ప్రతాపరుద్రుడు నిర్మాణం..
ఈ కోటను ప్రతాపరుద్రుడు మెతుకు దుర్గంగా పిలిచేవాడని చెబుతారు. కాకతీయుల సామ్రాజ్యానంతరం ఈ కోట అనేక పాలకుల అధీనంలోకి వెళ్లింది. దీంతో ఇది తెలంగాణలోని ముఖ్యమైన చారిత్రాత్మక నిర్మాణాల్లో ఒకటిగా ప్రత్యేకత సాధించింది. అలాగే ఈ కోటలో 17వ శతాబ్దంలో కుతుబ్ షాహీల కాలంలో ఒక మసీదుతో పాటు ధాన్యాగారాలు కూడా నిర్మించారు. అలాగే ఇక్కడ అదే కాలానికి చెందిన 3.2 మీటర్ల పొడవైన ఫిరంగిని చూడొచ్చు. (Photo Credit: medak.telangana.gov.in)
Also Read: Jammu Kashmir: కశ్మీర్‌కు వెళ్లాలనుకునేవారికి గుడ్‌న్యూస్.. త్వరలోనే రైలు కనెక్టివిటీ అందుబాటులోకి
మూడు ముఖ ద్వారాలు..
మరోవైపు ఈ కోటలోకి వెళ్లేందుకు మూడు ముఖద్వారాలు ఉండటం విశేషం. మొదటిది "ప్రధాన ద్వారం", రెండోది "సింహద్వారం" మూడోది "గజ ద్వారం". ప్రధాన ద్వారం కాకతీయుల చిహ్నమైన రెండు తలల గంఢబేరుండ పక్షిని కలిగి ఉంటుంది. అలాగే రెండో ద్వారం సింహాలతో మూడో ద్వారం ఏనుగుల రూపాలతో ఉంటాయి. ఇక ఆ కోట పైకప్పు బలంగా ఉండేందుకు ఉపయోగించిన కలపను ఇప్పటికీ మనం చూడొచ్చు. దీన్ని బట్టి ఆ కోటను ఎంత పటిష్ఠంగా నిర్మించారో అర్థం చేసుకోవచ్చు. (Photo Credit: medak.telangana.gov.in)
Also Read: Tropic of Cancer India: మీరు సాహస యాత్ర చేయాలనుకుంటే.. ఈ కర్కట రేఖ గుండా ప్రయాణించండి..!
శత్రుదుర్భేద్యంగా నిలిచింది..
కాగా, 12వ శతాబ్దంలో ఉత్తరాది నుంచి దిల్లీ సుల్తాన్లు దండయాత్రలకు వస్తున్నారని తెలిసి ప్రతాపరుద్రుడు తన రాజ్యాన్ని కాపాడుకునేందుకు ఈ కోటను ఎంతో పటిష్ఠంగా నిర్మించాడు. చాలా పకడ్బందీగా ఎత్తైన కొండపై నిర్మించడంతో శత్రుదుర్భేద్యంగా మారింది. కోట చుట్టూ 40 కి.మీ వరకూ ఎలాంటి కదలికలున్నా ఇక్కడి నుండే తేలిగ్గా పసిగట్టే విధంగా బురుజుల నిర్మాణం చేపట్టారు. అలాగే కోటలోకి శత్రువులు ప్రవేశించడానికి వీల్లేకుండా ఎత్తైన గోడలు, లోపల మలుపులు, మెలికలు తిరిగిన దారిని నిర్మించారు. అయినా, కాలక్రమేణ జరిగిన యుద్ధాల్లో ఈ కోట దిల్లీ సుల్తాన్లు, బహ్మనీయులు, కుతుబ్ షాహీలు, నిజాం పాలకుల చేతుల్లోకి జారిపోయింది. (Photo Credit: medak.telangana.gov.in)
Also Read: Gharkundar Fort: అంతుచిక్కని ఈ రహస్యమైన కోట గురించి తెలుసా?
ఎలా వెళ్లాలంటే..
ఈ మెదక్ కోట నేషనల్ హైవే 44కి దగ్గరగా ఉంటుంది. హైదరాబాద్ నుండి కామారెడ్డి వెళ్లేదారిలో చేగుంట అనే చిన్న పట్టణం నుండి ఎడమవైపుకు మళ్లాలి. అదే ఆదిలాబాద్, నిజామాబాద్ జిల్లాల వైపుగా వస్తే రామాయంపేట నుండి కుడివైపు వెళ్లాలి. ముంబై హైవే మీదుగా వస్తే సంగారెడ్డి వద్ద నాందేడ్-అకోలా హైవే మీదుగా వెళ్లి జోగిపేట్‌ నుంచి కుడివైపుకెళ్లాలి. ఇక హైదరాబాద్ లోని బాలానగర్ నుండి వెళితే దుండిగల్, నర్సాపూర్ మీదుగా వెళ్లాలి. (Photo Credit: medak.telangana.gov.in)
Also Read: 2022 Most Google Search: 2022లో అత్యధికంగా గూగుల్‌ ప్లేసెస్‌లో ఏం వెతికారంటే.. ఓ లుక్కేయండి!
సరైన వీకెండ్ స్పాట్..
ఇది హైదరాబాద్‌తో పాటు చుట్టు పక్కల జిల్లాల వారికి కూడా మంచి వీకెండ్ స్పాట్‌గా నిలిచింది. దీంతో కుటుంబంతో కలిసి హ్యాపీగా ఏదైైనా వీకెండ్‌లో వెళ్లిరావచ్చు. ముఖ్యంగా నగరవాసులకు కేవలం 100 కిలోమీటర్లే కాబట్టి ఉదయం వెళ్లి సాయంత్రం రావచ్చు. లేదా మెదక్ జిల్లాలోని ఇతర పర్యాటక ప్రదేశాలను కూడా చూడాలంటే శని, ఆదివారాలు టూర్ ప్లాన్ చేసుకోవచ్చు. ఇక ఆలస్యం చేయకుండా మీరు వచ్చే వీకెండ్‌లో వెళ్లిపోండి. (Photo Credit: medak.telangana.gov.in)
Also Read: Goa Travel: జనవరిలో గోవా ప్లాన్ చేస్తున్నారా.. అయితే, ఈ విషయం తెలుసుకోవాల్సిందే..!
- Read All Latest Telugu News and Travel News