సకలేష్పూర్..
కర్ణాటకలోని హసన్ జిల్లాలో ఉన్న సకలేష్పూర్ అందమైన హిల్‌స్టేషన్. దీన్ని కర్ణాటక స్విట్జర్లాండ్ అని కూడా పిలుస్తారు. ఇది పశ్చిమ కనుమల్లోని మల్నాడ్ పర్వత శ్రేణిలో ఉండే అందమైన పర్యాటక ప్రదేశం. ఇక్కడ కాఫీ, అరెకా, యాలాకుల తోటలు ప్రధాన ఆకర్షణగా నిలుస్తాయి. ఇది బెంగళూరు, మంగళూరు నగరాల హైవేపై ఉంటుంది. దీంతో ఈ సకలేష్పూర్ టూర్‌ను మంచి వీకెండ్ డెస్టినేషన్‌గా ఎంచుకోవచ్చు. (Photo Credit: Unsplash)
Also Read: Mana Village: ఇక్కడ టీ తాగితే అదో ప్రత్యేకం.. అది భారత దేశంలోనే ‘మన’ చిట్టచివరి గ్రామం
యార్కాడ్..
తమిళనాడులోని సాలెం జిల్లాలో ఉన్న యార్కాడ్ కూడా అందమైన హిల్‌స్టేషన్. పచ్చని ప్రకృతి ఒడిలో ఉండే ఈ ప్రాంతం బయటి వారికి పెద్దగా తెలియకపోయినా స్థానికంగా మంచి వీకెండ్ స్పాట్‌గా గుర్తింపు పొందింది. సముద్ర మట్టానికి 1,515 మీటర్ల ఎత్తులో.. కాఫీ, సుగంధ ద్రవ్యాల తోటలతో చాలా ప్రశాంతంగా ఉంటుంది. అక్కడే ఒక అందమైన సరస్సు కూడా ఉండటంతో కాలక్షేపానికి బోటింగ్ కూడా చేయొచ్చు. (Photo Credit: Unsplash)
ఊటీ..
తమిళనాడులోని నీలగిరి పర్వత శ్రేణుల్లో ఉండే అత్యంత ప్రజాదరణ పొందిన హిల్‌స్టేషన్ ఊటీ. ఇది దట్టమైన అడవులు, అందమైన సరస్సులు, పచ్చని పార్కులు, కాఫీ, టీ తోటలతో నిండి ఉంటుంది. ఇక శీతాకాలంలో ఊటీ అందాలను వర్ణించడం మాటల్లో చెప్పలేనిది. ఇదో టాప్ హనీమూన్ డెస్టినేషన్ కూడా కావడంతో కొత్త జంటలకు స్వర్గధామం లాంటిది. అలాగే ఊటీలో చూడాల్సినవి చాలా ఉన్నాయి. మరోవైపు అక్కడ నీలగిరి కొండల్లో ట్రైన్ జర్నీని అస్సలు మిస్సవ్వద్దు. (Photo Credit: Unsplash)
Also Read: UK Visa Scam: భారతీయులకు హెచ్చరిక.. ఎవరైనా యూకే వీసా ఇప్పిస్తామంటే నమ్మకండి..!
కొడగు..
అలాగే కర్ణాటకలోని మరో సుప్రసిద్ధమైన హిల్‌స్టేషన్ కొడగు. దీన్ని కూర్గ్ అని కూడా పిలుస్తారు. ఇది కూడా పచ్చని ప్రదేశాలతో నిండి ఉండటంతో అందమైన, ప్రశాంతమైన టూరిస్ట్ స్పాట్‌గా నిలిచింది. ఇక్కడ మీరు హోమ్‌స్టేల్లో విడిది చేసే అవకాశాలు కూడా ఉన్నాయి. దీంతో మీ ప్రియమైన వారితో కలిసి మంచి ఏకాంత సమయం గడపొచ్చు. ఇక్కడ కొన్ని అందమైన జలపాతాలు కూడా మిమ్మల్ని మరింత ఉత్తేజకరంగా మారుస్తాయి. (Photo Credit: Unsplash)
వాయనాడ్..
కేరళ రాష్ట్రంలోని మరో అందమైన, అద్భుతమైన హిల్ స్టేషన్ వయనాడ్. ఇది కూడా మంచి హనీమూన్ డెస్టినేషన్‌గా పేరుగాంచింది. ఇక్కడ మీరు చెంబ్రా శిఖరం, నీమల, చేతలయం, పక్షిపాటలం, బాణాసురసాగర్ డ్యామ్ వంటివి చూడొచ్చు. ఇక ప్రకృతి ప్రేమికులకు, కొత్త జంటలకైతే ఇది మరో ప్రపంచం అని చెప్పొచ్చు. (Photo Credit: Unsplash)
Also Read: Unusual Places: వీటి గురించి తెలిస్తే OMG అంటారు.. ఈ వింత ప్రదేశాలకు ఎప్పుడైనా వెళ్లారా?
- Read All Latest Telugu News and Travel News