బకింగ్‌హామ్ ప్యాలెస్, ఇంగ్లాండ్..
బ్రిటీష్ సార్వభౌమాధికారానికి ప్రతీక ఈ రాయల్ రాజభవనం. ఇంగ్లాండ్‌ను సందర్శించడానికి వెళ్లిన వారు ఈ ప్రదేశాన్ని చూడకుండా రాలేరు. ప్రపంచవ్యాప్తంగా ఉన్న రాజభవంతుల్లో టూరిస్టులను సందర్శించడానికి అనుమతించే అతిగొప్ప ప్యాలెస్‌లలో ఇదీ ఒకటి. ఇక్కడ తప్పక చూడాల్సిన వాటిల్లో రాయల్ క్వార్టర్స్, ఆర్ట్ గ్యాలరీ, సుందరమైన గార్డెన్‌లు చాలా ఉన్నాయి. దీంతో ఇది అంతర్జాతీయ టూరిస్టులు చూడాల్సిన టాప్ సందర్శనీయ స్థలంగా పేరుగాంచింది. (Photo Credit: Unsplash)
బిగ్ బెన్, లండన్..
లండన్‌లోని మరో ప్రఖ్యాత సందర్శనీయ స్థలం బిగ్ బెన్ క్లాక్ టవర్. బిగ్ బెన్ అనేది గ్రేట్ క్లాక్ ఆఫ్ వెస్ట్‌మినిస్టర్‌కున్న నిక్‌నేమ్. అయితే, ఈ క్లాక్ టవర్ ఖచ్చితమైన సమయానికి ప్రసిద్ధి చెందింది. దీంతో లండన్‌లో తప్పక చూడాల్సిన వాటిల్లో ఇదీ ఒకటిగా పేరుగాంచింది. 13 టన్నుల కన్నా ఎక్కువ బరువు ఉన్న ఈ క్లాక్ టవర్ రాత్రి సమయంలో మరింత అద్భుతంగా, ప్రకాశవంతంగా ఉంటుంది. (Photo Credit: Unsplash)
Also Read: Romantic Beaches: ఇలాంటి రొమాంటిక్ బీచ్‌లకు వెళ్లాలని ఉందా? అవి ఎక్కడున్నాయో తెలుసా?
ది గ్రేట్ పిరమిడ్, ఈజిప్ట్..
ఈజిప్ట్‌లోని గ్రేట్ పిరమిడ్ ఆఫ్ గిజాకు సంబంధించి మీరు అనేక సార్లు వినిండొచ్చు. లేదా దాన్ని టీవీల్లో, సినిమాల్లో చూసు ఉండొచ్చు. అయితే, ఆ పిరమిడ్ ముందు ప్రత్యక్షంగా నిల్చున్నప్పుడు కలిగే అనుభూతే వేరు. 6వ శతాబ్దం ప్రారంభంలో నిర్మించిన ఈ భారీ పిరమిడ్ ఇప్పటికీ ప్రపంచ వ్యాప్తంగా ఉన్న పర్యాటకుల ఆకర్షిస్తుంది. ఇలాంటి అరుదైన ప్రదేశాన్ని చూడాలని ఎవరికైనా ఉంటుంది. దాంతో ఈ ఏడాది గ్రేట్ పిరమిడ్‌ను భారీ సంఖ్యలోనే సందర్శించి ఉంటారు. (Photo Credit: Unsplash)
క్రైస్ట్ ది రిడీమర్, రియో డి జనీరో..
బ్రజిల్‌లోని రియో డి జనీరో నగరంలో 2,310 అడుగుల ఎత్తులో ఉన్న క్రైస్ట్ ది రిడీమర్ విగ్రహం కూడా ప్రపంచ వ్యాప్తంగా ఉన్న టూరిస్టులను ఆకర్షిస్తుంది. సుమారు వందేళ్లుగా ఇది చరిత్రకారులను, సందర్శకులను ఆశ్చర్యానికి గురి చేసింది. 130 అడుగుల ఎత్తులో ఉండే ఈ పర్యాటక ప్రదేశం ప్రపంచ వారసత్వ సంపదగా గుర్తింపు పొందింది. మరోవైపు ఇది టిజుకా నేషనల్ పార్క్‌లోని కోర్కోవాడో పర్వతం పైభాగంలో ఉండటంతో ఇక్కడి నుండి రియో నగరం మొత్తం చూడొచ్చు. (Photo Credit: Unsplash)
Also Read: New Year Travel: కొత్త సంవత్సరం వేళ ఈ ‘క్రూయిజ్‌’ ప్రయాణాలు ఆస్వాదించండి.. మన దేశంలోనే..!
రాయల్ ప్యాలెస్ ఆఫ్ బ్రస్సెల్స్, బెల్జియం..
బెల్జియంలోని బ్రస్సెల్స్ రాయల్ ప్యాలెస్ కూడా అద్భుతమైన టూరిస్ట్ స్పాట్. ఇది అక్కడి ప్రధానమైన పరిపాలనా భవనంగా కొనసాగుతోంది. అలాగే ఒకప్పుడు రాజభవంతిగా విశేష సేవలందించిన ఈ అరుదైన ప్యాలెస్ ఇప్పుడు బ్రస్సెల్స్‌లోని ప్రధాన టూరిస్ట్ అట్రాక్షన్ మారింది. మరోవైపు ఈ భవంతి అక్కడి రాజకుటుంబీకులదే అయినా అక్కడ వారు నివసించరు. అయినా ఈ భవంతి వద్ద స్థానిక ఉత్సవాలను ఘనంగా నిర్వహిస్తారు. (Photo Credit: Unsplash)
చియాంగ్ కై-షేక్ మెమోరియల్ హాల్, తైవాన్..
తైవాన్‌లోని తైపీ నగరం నడిబొడ్డున ఉన్న చియాంగ్ కై-షేక్ మెమోరియల్‌ను కూడా చాలా మంది వెతికారు. చైనా మొదటి అధ్యక్షుడు చియాంగ్ కై-షేక్ జ్ఞాపకార్థం ఈ అందమైన ప్రదేశాన్ని నిర్మించారు. చూడటానికి వైవిధ్యమైన భవనంగా ఉండే ఈ హాల్ తైపీ నగరంలోనే టాప్ టూరిస్ట్ అట్రాక్షన్. దీంతో ఏటా ఈ ప్రాంతాన్ని సందర్శించేవారి సంఖ్య భారీగానే ఉంటుంది. (Photo Credit: Unsplash)
Also Read: Romantic Places: మీ ప్రియమైనవారితో ఏకాంత సమయం గడపాలనుకుంటే ఈ ప్రదేశాలకు వెళ్లొచ్చు..!
లౌరే పిరమిడ్, పారిస్..
ఫ్రాన్స్‌లోని పారిస్‌లో ఉన్న అందమైన లౌరే పిరమిడ్ గాజుతో చేసిన అద్భుతమైన నిర్మాణం. అలాగే ఇక్కడ ఓ అరుదైన మ్యూజియం కూడా ఉంది. పారిస్‌లోని ఈఫెల్ టవర్‌తో పాటు దీన్ని కూడా తప్పక చూడాల్సిందే. ఈ చూడముచ్చటైన గాజు నిర్మాణం రాత్రివేళల్లో మరింత శోభాయమానంగా మారుతుంది. దీంతో దీన్ని చూడటానికి కూడా పర్యాటకులు పెద్ద సంఖ్యలో వస్తుంటారు. (Photo Credit: Unsplash)
- Read All Latest Telugu News and Travel News