Pawan Kalyan: ఎస్.. నాకు పిచ్చి ఉంది.. పవన్ కళ్యాణ్‌కే ఉంది నాకుంటే వచ్చిందా: గలాటా గీతు

బిగ్ బాస్ సీజన్ 6 అట్టర్ ఫ్లాప్ కావడంతో కంటెస్టెంట్స్‌ కీలక బాధ్యత వహించారు. ఈ విషయంలో కెప్టెన్ బాధ్యతల్ని తీసుకుని.. సీజన్ 6 వరల్డ్ వరస్ట్ రియాలిటీ షోగా నిలపడంతో కీ రోల్ పోషించింది గలాటా గీతు. ఆమె ఒక్కరనే కాదు కానీ.. ఈ సీజన్‌లో ఒకరిద్దరు మినహాయిస్తే అంతా రోత బ్యాచ్‌నే.

అయితే గీతు బిగ్ బాస్ హౌస్‌లో చాలా వింత వింతగా ప్రవర్తించేది. అందరూ బిగ్ బాస్ చెప్పినట్టు ఆట ఆడితే.. ఈమె మాత్రం బిగ్ బాస్‌కే మొగుడై కూర్చుని గబ్బులేపింది. మొత్తానికి ఈమె అరాచకాలను భరించలేక బయటకు పంపేయడంతో.. బోరు బోరు ఏడ్చింది గీతు.

కాగా.. ఈమెకి కాస్త పిచ్చి ఉందని అందుకే ఇలా బిహేవ్ చేస్తుందని కామెంట్లు వినిపించడంతో.. పవన్ కళ్యాణ్‌కే ఉంది.. నాకుంటే వచ్చిందా? అంటూ తనదైన శైలిలో స్పందించింది గీతు. ఈ సందర్భంలో పెళ్లికి ముందు ఉన్న తన రిలేషన్ షిప్‌పై కూడా ఓపెన్ కామెంట్స్ చేసింది గీతు.

‘నాక్కొంచెం పిచ్చి ఉందని అంటారు.. నేనూ ఉందనే అనుకుంటా.. ఆ పిచ్చి ఉంటే బాగుంటుంది. నాక్కొంచెం తిక్క ఉందని పవన్ కళ్యాణ్ గారే చెప్పారు... నాకుంటే వచ్చిందా? అట్టుంటది మనతోని మామూలుగా ఉండదు.

నా భర్త వికాస్ కంటే ముందే నాకు లవ్ స్టోరీలు ఉన్నాయి. పెళ్లైంది కాబట్టి.. వాటిని గుర్తు చేసుకోవడం వేస్ట్. ప్రతి ఒక్కరి జీవితంలోనూ బ్రేకప్‌లు రిలేషన్ షిప్‌లు ఉంటాయి. ఆ హార్ట్ బ్రేకింగ్ లవ్ బ్రేకప్‌లతోనే లైఫ్ ఏంటో తెలుస్తోంది. నేను చిన్నప్పటి నుంచి బాధలు పడీపడీ రాటు తేలిపోయా. కాబట్టి ఇప్పుడు నాకు పెద్ద బాధ కూడా చిన్నబాధగానే అనిపిస్తుంది. బిగ్ బాస్ నుంచి ఎలిమినేషన్ అనేది నా జీవితంలో పెద్ద బాధ’ అంటూ చెప్పుకొచ్చింది గీతు.