ప్రోమో: గుంటనక్క అంటే అందరూ నన్నే చూస్తున్నారు.. యాంకర్ రవి ఆవేదన.. విశ్వ అడ్డంగా బుక్కయ్యాడే!

యాంకర్ రవి పరిస్థితి ముందు చూస్తే నుయ్యి.. వెనక చూస్తూ గొయ్యిలా మారింది. చేసిన తప్పుని కప్పిపుచ్చుకోవడానికి నానా ప్రయత్నాలు చేసి.. ఆఖరుకి తప్పైపోయింది.. నన్ను క్షమించండి అంటూ చేతులు జోడించి మరీ తన తల్లి, ప్రియ, లహరిలకు క్షమాపణ చెప్పాడు యాంకర్ రవి.

అయితే నిన్నటి వరకూ తాను తప్పుచేయలేదని మొత్తం ప్రియనే చేసిందని బొంకిన రవి.. కెమెరాలకు అడ్డంగా దొరికేయడంతో చేసిది లేక క్షమాపణ చెప్తున్నాడని.. పైగా ఈవారం నామినేషన్‌లో ఉండటం ఖాయం కావడంతో ఈ సింపథీ గేమ్ మొదలుపెట్టాడంటూ అతనిపై నెటిజన్లు తీవ్ర స్థాయిలో మండిపడుతున్నారు.

ఇక మరోవైపు నటరాజ్ మాస్టర్.. యాంకర్ రవికి మొడుగులా తగులుకున్నాడు. రవి గేమ్ స్ట్రాటజీని ముందే పసిగట్టిన నటరాజ్ మాస్టర్.. ఇతనో గుంటనక్క అంటూ ఇన్ డైరెక్ట్ కామెంట్స్ చేశాడు. హోస్ట్ నాగార్జున కూడా ఎవరు మాస్టర్ గుంటనక్క అని పదే పదే అనడంతో ఆ గుంటనక్క ఎవరో కాదు.. యాంకర్ రవి అని సోషల్ మీడియాలో విపరీతమైన ట్రోలింగ్ నడుస్తుంది.

ఇక నిన్నటి నామినేషన్స్‌లో కూడా ఈ గుంటనక్క ఇష్యూలో నటరాజ్ మాస్టర్.. రవిల మధ్య హీట్ డిస్కషన్ నడిచింది. గుంటనక్క అని ఎవర్ని అన్నారు మాస్టర్ అని రవి అడగ్గా.. నువ్వెందుకు భుజాలు తడుముకుంటున్నావ్ అని నటరాజ్ మాస్టర్ మళ్లీ రవిని ఇరికించేశారు.

అయితే తాజా ప్రోమో యాంకర్ రవి.. ఈ గుంటనక్క ఇష్యూపై నటరాజ్‌తో చర్చిస్తూ కనిపించాడు. పికాక్ ఎగిరిపోయింది అని లహరిని ఉద్దేశించి రవి దగ్గర జోక్ చేశారు నటరాజ్ మాస్టర్. సర్లే మాస్టర్ గుంటనక్క నేనే కదా.. నిజం చెప్పండి మాస్టర్.. ప్రతివారం నాగార్జున గారు గుంటనక్క అని అంటే.. అందరూ నా వైపు అదోలా చూస్తున్నారు.. నాకు ఎట్లా ఉంటుంది అన్నా.. నాకు అని ఎమోషనల్ అయ్యాడు రవి.

దీంతో ఆ గుంటనక్క ఎవరో రవికి చెప్తూ.. విశ్వని ఇరికించేశాడు. ఓ ఊసరవెల్లి నా దగ్గరకు వచ్చి నీకు గుంటనక్క అని కరెక్ట్‌గా పేరు పెట్టానని అన్నాడు అంటూ విశ్వ గురించి చెప్పాడు నటరాజ్ మాస్టర్.

దీంతో షాకైన రవి.. విశ్వ దగ్గరకు వెళ్లి.. ‘నేను విశ్వ అన్నా.. విశ్వ అన్నా అని అంటుంటే నువ్ మాస్టర్ దగ్గరకు పోయి.. గుంటనక్క అని వాడికి కరెక్ట్ పేరు పెట్టావ్ అని అన్నావట.. అని నిలదీయడంతో షాకయ్యాడు విశ్వ. చూడాలి మరి వచ్చేవారం ఈ గుంటనక్క యవ్వారం నాగార్జున ఎలా బయటపెడతారో.