These Places In India Where Demon King Ravan Will Not Be Burnt On Vijayadasami
Ravan Dahan: విజయదశమి రోజు ఈ ప్రాంతాల్లో రావణ దహనం చేయకపోవడమే కాకుండా ఏకంగా పూజిస్తారు!
దసరా నవరాత్రి (Dussehra Navrathri)
Samayam Telugu1 Oct 2022, 6:28 pm
దసరా (Dussehra 2022) అంటే దేశవ్యాప్తంగా జరుపుకొనే గొప్ప పండుగ. చెడుపై మంచి విజయం సాధించిన రోజుగా దీన్ని భావిస్తారు. అమ్మవారు దుర్గాదేవి మహిషాసురుడిని వధించిన రోజుగా, అలాగే రాముడు రావణాసురుడిని (Ravana Dahan) అంతమొందించిన రోజుగా దీనికి ప్రత్యేకత ఉంది. దీంతో చెడుపై మంచి విజయం సాధించిన రోజుగా ప్రజలు ఈ పండుగను దేశవ్యాప్తంగా ఘనంగా జరపుకుంటారు. అలాంటి ఈ పండుగ రోజే దేశంలోని అన్ని ప్రాంతాల్లో సహజంగా రావణాసురిడి బొమ్మను రూపొందించి దాన్ని దహనం చేస్తారు. కానీ, మన దేశంలోనే కొన్ని ప్రాంతాల్లో ఇలా రావణాసురిడిని దహనం చేయకపోగా దేవుడిగానూ కొలుస్తారు. పది తలల రావణాసురుడు గొప్ప శివ భక్తుడిగా పేరుండటం ఒక కారణమైతే కొన్ని ప్రాంతాల్లో ఇతర కారణాలతోనూ దసరా నాడు రావణ దహనం కార్యక్రమం చేయరు. అవేంటో ఇక్కడ తెలుసుకుందాం.
మధ్యప్రదేశ్లోని మందాసుర్..
మధ్యప్రదేశ్లోని మందాసుర్ ప్రాంతంలో రావణుడిని తమ ఊరి అల్లుడిగా భావిస్తారు. ఎందుకంటే రావణాసురిడి భార్య మండోదరిది అదే ఊరని ప్రసిద్ధి. దీంతో అక్కడి ప్రజలు అతడిని తమ ఊరి అల్లుడిలా భావించి రావణ దహన కార్యక్రమం నిర్వహించారు. (Photo Credit: Pixabey)
మహారాష్ట్రలోని గడ్చిరోలి..
మహారాష్ట్రలోని గడ్చిరోలి ప్రాంతంలోని ఆదివాసీలు రావణాసురిడిని దేవుడిగా భావిస్తారు. ముఖ్యంగా ఫాల్గున మాసంలో ప్రత్యేక పూజలు నిర్వహించి మొక్కులు తీర్చుకుంటారు. ఇక్కడి ప్రజలు రామాయణంలో రావణుడు ఎలాంటి తప్పు చేయలేదని విశ్వసిస్తారని తెలిసింది. కావాలనే రావణాసురుడిని తప్పుగా చిత్రీకరించారని నమ్ముతారట. (Photo Credit: @gyanam_education/Instagram)
హిమాచల్లోని కాంగ్రా..
హిమాచల్లోని కాంగ్రా జిల్లాలోనూ రావణాసురుడిని పూజిస్తారు. లంకాధీశుడు గొప్ప పరమశివుడి భక్తుడే కాకుండా ఈ కాంగ్రా ప్రాంతంలోనే ఘోర తపస్సు చేసి శివుడి ఆశీస్సులు పొందాడని అనుకుంటారు. దీంతో అక్కడ కూడా రావణాసురుడి దహన కార్యక్రమం నిర్వహించరని తెలిసింది. (Photo Credit: @gyanam_education)
కర్ణాటకలోని కొలార్, మాండ్య..
ఇక కర్ణాటకలోని మాండ్య, కొలార్ ప్రాంతాల్లోనూ రావణుడిని ప్రత్యేకంగా గౌరవిస్తారు. అతడు పరమశివుడికి గొప్ప భక్తుడు అవ్వడమే అందుకు కారణం. మరీ ముఖ్యంగా ఈ దసరా సమయంలో పంటలు చేతికొచ్చేవేళ కోలార్ ప్రాంతంలోని కొందరు రావణుడిని పూజిస్తారు. మరోవైపు మాండ్య ప్రజలు రావణాసురిడి గుడికెళ్లీ మరీ మొక్కుతారు. (Photo Credit : @gyanam_education)
ఉత్తర్ ప్రదేశ్లోని బిస్రఖ్..
అలాగే ఉత్తర్ ప్రదేశ్లోని బిస్రఖ్ అనే చిన్న పట్టణంలోనూ రావణాసురిడిని దహనం చేయరట. ఆ ఊరి వాళ్లు పది తలల రావణుడిని తమ కొడుకులా భావిస్తారని తెలిసింది. ఎందుకంటే రావణాసురుడు ఈ ఊరికే చెందిన విశ్రవ అనే సాధువుకు జన్మించాడని స్థానికులు నమ్ముతారు. అక్కడ విశ్రవ ఒక శివలింగాన్ని కూడా కనుగొన్నడని ప్రసిద్ధి. దీంతో దసరా రోజు అక్కడివారు రావణుడిని పూజిస్తారని తెలిసింది. (Photo Credit: pixabey)
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.