Bigg Boss 4 Telugu Ticket To Finale: హారికను తొక్కేస్తున్న ముగ్గురు మగాళ్లు.. బ్లడీ అంటూ దేత్తడి ఏడుపు

కండలు తిరిగిన ముగ్గురు మగాళ్లతో ధీటుగా పోరాడి టికెట్ 2 ఫినాలే టాస్క్‌లో సత్తా చూపిస్తోంది దేత్తడి హారిక. నిన్నటి లెవల్ 1 టాస్క్‌లో ఏడుగురు ఇంటి సభ్యులు టికెట్ టు ఫినాలే మెడల్‌ కోసం పోరాడగా.. ఈ టాస్క్‌లో మగాళ్లతో పోరాడి మరీ లెవల్ 2కి వెళ్లింది హారిక. అఖిల్, సొహైల్, అభిజిత్‌, హారికలు లెవల్ 2కి వెళ్లారు.

అయితే నేటి బుధవారం నాటి 87వ ఎపిసోడ్‌కి సంబంధించిన ప్రోమో విడుదల చేయగా.. ఇందులో లెవల్ 2 అర్హత సాధించిన అఖిల్, సొహైల్, అభిజిత్‌, హారికలు పోటీ పడుతున్నారు. నిన్న ఎపిసోడ్‌లో పాలు పితుడుకు అనే చెత్త టాస్క్ పెట్టిన బిగ్ బాస్ లెవల్ 2లో పూలు విసురుడు అనే టాస్క్ పెట్టారు.

పై నుంచి పూలు పడుతుండగా.. కింద నున్న ఈ నలుగురూ వాటిని దక్కించుకోవాలి. అయితే కండబలం ఉన్న అఖిల్, సొహైల్, అభిజిత్‌లతో పోటీ పడుతోంది హారిక.

అయితే పైనుంచి పడుతున్న పూలను పట్టుకోవడంలో మగాళ్లతో పోటీ పడలేకపోతుంది హారిక. పైగా హారిక పూలు పట్టుకోకుండా కట్టడి చేయడంతో పాటు ఆమెను కిందా మీద పడేస్తున్నారు. దీంతో చేతిలో నుంచి లాక్కొందంటారు?? అక్కడ నుంచి పీకొద్దంటారు?? మరి ఎలా గెలిచేది?? ఇలా అయితే ఆడలేం బిగ్ బాస్.. బ్లడీ అంటూ గేమ్ నుంచి నిష్క్రమిస్తున్నట్టుగా ప్రోమోలో చూపించారు. మరి నిన్నటి గేమ్‌లో కంబైండ్‌గా గేమ్ ఆడి లెవల్ 2కి వెళ్లిన సొహైల్-అఖిల్‌లు ఈ టాస్క్‌లోనైనా విడివిడిగా ఆడతారేమో చూడాలి.