bigg boss 6 telugu day 2 promo బిగ్ బాస్ ఇంట్లో మొదటి రోజే టాస్కులు, గొడవలు, అరుచుకోవడాలు, అలగడాలు అన్నీ జరిగాాయి. మొదటి రోజు ఎక్కువగా గలాట గీతూ (galatta geetu) మీద నెగెటివ్ ఇమేజ్ ఏర్పడింది. ఆమె మాట్లాడే తీరు, హడావిడి చేసే విధానం జనాలకు విసుగు తెప్పించేలా ఉండటంతో ట్రోలింగ్ చేస్తున్నారు. ఇక కాసేపటి క్రితం విడుదల చేసిన ప్రోమోలో గలాట గీతూ చేసిన రచ్చ, ఇనయ సుల్తానా (inaya sultana)ను ఆడుకున్న తీరు అందరినీ ఆకట్టుకుంటోంది.
బిగ్ బాస్ ఇంట్లో మొదటి రోజు ఎలా గడిచిందో అందరికీ తెలిసిందే. ఫస్ట్ డేనే బిగ్ బాస్ తన కంటెస్టెంట్లకు టాస్క్ ఇచ్చాడు. ఇంటిని మూడు భాగాలుగా విభజించాడు. క్లాస్, ట్రాష్, మాస్ అంటూ మూడు విభాగాలుగా విడగొట్టేశాడు. క్లాస్ సభ్యులకు అన్ని అధికారాలను ఇచ్చాడు. ఇతరులతో ఏ పనులైనా చేయించుకోవచ్చు.. నామినేషన్ నుంచి తప్పించుకోవడం, కెప్టెన్సీ పోటీలో పాల్గొనే ఛాన్స్ ఇలా అన్ని అవకాశాలను ఇచ్చాడు. ఎటొచ్చి ట్రాష్ సభ్యులను బాగానే టార్గెట్ చేశారు.
Samayam Teluguగలాట గీతూ
ట్రాష్ సభ్యులు నేరుగా నామినేట్ అవుతారు.. కెప్టెన్సీకి అర్హత ఉండదు.. గార్డెన్‌ ఏరియాలోనూ వంటావార్పు పెట్టుకోవాలి. ఇంటి సభ్యుల మెజార్టీ ఓటింగ్‌తో రేవంత్, గీతూ, ఇనయ వంటి వారు ట్రాష్ సభ్యులుగా మారిపోయారు. ఇక నిన్నటి టాస్క్‌లో భాగంగా మాస్ సభ్యుడైన ఆదిరెడ్డి టాస్క్ గెలిచి.. క్లాస్ సభ్యుడిగా మారిపోయాడు. బాలాదిత్య, సూర్య, శ్రీహాన్‌లోంచి శ్రీహాన్ క్లాస్ నుంచి మాస్‌గా మారిపోయాడు.
అయితే నేటి ఎపిసోడ్‌లో ట్రాష్ సభ్యులకు మరో అవకాశం ఇచ్చినట్టు తెలుస్తోంది. ట్రాష్ సభ్యుల్లోంచి ఒకరు క్లాస్.. క్లాస్ నుంచి ఒకరు ట్రాష్‌లోకి రావాలని టాస్క్ ఇచ్చినట్టు ప్రోమోలో కనిపిస్తోంది. ఇందులో భాగంగా బాలాదిత్య ట్రాష్‌లోకి వచ్చాడు.. గీతూ క్లాస్‌లోకి వెళ్లింది. క్లాస్‌లోకి వెళ్లిన గీతూ తనకు ఇచ్చిన అధికారాలను వాడుకుంది. ఆరోహి, ఇనయ వంటి వారితో సకల మర్యాదలు, పనులు చేయించుకుంది.
కూర్చున్న చోట నుంచి లేవకుండా అన్ని పనులు చేయించుకుంది. ఇనయ బాత్రూం ఏరియాలో ఉన్నా కూడా పిలిపించుకుని మరీ పనులు చేయించుకుంది. పాట పాడమని ఆర్డర్ వేయడంతో.. ఇనయ తిరగబడింది. నేను పాటలు పాడను అంటూ ఎదురుతిరిగింది. ఇక ఇంతలో గీతూ కాస్త వెనక్కి తగ్గింది. అదే సమయంలో బజర్ కూడా మోగింది. అంటే టాస్క్ అయినట్టు కనిపిస్తోంది. టాస్క్ ముగిసిన తరువాత గీతూ పరిస్థితి ఎలా ఉంటుందో తెలియాలంటే ఎపిసోడ్ చూడాల్సిందే.
బండ కళ్యాణ్ సమయం తెలుగులో డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ సినిమా రంగానికి సంబంధించిన తాజా వార్తలు, స్టోరీలు అందిస్తుంటారు. ఆయనకు జర్నలిజంలో 5 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో రాజకీయం, సినిమా రంగాలకు సంబంధించి వార్తలు రాశారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
