రెండింటికి ప్రసిద్ధం..
ఈ కుందాద్రి హిల్స్ రెండు విషయాలకు ప్రసిద్ధి చెందిందని అంటారు. 17వ శతాబ్దానికి చెందిన జైన దేవాలయం ఒకటైతే, రెండోది ఇది సాహసప్రియులు ట్రెక్కింగ్ చేసేందుకు అనువైన ప్రదేశం. ఈ రెండు కారణాల వల్ల పర్యాటకులు ఇక్కడికి పెద్ద ఎత్తున వస్తుంటారు. ఇక్కడున్న జైన దేవాలయం 23వ తీర్థంకరుడైన ‘పార్శ్వనాథ్‌’కు అంకితం చేసింది. దీంతో ఈ ఆలయాన్ని సందర్శించడానికి జైన భక్తులు ఎక్కువగా వస్తారు. ఇక్కడ అనేక రాతి విగ్రహాలు కూడా ఉంటాయి. అలాగే రెండు అందమైన నీటి కుంటలు కూడా పర్యాటకుల దృష్టిని ఆకర్షిస్తాయి. (Photo credit: Manjeshpv/Creative Commons Attribution)
Also Read: DGCA Rules: విమానయాన సంస్థలు అలా చేస్తే మీకు టికెట్ ధరలో 75 శాతం తిరిగి చెల్లింపు..
ట్రెక్కింగ్ పాయింట్..
మరోవైపు పైన చెప్పినట్లు ఈ కుందాద్రి హిల్స్ సాహస ప్రియులకు కూడా మంచి ట్రెక్కింగ్ పాయింట్. ఇక్కడ వీకెండ్స్‌లో ట్రెక్కింగ్ చేయడానికి చాలా మంది ఔత్సాహికులు వస్తుంటారు. ఈ కొండల శిఖరాన్ని చేరుకోవడానికి దాదాపు 3 గంటల సమయం పడుతుంది. 7-కిలోమీటర్ల మేర అటవీ మార్గంలో కఠినమైన భూభాగాల్లో సుదీర్ఘ ప్రయాణం చేయాల్సి ఉంటుంది. ఈ క్రమంలో మీరు అడుగడుగునా ఆకర్షణీయమైన ప్రకృతి వీక్షణలను ఆస్వాదిస్తారు. (Photo Credit: Unsplash/Representational Image)
Also Read: Thailand Tour: థాయ్‌లాండ్ టూర్‌లో ఇవి మిస్ చేసుకోవద్దు.. వెళ్లినప్పుడు మీరూ ట్రై చేయండి..!
బైక్‌పై వెళ్లొచ్చు..
అలాగే కొన్ని చోట్ల కఠినమైన, ఇరుకైన మార్గాలు ఉండటంతో కాస్త జాగ్రత్తగా వెళ్లాల్సిన అవసరం ఉంటుంది. అదేం కష్టంకాకపోయినా ఆ మార్గం ఎంతో ఉత్కంఠభరితంగా, ఆహ్లాదకరంగా మారుతుంది. దీంతో ఇక్కడ ట్రెక్కింగ్ చేయడం మంచి అనుభవాన్ని మిగిలిస్తుంది. ఒకవేళ మీరు నడవలేకపోతే కొండపైకి బైక్‌ని కూడా తీసుకెళ్లొచ్చు. కాకపోతే రోడ్లు మరీ నిటారుగా, ఇరుకుగా ఉండటంతో పాటు మధ్యలో హెయిర్‌పిన్ బెండ్లు కూడా ఉంటాయి. దీంతో చాలా జాగ్రత్తగా వెళ్లాల్సి ఉంటుంది. (Photo Credit: Unsplash/Representational Image)
Also Read: Valentines Day Destinations: ఈ వాలెంటైన్స్ డే‌ని అక్కడ జరపుకోండి.. వద్దన్నా రొమాంటిక్ ఫీలింగ్స్ కలిగిస్తాయి..!
అద్భుతమైన ప్రదేశం..
సాహసం, ఆధ్యాత్మికత, ప్రకృతి అందాల కలబోత అయిన ఈ కుందాద్రి హిల్స్ ఎలాంటి పర్యాటకులకైనా తప్పక నచ్చుతాయి. అందులో ఎలాంటి సందేహం లేదు. ఒక్క మాటలో చెప్పాలంటే ఈ ప్రదేశం కర్ణాటక పర్యాటక రంగానికి సంబంధించిన నిజమైన సారాంశాన్ని కలిగి ఉంది. కర్ణాటక టూరిజం అంటే ఈ మూడే ప్రధానంగా గుర్తొస్తాయి. దీంతో మీరు కుటుంబ సభ్యులతో వెళ్లినా, స్నేహితులతో వెళ్లినా లేదా ఒంటరిగా వెళ్లినా తప్పక ఆస్వాదిస్తారు. (Photo Credit: Unsplash/Representational Image)
Also Read: Travel With BFF: స్నేహితులతో టూర్లకు వెళ్లాలంటే ఇవే అసలైన గమ్యస్థానాలు.. అవేంటో చూసి వెళ్లండి..!
ఎలా వెళ్లాలంటే..
ఇది హైదరాబాద్‌కు సుమారు 700 కిలోమీటర్ల దూరంలో ఉండటంతో వీకెండ్‌లో తేలిగ్గా వెళ్లిరావచ్చు. అయితే బస్ లేదా రైళ్లలో వెళ్లాలనుకుంటే ఆలస్యమవుతుంది. సొంత వాహనాలు ఉంటే నేరుగా కర్నూలు, బళ్లారి, చిత్రదుర్గ ప్రాంతాల మీదుగా భద్రవతి చేరుకొని అక్కడి నుండి తీర్థహళ్లి మీదుగా ఈ కుందాద్రి హిల్స్ చేరుకోవాలి. లేదా బెంగళూరు నుండి తీర్థహళ్లికి నేరుగా బస్సులు ఉంటాయి. అక్కడి నుండి కుందాద్రి హిల్స్ చేరుకోవచ్చు. (Photo Credit: Unsplash/Representational Image)
Also Read: Air Travel: రాబోయే నాలుగు నెలల్లో ఆ నగరానికి వెళ్తున్నారా.. అయితే, ఇది తెలుసుకోవాల్సిందే..!