Somasila Sangameshwara Temple Best Weekend Spot From Hyderabad
Somasila: సోమశిలా సంగమేశ్వర ఆలయం.. హైదరాబాద్ నుండి వీకెండ్ ట్రిప్..!
నాగర్ కర్నూల్ జిల్లాలోని సోమశిలా జలాశయం (Somasila Sangameshwara Temple) మంచి వీకెండ్ స్పాట్. ఇది హైదరాబాద్‌తో పాటు చుట్టుపక్కల వారికి అద్భుతమైన విహారయాత్ర. ఆ ప్రదేశం గురించి ఇక్కడ చెప్పుకుందాం.
హైదరాబాద్ నుండి ఒకటి రెండు రోజుల్లో వెళ్లి రాగల అందమైన పర్యాటక ప్రదేశాల్లో సోమశిలా రిజర్వాయర్ ఒకటి. ఇది నాగర్ కర్నూల్ జిల్లా కొల్లాపూర్‌ సమీపంలో ఉండే అందమైన కృష్ణా నది బ్యాక్ వాటర్స్ ప్రాంతం. దీంతో ఇక్కడ పచ్చదనంతో నిండిన ప్రకృతి దృశ్యాలకు కొదవే లేదు. మరోవైపు తెలంగాణ టూరిజం సైతం ఈ ప్రాంతంలో పలు కాటేజీలు ఏర్పాటు చేయడంతో ఇటీవలి కాలంలో ఇది గొప్ప వీకెండ్ స్పాట్‌గా మారింది. అంతే కాకుండా పర్యాటక రంగం పరంగా కాస్త గుర్తింపు సాధించింది. సరైన ప్రణాళికతో వెళ్లొస్తే ఈ సోమశిలా రిజర్వాయర్ గొప్ప పర్యాటక ఆకర్షణగా నిలుస్తుంది. అలాంటి అందమైన సోమశిలా గురించి మరింత తెలుసుకుందాం.
తెలంగాణ రాజధాని హైదరాబాద్‌‌కు సుమారు 200 కిలో మీటర్ల దూరంలో ఉండే ఈ ప్రదేశం ఏడాది పొడవునా పర్యాటకులను ఆకర్షిస్తుంటుంది. విస్త్రుతమైన రహదారుల కారణంగా చుట్టు పక్కల జిల్లాల నుంచి సైతం ఈ పర్యాటక ప్రదేశానికి తేలిగ్గా వెళ్లిరావచ్చు. ఇది కేవలం హైదరాబాద్‌కే కాకుండా అటు కర్నూల్, ఉమ్మడి మహబూబ్‌నగర్ జిల్లాల వాసులకు సైతం గొప్ప వీకెండ్ స్పాట్‌గా మారింది. అయితే, ఇక్కడ ప్రధానంగా చెప్పుకోవాల్సింది ఏడో దశాబ్దం కాలం నాటి పురాతన ఆలయాల గురించి. అవన్నీ పరమశివుడికి అంకితం చేసిన ఆలయాలు కావడంతో అదో ఆధ్యాత్మిక ప్రదేశంగానూ మంచి గుర్తింపు దక్కించుకుంది. Also Read: Maldives Trip: పర్యాటకులు ఎక్కువగా మాల్దీవ్స్‌కు ఎందుకు వెళ్లాలనుకుంటారంటే.. ఇవే కారణాలు..!
ఈ సోమశిల ప్రాంతంలో మొత్తం 15 దేవాలయాలు ఉన్నాయి. అవన్నీ ఎంతో ప్రసిద్ధి చెందిన ఆలయాలుగా గుర్తింపు పొందాయి. అందులో ప్రధానంగా చెప్పుకోవాల్సింది సోమశిల జలాశయంలో ఉండే సంగమేశ్వర ఆలయం గురించే. అది నది గర్భంలో ఉండటంతో వర్షాకాలంలో నీటిమట్టం పెరిగి ఆలయం మొత్తం మునిగిపోతుంది. దీంతో ఆ సంగమేశ్వర ఆలయం ఏడాదిలో సగం కాలానికి పైగా నీటిలోనే ఉంటుంది. వేసవి సమీపించే సమయంలో భక్తులకు దర్శనమిస్తుంది. ఆ సమయంలో భక్తులంతా పడవల్లో వెళ్లాల్సి ఉంటుంది. ఒకవైపు దట్టమైన అడవులు, మరోవైపు ప్రకృతి సోయగాలు ఈ కృష్ణా నది బ్యాక్ వాటర్స్ అందాలను రెట్టింపు చేస్తాయి. అలాంటి ఆహ్లాదకరమైన వాతావరణంలో సాగే ఈ ప్రయాణం కొన్ని మధుర జ్ఞాపకాలను మీకు అందిస్తుంది. వీలైతే అక్కడి నుండే శ్రీశైలం జలాశయానికి పడవలో ప్రయాణించి చూడండి. అది జీవితాంతం గుర్తుండిపోయే విధంగా ఉంటుంది. Also Read: IRCTC Madhya Pradesh: అతి తక్కువ ధరకే మధ్య ప్రదేశ్ టూర్ ప్యాకేజీ.. ఆ మూడు ప్రదేశాలను చూడొచ్చు..!
కార్తీక్ కుమార్ కొంగణి సమయం తెలుగులో డిజిటల్ కంటెంట్ ప్రొడ్యూసర్\u200cగా పని చేస్తున్నారు. ఇక్కడ ట్రావెల్\u200cకు సంబంధించిన తాజా వార్తలు,వీకెండ్ స్పాట్ల గురించి వివరించడంతో పాటు,ప్రముఖ పర్యాటక ప్రాంతాల సమాచారం, ఫొటో ఫీచర్లు అందిస్తుంటారు. తనకు జర్నలిజంలో 8 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో రాజకీయ, క్రీడా, సినిమా రంగాలకు సంబంధించిన వార్తలు అందించారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
