నీటిపై తేలుతూ క్యాంపింగ్... ఎక్కడో తెలుసా?
రొటీన్ కు భిన్నంగా ఏదైనా చేసినప్పుడు మాత్రమే లైఫ్ లో కాస్త కిక్ ఉంటుంది. అలాంటి కిక్ ను మీరు కూడా పొందాలనుకుంటే వాటర్ క్యాంపింగ్ కు ఖచ్చితంగా వెళ్లాల్సిందే. ఇక్కడ మీరు నీటిపై తేలుతూ హాయిగా గుడారాలలో నిద్రించవచ్చు. ఇంతకీ ఇది ఎక్కడ ఉందంటే?
తేలియాడే గుడారాలు ఏమిటి? ఎక్కడ ఉన్నాయి?
మహారాష్ట్రలో కర్జాత్ జిల్లాలో చాలా అందమైన ఓ క్యాంప్ సైట్ ఉంది. ఇది ప్రకృతి ప్రేమికుల స్వర్గధామంగా పిలువబడుతుంది. ఇక్కడ్ హాలిడే మేకర్స్ సమీపంలోని నదిపై తేలియాడే గుడారాలలో ఉండడాన్ని సంపూర్ణంగా ఆనందించవచ్చు. ఈ క్యాంప్ సైట్ లో అతిధుల వినోదం కోసం అనేక ఆసక్తికరమైన కార్యక్రమాలు కూడా ఏర్పాటు చేయబడతాయి. మూసకు భిన్నంగా అనిపించే ఈ అనుభవాలు మీ జీవితంలో ఎప్పటికీ గుర్తుండిపోతాయి.
మరిన్ని విశేషాలు
క్యాంప్ ప్రియులు ఇక్కడ చేయవలసిన అద్భుతమైన విషయాల జాబితా చాలా ఉంది. ఒక నావికుడిలా తేలియాడే గుడారాల లోపల నిద్రించడంతో పాటు, చెట్లకు వేలాడే గుడారాల లోపల కూడా రాత్రుళ్లు గడపడానికి మీరు ఎంపిక చేసుకోవచ్చు. ఇది చాలా ప్రత్యేకమైన అనుభవం. ఈ అసాధారణ వసతి ఎంపికలను అందరూ గొప్పగా ఆనందించలేరు. ఎందుకంటే ఇవి సాహస ఔత్సాహకులను మాత్రమే థ్రిల్ కు గురి చేస్తాయి.
ఈ క్యాంపింగ్ ప్రదేశంలో సందర్శకులు రెండు ఉత్తమమైన ప్రపంచాలను ఆస్వాదించగలరు. పార్టీలు, భోగి మంటలు, బీబీక్యూ రుచులతో పాటు ఆటలు వంటివి ఇక్కడ ఏర్పాటు చేయబడతాయి. సినిమా ప్రేమికుల కోసం అందరి అభిరుచులను దృష్టిలో ఉంచుకుని ప్రత్యేకమైన ఏర్పాట్లను కూడా ఇక్కడ చేస్తారు. నక్షత్రాల క్రింద నచ్చిన సినిమా చూస్తూ ఆనందించడం ఎలా ఉంటుందో ఒక్కసారి ఊహించుకొండి.
ఇది ఎలా పని చేస్తుంది?
ఇక్కడి ఆసక్తికరమైన అనుభవాలకు క్యాంపింగ్ అని కూడా గ్లాంపింగ్ (గ్లామర్ క్యాంపింగ్) అని పేరు పెడితే ఇంకా బాగుంటుంది. వాటర్ క్యాంపింగ్ పట్ల ఆసక్తి ఉన్న వారికి అధిక నాణ్యత గల వాటర్ రెసిస్టెంట్ ఫ్యాబ్రిక్ తెప్ప మీద గుడారాలను వేయడం జరుగుతుంది. ఈ తెప్ప గుడారాలు నీటిపై తేలెందుకు సహాయపడుతుంది. ఈ గుడారాల్లో ఇద్దరు వ్యక్తులు సులభంగా బస చేయవచ్చు. క్యాంపింగ్ ఫోమ్స్ మరియు దిండ్లు కూడా అందించబడతాయి. గుడారం చుట్టూ నీరు ఉండడం వలన లోపల ఉండే వారికి కొంత చల్లదనంగా అనిపిస్తుంది. కాబట్టి క్యాంపర్లు తమ వెంట బ్లాంకెట్స్ తప్పనిసరిగా తీసుకువెళ్లాలి.
Read Also: హైదరాబాద్ దగ్గర్లో 7 అత్యుత్తమ క్యాంపింగ్ ప్రదేశాలు
ధర ఎంత?
ఇక్కడ గౌండ్ టెంట్ లకు రూ.2900, ఫ్లోటింగ్ టెంట్ లకు రూ.3500 వరకూ ధర ఉంటుంది. రవాణా, ఆహారం, వసతి అన్నీ ఈ ధరలోనే లభిస్తాయి. ఇంతకు మించి మీరు ఇక్కడ ఒక్క పైసా కూడా ఖర్చు చేయాల్సిన అవసరం లేదు. మీరు అడవుల్లో ఉదయం లేదా సాయంత్రం షికారు చేయవచ్చు. వాలీబాల్, క్రికెట్, ఫుట్ బాల్ వంటి ఆడవచ్చు. ఆ తరువాత హిప్పీ బుద్ధ కేఫ్ లో రుచికరమైన ఆహారాన్ని తీసుకోవచ్చు.
అడ్రస్: మూన్ స్టోన్ హమ్మోక్ క్యాంపింగ్ గౌండ్స్, కర్జత్