Bigg Boss 4 Telugu Winner: ఫ్యాన్స్‌కి గుడ్ న్యూస్ చెప్పిన అభిజిత్.. త్వరలో తిరిగి ఇచ్చేస్తా

బిగ్ బాస్ సీజన్ 4 టైటిల్ గెలవడంపై ఆనందం వ్యక్తం చేశారు అభిజిత్. బయట ఇంత రెస్పాన్స్ ఉంటుందని అసలు ఊహించలేదని.. ప్రేక్షకుల రుణాన్ని తీర్చుకోలేనన్నారు అభిజిత్. బిగ్ బాస్ హౌస్ నుంచి బయటకు వచ్చిన అనంతరం తొలిసారి మీడియాతో మాట్లాడిన అభిజిత్.. నేను విన్నర్ అవుతానని అస్సలు ఊహించలేదు.. బయట ఇంత రెస్పాన్స్ ఉంటుందని అనుకోలేదు. మా ఇంటికి చాలా మంది నా కోసం వస్తున్నారు. అమ్మా నాన్నలతో టైం కేటాయించాలని ఉంది. త్వరలోనే అందర్నీ కలుస్తాను.. నాకు ఇది మంచి సమయం.

నేను నా ఇంట్లో ఎలాగైతే ఉంటానో.. బిగ్ బాస్ హౌస్‌లో కూడా అలాగే ఉన్నాను. 11 వారాలు నామినేషన్‌లో ఉన్నా.. నన్ను సేవ్ చేస్తూ వచ్చారు. ప్రేక్షకులు నాపై చూపించిన ప్రేమను ఎలా తిరిగి ఇవ్వాలని ఆలోచిస్తున్నా.. తప్పకుండా బ్లాక్ బస్టర్ సినిమాతో మళ్లీ మీ ముందుకు వస్తా.. ప్రేక్షకులు నాపై చూపించిన ప్రేమను నా సినిమా ద్వారా ఎంతో కొంత తిరిగి ఇస్తా.

ఎట్టిపరిస్థితుల్లోనూ బ్లాక్ బస్టర్ సినిమాతో తిరిగి వస్తా. చిరంజీవి సార్.. నాగ్ సార్ చేతుల మీదుగా టైటిల్ తీసుకోవడం నా లైఫ్‌లోనే బెస్ట్ మెమొరీ. టాప్ 5లో ఉన్న ఐదుగురిలో నా తరువాత బెస్ట్ అన్నది ఎవరో చెప్పలేం. మాకు బయట ఏం అవుతోందో ఎవరికీ కూడా క్లారిటీ లేదు. బయటకు వచ్చిన తరువాత అసలు విషయం తెలిసింది’ అంటూ చెప్పుకొచ్చారు అభిజిత్.

Read Also: అఖిల్ జీరో.. సొహైల్ హీరో.. అభి గెలిచినా ‘ఇస్మార్ట్’ గేమ్‌‌తో‌ సింగరేణి ముద్దుబిడ్డే నెం.1