బిగ్ బాస్ దివి యోగాసనాలు.. ఒళ్లంతా విల్లైన భంగిమ

బిగ్ బాస్ ముందు ఓలెక్క.. బిగ్ బాస్ తరువాత మరో లెక్క అనేట్టుగా నటి దివి.. తన గ్లామర్‌తో ఆకట్టుకుంటుంది. ఇన్ స్టాగ్రామ్‌లో హీట్ పెంచుతున్న ఈ హైదరాబాదీ భామ తాజాగా ఇన్ స్టాగ్రామ్‌ షేర్ చేసిన వీడియో వైరల్ అవుతోంది. టాలీవుడ్ పొడుగుకాళ్ల సుందరిగా పేరొందుతున్న దివి.. తన ఒళ్లుని విల్లులా వంచి వివిధ భంగిమల్లో యోగాసనాలు వేసింది. తన నాజూకు అందాల గ్లామర్ సీక్రెట్ ఇదేనంటూ చెప్పకనే చెప్తూ ఈ భంగిమల్ని తన ఇన్ స్టాగ్రామ్‌లో షేర్ చేసింది దివి.

మోడలింగ్ నుంచి బిగ్ బాస్ హౌస్‌లోకి అడుగుపెట్టిన ఈ హైదరాబాదీ బ్యూటీ ‘మహర్షి’ సినిమాలో మెరిసింది. హీరోయిన్ మెటీరియల్ అయిన దివి.. సినిమాల్లో అవకాశాల కోసం ప్రయత్నిస్తుండగా.. బిగ్ బాస్ షోతో మోస్ట్ బ్యూటిఫుల్ కంటెస్టెంట్‌గా మారింది. తన సొట్ట బుగ్గలతో కుర్రకారు మనసుల్ని గుల్ల చేసింది.. మత్తెక్కించే కళ్లతో నాజూకు నడుముతో దివి నిజంగానే అందాల దివి అనిపించింది. బిగ్ బాస్ కంటెస్టెంట్‌గా ఎంట్రీ ఇచ్చి తొలి ఎపిసోడ్‌లోనే స్పెషల్ అట్రాక్షన్ అయ్యింది దివి.

బిగ్ బాస్ సీజన్ 4 తొలివారాల్లో పెద్దగా ప్రభావం చూపించలేకపోయిన దివి.. మెల్లమెల్లగా తన పెర్ఫామెన్స్‌కి పదునుపెట్టింది. కవ్వించే నీలి కళ్లు.. కైపెక్కించే చూపులు.. నాజూకు అందాలు.. వొంపు సొంపుల వయ్యారాలు.. హస్కీ వాయిస్‌తో బిగ్ బాస్ హౌస్‌లో అందాల ‘దివి’గా ఫుల్ ఎంటర్ టైన్ చేసింది. అయితే ఏడోవారంలో అనూహ్యంగా ఎలిమినేట్ అయ్యింది. ఆ సీజన్‌లో మోనాల్ రక్షించే ప్రయత్నంలో బిగ్ బాస్ చాలామందిని బలిచేశారు.. దానిలో భాగంగా.. ఏడోవారంలో బిగ్ బాస్ దత్తపుత్రిక మోనాల్‌ని సేవ్ చేసే ప్రయత్నంలో దివిని ఎలిమినేట్ చేసి ఇంటికి పంపారు. అయితే బిగ్ బాస్ ఆటలో ఓడిపోయిన చాలామంది ప్రేక్షకుల హృదయాలను గెలుచుకుంది దివి.

సినిమాల్లో అవకాశాలు..
నిజానికి దివి అందం, అభినయం చూస్తే హీరోయిన్ మెటీరియల్‌ అనేట్టుగానే ఉంటుంది. నీలికళ్లు, బుగ్గపై సొట్ట ఈ బ్యూటీకి బోనస్. అయితే మన తెలుగు హీరోలు, దర్శకులు, నిర్మాతలకు తెలుగు హీరోయిన్లు అంటే చిన్నచూపు కాబట్టి.. ఈ బ్యూటీని కూడా పెద్దగా పట్టించుకోవడం లేదు. మహేష్ బాబు మహర్షి సినిమాలో సైడ్ రోల్ చేసిన దివికి మెగాస్టార్ చిరంజీవి మెగా ఆఫర్ ఇచ్చారు. బిగ్ బాస్ ఫినాలే వేదిక మీద నుండి చిరంజీవి వేదాళం రీమేక్‌లో అవకాశం ఇచ్చిన విషయం తెల్సిందే. అయితే హీరోయిన్‌‌గా మాత్రం దివికి ఇంకా ఫుల్ లెంగ్త్ రోల్ దొరకలేదు. చూడాలి మరి అందాల దివి.. టాలీవుడ్‌లో మెరిసేదెప్పుడో.