Bigg Boss 6 Telugu: వాళ్లను లోపల ఉంచి.. నన్ను బయటకు పంపించేశారు.. తట్టులేకపోతున్నా: అభినయ శ్రీ ఆవేదన

బిగ్ బాస్ (Bigg Boss) షోలో ఎలిమినేషన్ అన్ ఫెయిర్ అని మరోసారి తేలిపోయింది. ప్రేక్షకులు వేసే ఓట్లతో సంబంధం లేదని.. షో నిర్వాహకులకు నచ్చిన వాళ్లనే హౌస్‌లో ఉంచుకుంటారనేది ఎప్పటి నుంచో వినిపిస్తున్న వాదన. తాజాగా బిగ్ బాస్ హౌస్ నుంచి బయటకు వచ్చిన అభినయ శ్రీ (Abhinayasri) విషయంలోనూ అన్యాయం జరిగిందని బుల్లితెర ఆడియన్స్ అంటున్నారు. ఓట్లు తక్కువ వచ్చిన వాళ్లను హౌస్‌లో ఉంచి.. అభినయ శ్రీను ఎలిమినేట్ చేశారని బిగ్ బాస్‌ నిర్వాహకులపై మండిపడుతున్నారు.

ఈ విషయంపై అభినయ శ్రీ కూడా స్పందించారు. తనకు బిగ్ బాస్‌ హౌస్‌లో అన్యాయం జరిగిందని వాపోయారు. తన రీఎంట్రీకి ఈ షో ఉపయోగపడుతుందని ఎంతో ఆశతో వచ్చానని.. కానీ చాలా నిరుత్సాహానికి గురయ్యానని అన్నారు. తనను అసలు చూపించలేదని.. ఇక తన ఆట జనాలకు ఎలా తెలుస్తుందన్నారు.

'బిగ్ బాస్ హౌస్ నుంచి నేను బయటకు రావడం అన్ ఫెయిర్ అనిపించింది. ఫస్ట్ డే నుంచి నాకు సంబంధించి టీవీలో పెద్దగా చూపించలేదు. 24 ప్రోగ్రామ్‌లో కూడా ఖాళీగా కూర్చుకున్నది చూపించారు. చాలా డిస్పాయిట్‌మెంట్‌గా ఉంది. ఓటింగ్ విషయంలో కూడా నేను పైనే ఉన్నాను. నా కింద ఇద్దరు కంటెస్టెంట్స్ ఉన్నారు. వాళిద్దరు సేవ్ అయ్యారు. నేను బయటకు వచ్చేశాను. ఇది అన్ ఫెయిర్ అనిపించింది.

హౌస్‌లో నేను నా బెస్ట్‌ ఇచ్చాను. నా బెస్ట్‌ను ఇచ్చినా.. వాళ్లు ఎందుకు టీవీలో చూపించలేదనే నా బాధ. నన్ను బిగ్ బాస్‌కు తీసుకువచ్చారంటే ఒక వాల్యూ ఉంటుంది. ఈ షో ద్వారా నాకు తెలుగు ఇండస్ట్రీలో రీఎంట్రీ వస్తుందని అనుకున్నా. ఎన్నో కలలతో వచ్చా. కానీ టీవీలో చూపించకుండా చాలా డిస్పాయింట్ చేశారు. టాలెంట్‌ను ప్రూవ్ చేసుకునే ఛాన్స్ రాలేదు.

బిగ్ బాస్ ద్వారా నాకు చెడే జరిగింది. అసలు నన్ను టీవీలో చూపిస్తే కదా నేను జనాలకు తెలిసేది. హౌస్‌లో నా యాక్టివిటీస్ ఏవీ చూపించలేదు. ఈ షో ద్వారా రీఎంట్రీ ఇద్దామని పెద్ద కలతో వచ్చా. ఆ కల నెరవేరలేదు. సినిమాల్లోకి మళ్లీ రావాలనుకున్నాను. నా కంటే కింద వాళ్లను సేవ్ చేసి నన్ను బయటకు పంపించేశారు. బిగ్ బాస్ హౌస్ వాళ్లు చేసిన దానికి తట్టుకోలేకపోతున్నా..' అంటూ అభినయ శ్రీ ఆవేదన వ్యక్తం చేశారు. సినిమా ఇండస్ట్రీలో మళ్లీ అవకాశం కోసం ఎదురుచూస్తున్నానని చెప్పారు. అల్లు అర్జున్‌తో పుష్ప-2లో సాంగ్ చేసే ఛాన్స్ ఇస్తే.. 100 శాతం చేస్తానని అన్నారు.