మణిపూర్ టూరిస్ట్ అట్రాక్షన్స్‌లో టాప్..
మణిపూర్ పర్యాటనకు వచ్చే ఏ సందర్శకులకైనా ఈ లోక్‌తక్ మంచినీటి సరస్సు(Must Visit Place in Manipur) తప్పక చూడాల్సిన ప్రదేశం. ఇది బిష్ణుపూర్ జిల్లాలో ఇంఫాల్ నగరానికి 48 కిలోమీటర్ల దూరంలో ఉంది. ఇది ఈశాన్య భారతదేశంలో అతిపెద్ద మంచినీటి సరస్సుగా పేరుగాంచింది. ఇక్కడ ఒక్క రోజు గడిపినా జీవితాంతం గుర్తుండిపోతుంది. ఇక్కడికి వచ్చే పర్యాటకులు అందమైన పక్షులను కూడా వీక్షించవచ్చు. ఫుమ్‌సాంగ్స్‌గా పిలిచే మత్స్యకారులు ఈ సరస్సులో తేలియాడే గుడిసెలలో నివసిస్తారు. సరస్సు మధ్యలో ఈ అందమైన గుడిసెలను చూడటం చాలా ప్రత్యేకంగా ఉంటుంది. (Photo Credit: @beautifulnortheastindia/Instagram)
కీబుల్ లంజావో నేషనల్ పార్క్..
ఇక లోక్‌తక్ సరస్సు సమీపంలోనే ఉంది మరో అందమైన ప్రదేశం. అదే కీబుల్ లంజావో నేషనల్ పార్క్(Keibul Lamjao National Park). ఇది ప్రపంచంలోనే ఏకైక ఫ్లోటింగ్ పార్క్‌గా ప్రసిద్ధి చెందింది. అంటే ఈ జాతీయ ఉద్యానవనం ఆ సరస్సుపై తేలియాడుతుంది. ఇక్కడ ఉండే అరుదైన జింకలను సంరక్షించేందుకు ఈ పార్కు‌ను ఏర్పాటు చేశారు. మణిపూర్ రాష్ట్ర జంతువుగా ఉన్న సాంగాయ్ జాతికి చెందిన జింకలు ఇక్కడ ప్రత్యేక ఆకర్షణ. ఇక్కడ మణిపూర్ అటవీ శాఖ అధికారులు వాచ్ టవర్స్‌తో పాటు రెండు విశ్రాంతి భవనాలను నిర్మించారు. దీంతో జంతు ప్రేమికులు ఎవరైనా ఇక్కడికి వెళ్లి హ్యాపీగా ఎంజాయ్ చేయొచ్చు. (Photo Credit: @byaptibanerjee/Instagram)
మోయిరాంగ్‌లో ఐఎన్ఏ మెమోరియల్..
ఇక బిష్ణుపూర్ జిల్లాలోని మొయిరాంగ్‌ ప్రాంతానికి కూడా విశిష్ఠత ఉంది. ఇది భారతదేశ స్వాతంత్ర పోరాట చరిత్రలో ఒక ప్రత్యేక స్థానాన్ని కలిగి ఉంది. 1944 ఏప్రిల్ 14న భారత దేశంలోనే ఇక్కడ మొట్టమొదటిసారి ఇండియన్ నేషనల్ ఆర్మీ జెండాను ఆవిష్కరించారు. భారత సైనికులకు చెందిన ఉత్తరాలు, ఛాయాచిత్రాలు, ర్యాంకు‌ల బ్యాడ్జ్‌లు , ఇతర యుద్ధ స్మారక చిహ్నాలతో కూడిన ఐఎన్ఏ మ్యూజియం (INA Memorial Museum) సందర్శకులను ఆకట్టుకుంటుంది. ఈ మ్యూజియం చూస్తే సైనికుల గొప్ప త్యాగాలు గుర్తు చేస్తుంది. దీంతో ఇది కూడా అక్కడ చూడాల్సిన ప్రదేశాల్లో ఒకటిగా మారింది. (Photo Credit: @azad_hind_volunteers_/Instagram)
మైబామ్ లోపచింగ్ రెడ్ హిల్స్..
ఈ బిష్ణుపూర్ జిల్లాలోనే రెడ్ హిల్ అనే మరో పర్యాటక ప్రదేశం ఉంది. అది ఇంఫాల్ నుండి టిడిమ్ రోడ్‌లో 16 కిలోమీటర్ల దూరంలో ఉన్న ఒక కొండ ప్రాంతం. రెండో ప్రపంచ యుద్ధ సమయంలో ఇక్కడ బ్రిటిష్, జపాన్ సైనికులు భీకర యుద్ధం చేశారు. అయితే, యుద్ధంలో మరణించిన జపాన్ సైనికుల జ్ఞాపకార్థం ఇండియా పీస్ మెమోరియల్ (India Peace Memorial)ని నిర్మించారు. దీంతో ఇక్కడికి జపాన్ పర్యాటకులు కూడా వస్తుంటారు. (Photo Credit: @longjam__maroranjan/Instagram)
లాకోయి పాట్ బోటింగ్..
ఈ లాకోయి పాట్ (Lakoi Pat Lake) అనేది కూడా అందమైన చిన్న సరస్సు. ఇది కూడా టిడిమ్ రోడ్డులోనే బిష్ణుపూర్ జాతీయ రహదారికి సమీపంలోనే ఉంటుంది. ఇక్కడికి స్థానికులతో పాటు చుట్టు పక్కల ప్రాంతాల సందర్శకులు విహారానికి వస్తుంటారు. దీంతో ఇది కూడా అక్కడ వీకెండ్ స్పాట్‌గా మారింది. ఇక్కడ బోటింగ్ చేసే అవకాశం కూడా ఉండటంతో పర్యాటకులకు మరింత నచ్చుతుంది. మీరూ కూడా లోక్‌తక్ సరస్సు చూడటానికి వెళితే వీటన్నింటినీ తప్పక చూడండి. (Photo Credit: @khagem_d_vamps/Instagram)
Read All Latest Telugu News and Travel News