You Can Plan To These Hillstations In West Bengal With Your Friends
Travel With Friends: స్నేహితులతో చెక్కేయాలంటే ఈ అందమైన హిల్స్టేషన్లకు ప్లాన్ చేయండి..!
పశ్చిమ బెంగాల్లో పలు అందమైన హిల్స్టేషన్లు (Beautiful Hillstations in West Bengal) ఉన్నాయి. అవి స్నేహితులతో (Travel With Friends) కలిసి విహరించడానికి అద్భుతంగా ఉంటాయి. ఆ ప్రదేశాలేవో తెలుసుకొని మీరూ వెళ్లడానికి ప్రయత్నించండి.
దేశంలోని పలు అందమైన రాష్ట్రాల్లో పశ్చిమ బెంగాల్ (West Bengal Tourist Places) ఒకటి. ఇది కోల్కతా నుండి డార్జిలింగ్ (Darjeeling Tour) వరకు ఎన్నో అద్భుతమైన పర్యాటక ప్రాంతాలను కలిగి ఉంది. అలాంటి రాష్ట్రంలో కొన్ని ఆహ్లాదకరమైన హిల్స్టేషన్లు కూడా ఉన్నాయి. అవి నిత్యం టూరిస్టులను అలరిస్తూ మంచి పర్యాటక ప్రాంతాలుగా పేరు తెచ్చుకున్నాయి. అలాంటి ప్రదేశాలకు మీ స్నేహితులతో (Travel with Friends) కలిసి వెళితే అసలైన ఫ్రెండ్లీ టూర్ను ఆస్వాదిస్తారు. అందమైన కొండ కోనల మధ్య, దట్టమైన అడవులు, లోయలను దాటుకొంటూ సాగే ప్రయాణాలు మీకు ఎనలేని సంతోషాలను కలిగిస్తాయి. ప్రశాంతమైన వాతావరణంలో స్నేహితులతో కలిసి విహరించాలంటే ఈ ప్రదేశాలకు వెళ్లిపోండి. (Photo Credit: Unsplash)
డార్జిలింగ్..
భారతదేశంలోని అత్యుత్తమ హిల్ స్టేషన్లలో ఒకటి డార్జిలింగ్. ఇది అందరికీ నచ్చి తీరే అద్భుతమైన పర్యాటక ప్రదేశం. ఇక్కడి నుండి ఎత్తైన పర్వతం కాంచన్జంగను కూడా చూడొచ్చు. అలాగే ఐకానిక్ టాయ్ ట్రైన్ ప్రయాణం ఆస్వాదించొచ్చు. మనోహరమైన వీధుల గుండా నడుచుకుంటూ వెళ్లొచ్చు. అలాగే డార్జిలింగ్లోని తేయాకు తోటలు కూడా చూడచక్కగా ఉంటాయి. దీంతో మీరు స్నేహితులతో కలిసి వెళ్లడానికి ఇది గొప్ప గమ్యస్థానంగా నిలుస్తుంది. (Photo Credit: Unsplash) Also Read: IRCTC Vietnam Tour: ఐఆర్సీటీసీ వియత్నాం టూర్.. ధరెంతో తెలిస్తే సీట్ బుక్ చేసుకుంటారు..!
మిరిక్..
డార్జిలింగ్ జిల్లాలోనే ఉండే మరో అందమైన చిన్న పర్వత ప్రాంతం మిరిక్. ఇది ఇప్పుడిప్పుడే పర్యాటక ప్రదేశంగా మంచి గుర్తింపు సాధిస్తోంది. ఇది కూడా డార్జిలింగ్ మాదిరే చల్లని వాతావరణం,ప్రకృతి సహజ సిద్ధ సౌందర్యానికి ప్రసిద్ధి చెందింది. అక్కడ మిరిక్ లేక్తో పాటు బోకర్ మోనాస్టరీ, టింగ్లింగ్ వ్యూ పాయింట్ వంటి ప్రదేశాలు పర్యాటకులకు బాగా నచ్చుతాయి. (Photo Credit: Unsplash) Also Read: Airplane Emergency Exit: విమానం గాల్లో ఉండగా ఎమర్జెన్సీ డోర్ తెరిస్తే ఏమవుతుందో తెలుసా..?
కుర్సియోంగ్..
