Actress Hema: హేమకు బిగ్ బాస్ పిలుపు.. జరిగిన అవమానం చాలంటూ ఝలక్

సీనియర్ నటి హేమ కెరియర్‌లో బిగ్ బాస్ సీజన్ 3 ఒక చేదు జ్ఞాపకం అనే చెప్పాలి. 17 మంది కంటెస్టెంట్స్‌‌ బిగ్ బాస్ హౌస్‌కి రాగా.. వాళ్లలో తొలి వారమే బిగ్ బాస్ హౌస్ నుండి ఎలిమినేట్ అయ్యింది. మొదట్లో హేమక్కా.. హేమక్కా అంటూ ఇంటి సభ్యులు ఆమెతో బాగానే ఉన్నా.. కిచెన్ ఈమె ఆధిపత్యాన్ని భరించలేక హేమక్క ఆటకట్టించారు. ఆమెను తొలివారమే నామినేట్ చేసి బిగ్ బాస్ హౌస్ నుండి బ్యాగ్ సర్దేలా చేశారు. అయితే బిగ్ బాస్ హౌస్ నుండి బయటకు వచ్చిన తరువాత హేమ ఆ షోపై సంచలన ఆరోపణలు చేసింది. ముఖ్యంగా శ్రీముఖిని ఉద్దేశించి ఆమె వల్లే తను బిగ్ బాస్ హౌస్ నుండి ఎలిమినేట్ అయ్యానని.. శ్రీముఖి బర్త్ డే వేడుకలో తనను బిగ్ బాస్ హౌస్ నుండి బయటకు పంపడానికి కుట్ర చేశారంటూ సంచలన ఆరోపణలు చేసింది హేమ.

Read Also: రాహుల్‌ Vs శ్రీముఖి: రాహుల్ వేసిన నిందతో శ్రీముఖికి ఓట్లు

ఎవరు ఎన్ని వారాలు ఉండాలి? ఎవర్ని ఎలిమినేట్ చేయాలి? ఎవర్ని విన్నర్ చేయాలనేది అంతా ప్లాన్ ప్రకారం జరిగిందన్నారు హేమ. ముఖ్యంగా తనను నెగిటివ్‌గా చూపించాలనే బిగ్ బాస్ ప్లాన్ అని.. తాను మంచిగా మాట్లాడిన ఒక్కదాన్ని కూడా చూపించలేదని.. ఇంతకీ బిగ్ బాస్ అంటే ఎవడో కాదు.. ఎడిటరే బిగ్ బాస్.. వాడికి నెగిటివ్ తప్ప పాజిటివ్ కనిపించదు. బిగ్ బాస్ నుండి ఎలిమినేట్ అయిన తరువాత షో డైరెక్టర్‌కి గట్టిగా క్లాస్ ఇచ్చా. తప్పై పోయింది అని వాళ్లు ఒప్పుకోవడంతో వాళ్లను వదిలేశా’ అంటూ ఫైర్ అయ్యింది హేమ.

Read Also: షాకింగ్: ‘బిగ్ బాస్ విన్నర్‌గా శ్రీముఖి.. మిగిలినోళ్లు వెర్రి వెంగలప్పలు’

ఇక బిగ్ బాస్ షో ముగింపు దశకు చేరుకోవడంతో ఫైనల్ ఎపిసోడ్ షూట్‌కి కసరత్తులు జరుగుతున్నాయి. దీనిలో భాగంగా బిగ్ బాస్ హౌస్‌ నుండి ఎలిమినేట్ అయిన కంటెస్టెంట్స్‌ను ఫైనల్ ఎపిసోడ్ పిలవడం ఆనవాయితీగా వస్తోంది. అయితే ఫైనల్ ఎపిసోడ్‌ కోసం బిగ్ బాస్ నిర్వాహకులు హేమను సంప్రదించగా.. వాళ్లకు ఝలక్ ఇచ్చిందట. దీనిపై ఆమె మాట్లాడుతూ.. ‘బిగ్ బాస్ ఫైన్ ఎపిసోడ్ షూట్ ఈనెల 31 తరువాతి 1, 2 తారీఖుల్లో షూట్ కోసం రమ్మని నన్ను పిలిచారు. నాకు జరిగిన అవమానం చాలు మళ్లీ అవసరం లేదని వాళ్లకు చెప్పేశా. నేను బిగ్ బాస్ ఫైనల్‌కి వెళ్లడం లేదు’ అంటూ చెప్పుకొచ్చింది హేమ.