కొత్త రూల్.. మినీ షార్ట్స్‌లో లేడీ పోలీస్!

ఈ ఫొటోలో ఉన్న అమ్మాయిలు మోడల్స్ అనుకుంటే పొరపాటే. ఈ అమ్మాయిలు ట్రాఫిక్ పోలీసులు. కొద్ది రోజుల వరకు ఇక్కడి మహిళా ట్రాఫిక్ పోలీసులు ఫుల్ యూనిఫామే ధరించేవారు. కానీ, అక్కడి మేయర్ ఇచ్చిన ఆదేశాల మేరకు వీరంతా ఫ్యాంట్ నుంచి ఇలా మినీ షార్టులు ధరిస్తున్నారు. ఇంతకీ వీరి డ్రెస్‌కోడ్ ఎందుకు మార్చారో తెలుసా?

వీరిని చూడాలంటే మౌంట్ లెబనన్‌‌లోని బ్రుమ్మనాకు వెళ్లాల్సిందే. నిత్యం పర్యాటకులతో కిటకిటలాడే ఈ ప్రాంతాన్ని మరింత ఆకర్షనీయంగా చేయాలని అక్కడి మున్సిపాలిటీ నిర్ణయించింది. ఈ సందర్భంగా కొంతమంది కళాశాల యువతులను కాంట్రాక్ట్ కింద ట్రాఫిక్ బాధ్యతలు అప్పగించారు. పర్యాటకులను ఆకట్టుకునేందుకు మినీ షార్టులు వేసుకోవాలనే నిబంధన పెట్టారు.

వీరు ప్రభుత్వ ఉద్యోగులు కాకపోవడంతో డ్రేస్‌కోడ్‌కు సంబంధించి నిబంధనల్లో కూడా మార్పులు చేయాల్సిన అవసరం రాలేదని అధికారులు ఈ సందర్భంగా తెలిపారు. మున్సిపాలిటీ నిర్ణయంపై పలువురు పెదవి విరుస్తున్నారు. పర్యాటకులను ఆకట్టుకోడానికి మరీ.. ఇలా దుస్తులను తగ్గించేసుకోవాలా? విడ్డూరం కాకపోతేనూ అని కామెంట్ చేస్తున్నారు.