Visit Varanasi From January 17 Th To 20 Th Where You Will Enjoy Hot Air Balloon Festival And Boat Racing
Varanasi: ఆలస్యం చేయకుండా వారణాసికి వెళ్లండి.. నాలుగు రోజులు అక్కడే ఉండి ఆ పండుగను ఆస్వాదించండి..!
వారణాసిని చూడాలని చాలా మంది హిందూ భక్తులకు కోరికగా ఉంటుంది. అయితే, మీరు వెంటనే బ్యాగ్ సర్దుకొని వెళ్లడం మంచిది. ఎందుకంటే జనవరి 17 నుండి 20 వరకు అక్కడ అంతర్జాతీయ హాట్ ఎయిర్ బెలూన్ ఫెస్టివల్‌తో పాటు గంగానదిలో పడవల పోటీ నిర్వహిస్తున్నారు.
ఉత్తర్ ప్రదేశ్‌లోని వారణాసి నాలుగు రోజుల పాటు హాట్ ఎయిర్ బెలూన్, బోట్ రేసింగ్ ఫెస్టివల్‌‌ను నిర్వహించనుంది. జనవరి 17 నుంచి 20 వరకు ఈ అంతర్జాతీయ ఉత్సవాలను రాష్ట్ర పర్యాటక శాఖ నిర్వహించడానికి సిద్ధమైంది. అందుకు సంబంధించిన ఏర్పాట్లు చురుగ్గా జరుగుతున్నాయి. ఈ వేడుక లోగోలను ఉత్తర్ ప్రదేశ్ పర్యాటక శాఖ ఇటీవల విడుదల చేసింది. (Photo Credit: Unsplash)
ఈ ఉత్సవాలకు సంబంధించి టూరిజం శాఖ జాయింట్ డైరెక్టర్ ప్రీతి శ్రీవాస్తవ మాట్లాడుతూ మరిన్ని విషయాలను పంచుకున్నారు. లోగో షీల్డ్ ఆకారంలో ఉందని, దానిపై 'కాశీ బెలూన్ & బోట్ ఫెస్టివల్' అని రాసి ఉందని పేర్కొన్నారు. ఈ ఈవెంట్‌లో గాలితో కూడిన బెలూన్‌లు, ఫ్లోటింగ్‌ సిలిండర్లు ఉంటాయని తెలిపారు. Also Read: Himachal Pradesh: మంచు అందాలు రమ్మంటున్నా.. రహదారులు వద్దంటున్నాయి..!
జనవరి 17 నుండి 20 తేదీల మధ్య జరిగే ఈ బోట్ రేసింగ్ కోసం వారణాసిలోని గంగా నదిలో దశాశ్వమేధ్, నమో ఘాట్‌ల మధ్య 3 కిలోమీటర్ల మేరా మ్యాపింగ్ చేశామని చెప్పారు. ఈ బోట్ రేసింగ్‌లో గంగపుత్ర, నావిక్ సేన, కాశీ లాహిరి, జల్ యోధాస్, కాశీ కీపర్స్, గంగా లాహిరి, నౌకా రైడర్స్, జల్ సేన, గంగా వాహిని, భాగీరథి సేవక్స్, గౌముఖ్ జెయింట్స్, ఘాట్ కీపర్ల జట్లు పాల్గొంటాయని ఆమె పేర్కొన్నారు. Also Read: Joshimath Sinking: జోషిమఠ్‌ ఒక్కటే కాదు.. ఉత్తరాఖండ్‌లోని మరిన్ని ప్రాంతాలు కూడా..!
ఇక హాట్ ఎయిర్ బెలూనింగ్ ఫెస్ట్‌లో భాగంగా సందర్శకులు ఆస్వాదించడానికి ఉదయం విమానాలు, టెథర్డ్ ఫ్లైట్, నైట్ గ్లోస్ వంటి ప్రత్యేక ఏర్పాట్లు చేశామన్నారు. హాట్ ఎయిర్ బెలూన్‌లు లాంచ్ అవ్వడానికి, ల్యాండింగ్ చేసేందుకు సరైన ప్రదేశాలను కూడా ఖరారు చేశామని శ్రీవాస్తవ తెలిపారు. అలాగే ఈ ఫెస్టివల్‌లో పారామోటార్ కార్యకలాపాలను కూడా నిర్వహించనున్నట్లు చెప్పుకొచ్చారు. Also Read: Vizag - Kashmir Package: వైజా‌గ్‌ టు కశ్మీర్ టూర్.. ఐఆర్సీటీసీ ప్యాకేజీ ఎంతంటే..?
వారణాసిలో చూడాల్సినవి.. ఈ ఉత్సవాలను చూడాలనుకునేవారు వారణాసిలోని ప్రముఖ సందర్శనీయ ప్రాంతాలు కూడా చూడొచ్చు. అక్కడ కాశీ విశ్వనాథ్ ఆలయం, సంకట విమోచన హనుమాన్ ఆలయం, మణికర్ణిక ఘాట్, హిందూ బనారస్ విశ్వవిద్యాలయం, గంగా హారతి వంటివి సందర్శించవచ్చు. దీంతో మీరు ఒకే ట్రిప్‌లో వినోదంతో పాటు ఆధ్యాత్మిక భావన కూడా పొందవచ్చు. Also Read: Kerala 7 Days 7 Places Tour: కేరళ ట్రిప్.. 7 రోజుల్లో 7 ప్రాంతాలు ఇలా చుట్టేయండి..!
కార్తీక్ కుమార్ కొంగణి సమయం తెలుగులో డిజిటల్ కంటెంట్ ప్రొడ్యూసర్\u200cగా పని చేస్తున్నారు. ఇక్కడ ట్రావెల్\u200cకు సంబంధించిన తాజా వార్తలు,వీకెండ్ స్పాట్ల గురించి వివరించడంతో పాటు,ప్రముఖ పర్యాటక ప్రాంతాల సమాచారం, ఫొటో ఫీచర్లు అందిస్తుంటారు. తనకు జర్నలిజంలో 8 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో రాజకీయ, క్రీడా, సినిమా రంగాలకు సంబంధించిన వార్తలు అందించారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
