Feb 14th Kerala Package: ఫిబ్రవరి 14 స్పెషల్.. హైదరాబాద్ - కేరళ ప్యాకేజీ..!

ఐఆర్సీటీసీ తీసుకొచ్చిన ఈ కేరళ టూర్ ప్యాకేజీ ఫిబ్రవరి 14న సికింద్రాబాద్ నుండి మొదలవుతుంది. శబరి ఎక్స్‌ప్రెస్‌లో మధ్యాహ్నం 12:20 గంటలకు బయలుదేరి మరుసటి రోజు మధ్యాహ్నం ఎర్నాకుళం చేరుకుంటారు. అక్కడి నుండి ఐఆర్సీటీసీ ఏజెంట్ పికప్ చేసుకొని మిమ్మల్ని మున్నార్ తీసుకెళతారు. రాత్రికి అక్కడే బసచేసి మరుసటి రోజు స్థానికంగా ఉండే అన్ని ప్రదేశాలు చూపిస్తారు. తర్వాత రోజు కూడా మిగతా ప్రాంతాలన్నీ చూశాక నాలుగో రోజు అలెప్పీకి తీసుకెళతారు. ఆ రోజు బ్యాక్ వాటర్స్ అందాలు చూసి మిగతా సందర్శనీయ ప్రదేశాలు కూడా చూపించాక రాత్రికి అక్కడే బస చేస్తారు. ఇక ఐదో రోజు ఎర్నాకుళం చేరుకొని ఉదయం 11:20 గంటలకు శబరి ఎక్స్‌ప్రెస్‌లో హైదరాబాద్‌కు తిరుగు పయనమవుతారు. (Photo Credit: Unsplash)
Also Read: Valentines Day Trip: మీ వాలెంటైన్స్‌డేని ఇలా సాహసోపేతంగా మలుచుకోండి.. అందుకోసం ఈ ప్రదేశాలకు వెళ్లండి..!

ప్యాకేజీ రెండు విధాలుగా ఉంది..
ఇక ప్యాకేజీ ధరల విషయానికి వస్తే రెండు విధాలుగా అందుబాటులో ఉంది. కంఫర్ట్ క్లాస్ కింద సింగిల్ షేరింగ్ ధర రూ. 31,430 ఉండగా డబుల్ షేరింగ్‌లో రూ.18,190, ట్రిపుల్ షేరింగ్‌లో రూ.14,800 గా నిర్ణయించారు. అదే 5 నుంచి 11 ఏళ్ల చిన్నారులకు రూ.9,740గా పేర్కొన్నారు. అదే స్టాండర్డ్ క్లాస్ ప్యాకేజీ ఎంచుకుంటే సింగిల్ షేరింగ్‌లో రూ.28,730 కాగా డబుల్ షేరింగ్‌లో రూ.15,480, ట్రిపుల్ షేరింగ్‌లో రూ.12,090గా వెల్లడించారు. చిన్నపిల్లలకు రూ.7,030 గా పేర్కొన్నారు. ఒక వేళ మీరు 4 నుండి 6 ప్యాసింజర్లు ఉంటే వాటికి ప్రత్యేకమైన ధరలు ఉన్నాయి. పూర్తి సమాచారం కోసం ఐఆర్సీటీసీ వెబ్‌సైట్‌ని సందర్శించి వివరాలు తెలుసుకోండి.
Also Read: Philippines Tourism: విదేశ టూరిస్టులకు ఫిలిప్పీన్స్ బంపర్ ఆఫర్.. త్వరలో వ్యాట్ రీఫండ్..!

• Read All Latest Telugu News and Travel News