డార్జిలింగ్ జిల్లాలోనే ఉండే మరో అందమైన కొండ ప్రాంతం కుర్సియోంగ్. ఇది డార్జిలింగ్ నుండి 32 కి.మీ దూరంలో ఉంటుంది. సముద్ర మట్టానికి 4,864 అడుగుల ఎత్తులో ఉండే ఈ ప్రాంతం స్నేహితులతో కలిసి విహరించడానికి గొప్పగా ఉంటుంది. చుట్టూ పచ్చని ప్రదేశాలు, అందమైన గృహాలు, సహజసిద్ధమైన సౌందర్యం, గొప్ప స్థానిక లెప్చా చరిత్ర ఈ కుర్సియోంగ్ను ప్రత్యేకంగా నిలుపుతాయి. (Photo Credit: Unsplash) Also Read: Most Underrated Tourist Places in India: ఇవి అద్భుతమైన అండర్ రేటెడ్ పర్యాటక ప్రాంతాలు.. ఫిబ్రవరిలో వెళ్లడానికి చూడండి..!
సందక్ఫు..
ట్రెక్కింగ్ అంటే ఇష్టపడేవారికి సందక్ఫు అనే ప్రాంతం గొప్పగా ఉంటుంది. ఇక్కడి నుండి మౌంట్ ఎవరెస్ట్, మౌంట్ కాంచనజంగా, మకాలు, లోట్సే వంటి అద్భుతమైన శిఖరాలను చూడొచ్చు. సందక్ఫు-ఫాలుట్ ట్రెక్ ఈ ప్రాంతంలోని అత్యంత అందమైన ట్రెక్లలో ఒకటి. అలాగే అక్కడికి సమీపంలోనే అమంద్ రింబిక్ అనే పట్టణం మరో చిన్న అందమైన పట్టణం ఉంటుంది. దీంతో మీరు ఆ ప్రాంతాన్ని కూడా సందర్శించవచ్చు. (Photo Credit: Unsplash) Also Read: canusa street: ఆ వీధిలో రోడ్డు దాటాలంటే పాస్పోర్ట్ ఉండాల్సిందే.. మీరు వెళ్లినప్పుడు జాగ్రత్త!
సింగలీలా నేషనల్ పార్క్
సింగలీలా జాతీయ ఉద్యానవనం భారతదేశంలోని అత్యంత సంపన్నమైన అభయారణ్యం. ఇక్కడ అరుదైన జీవ వైవిధ్యం ఉంటుంది. ప్రకృతి సహజసిద్ధమైన ప్రదేశాల్లో అతి తక్కువగా సందర్శించే పర్యాకట ప్రదేశాల్లో ఇదీ ఒకటి. ఇక్కడ పలు రకాల వన్యప్రాణులను చూడటమే కాకుండా మంచి ట్రెక్కింగ్ సాగించడానికి కూడా అద్భుతంగా ఉంటుంది. దీంతో స్నేహితులతో కలిసి ఈ అడవిలో పయనిస్తే గొప్ప అనుభూతి కలుగుతుంది. (Photo Credit: Unsplash) Also Read: Odisha Tourist Places: ఒడిశాలో ఇలాంటి అందమైన ప్రదేశాలు ఉంటే వెళ్లకుండా ఎలా ఉంటారు?
సిలిగురి..
పశ్చిమ బెంగాల్లోని సిలిగురి హిల్ స్టేషన్ కాకపోయినా ఇది మహానంద, తీస్తా అనే నదుల ఒడ్డున ఉండే అందమైన పట్టణం. ఈ పట్టణం మొత్తం ఆహ్లాదకరమైన వాతావరణాన్ని కలిగి ఉంటుంది. సిలిగురిలో ఉన్నప్పుడు, డార్జిలింగ్ హిమాలయన్ రైల్వేలు, మహానంద వన్యప్రాణుల అభయారణ్యం జల్దపరా వన్యప్రాణుల అభయారణ్యం వంటివి తప్పనిసరిగా చూడాలి. అలా మీరు డార్జిలింగ్ ట్రిప్ ప్లాన్ చేసుకుంటే ఒకే పర్యటనలో ఇన్ని ప్రాంతాలను చూడొచ్చు. (Photo Credit: Unsplash) Also Read: Vande bharat Interesting Facts: వందేభారత్ రైళ్లకు సంబంధించిన ఈ ఆసక్తికర విషయాలు మీకు తెలుసా?
కార్తీక్ కుమార్ కొంగణి సమయం తెలుగులో డిజిటల్ కంటెంట్ ప్రొడ్యూసర్\u200cగా పని చేస్తున్నారు. ఇక్కడ ట్రావెల్\u200cకు సంబంధించిన తాజా వార్తలు,వీకెండ్ స్పాట్ల గురించి వివరించడంతో పాటు,ప్రముఖ పర్యాటక ప్రాంతాల సమాచారం, ఫొటో ఫీచర్లు అందిస్తుంటారు. తనకు జర్నలిజంలో 8 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో రాజకీయ, క్రీడా, సినిమా రంగాలకు సంబంధించిన వార్తలు అందించారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.