Ashu Reddy: ‘ఊకో కాకా’ దుకాణం మొదలెట్టిన రాహుల్.. అషురెడ్డిని ఎత్తుకుని మరీ రిబ్బన్ కటింగ్.. కామెంట్లు మామూలుగా లేవు‌

ఏమయ్యా రాహులూ.. మరీ ఇంత ఓవర్ అవసరమా? అని తన హేటర్స్ ట్రోల్ చేయడానికి ఈ మధ్య కాలంలో ఫుల్ స్టఫ్ అందిస్తున్నాడు బిగ్ బాస్ 3 విన్నర్ రాహుల్ సిప్లిగంజ్. అప్పట్లో పునర్నవితో ఎఫైర్ ఉందని చెప్పుకునేట్టు చేసిన రాహుల్.. ఈమధ్య కాలంలో మళ్లీ అషురెడ్డితో ఏదో నడుస్తోందని అనుకునేట్టుగా జిమ్మిక్కులు చేస్తున్నాడు. దీనికి అషు రెడ్డి నుంచి కూడా ఫుల్ సపోర్ట్ వస్తుండటంతో ఈ ఇద్దరూ సోషల్ మీడియాలో హాట్ టాపిక్ అవుతున్నారు.

తాజాగా అషురెడ్డిని ఎత్తుకుని పోజులు కొట్టాడు రాహుల్... ఇక అషు పాప కూడా రాహుల్‌ని కాళ్లతో తంటెం వేసి గట్టిగానే పట్టుకుని నువ్వుతూ పోజులిచ్చింది. ఇక ఈ ఫొటోని సోషల్ మీడియాలో పోస్ట్ చేసి సంబరపడుతున్నాడు రాహుల్.

ఇంతకీ వీళ్లకి ఎందుకింత సరదా అంటే.. దానికీ ఓ కారణం ఉంది. సింగర్‌గా.. బిగ్ బాస్ కంటెస్టెంట్‌గా సత్తా చూపిన రాహుల్.. రంగమార్తాండ చిత్రంతో నటుడిగా కూడా మారాడు. ఇక వీటితో పాటు బిజినెస్ రంగంలోకి అడుగుపెట్టేశారు. ‘ఊకో కాకా’ పేరుతో బట్టల వ్యాపారం మొదలుపెట్టాడు. తాజాగా కరీంనగర్‌లో మొదటి షోరూమ్‌ను ప్రారంభించగా హైదరాబాద్‌లో రెండో బ్రాంచ్‌ రిబ్బన్ కటింగ్ రెడీ అయ్యాడు.


రాహుల్ మాదిరే ఆయన కొత్త బట్టల షాపు పేరు కూడా కొత్తగానే ఉంది. ఈ ఊకో కాకా కొత్త షాపు ఓపెనింగ్‌కి బిగ్ బాస్ ఫేమ్ అషురెడ్డిని తీసుకువస్తున్నాడు రాహుల్. ఈ విషయాన్ని సోషల్ మీడియా ద్వారా తెలియజేస్తూ అషురెడ్డిని ఎత్తుకుని ఉన్న ఫొటోను షేర్ చేశాడు. అంతేకాదు.. ఈ ఫొటోకి అదిరిపోయే కొటేషన్‌ని కూడా ఇచ్చేశాడు. ‘ఊకో కాకా’ స్టోర్‌ ప్రారంభోత్సవానికి విచ్చేస్తున్న అషుకు స్వాగతం. మజాక్‌ కాదు, కాకా ఫ్రెండ్‌ అంటే ఇట్లుండాలె. ఇప్పుడు నాకింకా ధైర్యం వచ్చింది.. నీ బలహీనతలు తెలిసినా కూడా బలాన్ని మెచ్చుకునేవాళ్లే నిజమైన స్నేహితులు’ అంటూ పోస్ట్ పెట్టాడు.


అయితే అషుని ఎత్తుకుని మరీ ఫొటో పెట్టడంతో నెటిజన్లు ఏ రేంజ్‌లో కామెంట్లు పెడుతున్నారు.. ‘ఊకో కాకా’.. మీ ఇద్దరిదీ ఫ్రెండ్ షిప్‌లా లేదు.. ఏదో తేడా కొడుతుంది.. అయినా ఆ ఫొటోలో ఫ్రెండ్ షిప్ కనిపిస్తుందా?? అయినా ఎక్కడ పోతే తిరిగి అక్కడే వెతుక్కోవాలని అంటారు.. బిగ్ బాస్‌లో ఒకరు (పున్నూ) హ్యాండ్ ఇచ్చారు.. మళ్లీ బిగ్ బాస్ పోరీని పట్టావ్.. నువ్ తోపు అన్నో.. మొత్తానికి మీ ఇద్దరి మధ్య ఏదో నడుస్తుందని అయితే చెప్పకనే చెబుతున్నారు’ అంటూ ఈ ఫొటోపై సెటైర్లు వేస్తున్నారు నెటిజన్లు.