిల్‌స్టేషన్ ప్రాంతమే కావడంతో ఇక్కడ లాంగ్ డ్రైవ్ ప్రయాణం కూడా చాలా మనోహరంగా సాగుతుంది. ఎటు చూసినా ప్ర‌కృతి అందాలతో పచ్చదనం ఉట్టి పడుతుంది. దీంతో మనసు కొత్త ఉల్లాసాన్ని పొందుతుంది. మార్గ మధ్యలోని పల్లెటూళ్లు కూడా చూడముచ్చటగా ఉంటాయి. ఈ ప్రయాణం కూడా ప్రతి ఒక్కరు ఎంజాయ్ చేయాల్సిందే. (Photo Credit: Unsplash)
చెన్నై టు యేలగిరి..
ఇక చెన్నై టు యేలగిరి హిల్ స్టేషన్‌కు కూడా రోడ్డు మార్గం అద్భుతంగా ఉంటుంది. ఇది మొత్తం 230 కిలోమీటర్ల దూరం ఉన్న ఈ మార్గ మధ్యలో ఈస్టర్న్ ఘాట్స్ అటవీ ప్రాంతం ఉంటుంది. దీంతో కొంత దూరం ఘాట్ రోడ్డులో ప్రయాణించాల్సి ఉంటుంది. పచ్చని చెట్ల మధ్య కారులో లేదా బైక్‌పై వెళితే హ్యాపీగా ప్రయాణం సాగించొచ్చు. (Photo Credit: Unsplash)