Bigg Boss Telugu : రవిని ఇష్టపడ్డ తమన్నా.. కాదన్నాడనే ఆ కసి: బండారం బయటపెట్టిన రోహిణి

తమన్నా సింహాద్రి.. బిగ్ బాస్ హౌస్‌లో ఒక్కవారమే అయినా కంటెస్టెంట్‌తో పాటు ఆడియన్స్‌కి దడ పుట్టించింది ఈ ట్రాన్స్‌జెండర్. బిగ్ బాస్ వాళ్లు ఒక ఉద్దేశంతో ఆమెను బిగ్ బాస్ హౌస్‌కి పంపిస్తే.. ఆమె అక్కడకు వెళ్లి రచ్చ రచ్చ చేసింది. బాబోయ్ ఈమెను హౌస్‌‌లో మేం తట్టుకోలేం.. ఎలిమినేట్ చేసేయండి నాగార్జున గారూ.. అని హౌస్‌ మేట్స్ గగ్గోలు పెడితే... ప్రేక్షకులు సైతం మే భరించలేం బిగ్ బాస్ అని ఛానల్స్ మార్చడం మొదలు పెట్టారు.

దీంతో వెళ్లిన వారంలోనే బిగ్ బాస్ హౌస్‌ నుండి బయటకు వచ్చేసింది తమన్నా. అయితే ఆమె హౌస్‌కి వెళ్లిన తొలి రోజు నుండి ఎర్రగా బుర్రగా ఉండే రవిక్రిష్ణను పండూ.. పండూ అని అతని వెంట పడేది. రెండు మూడు సందర్భాల్లో నన్ను వదిలేయండి ప్లీజ్ అని కూడా అన్నాడు రవి.

అయితే సడెన్‌గా ప్లేట్ మార్చేసింది తమన్నా.. పండూ అని ముద్దుగా పిలిచిన నోరూ పప్పూ.. అని అతనికి చుక్కలు చూపించింది. ఎలిమినేషన్‌ని నామినేట్ చేశాడనే కారణంతో.. ‘నువ్ మగాడివేనా? రోషంలేదా? సిగ్గులేదా? నీలో పవర్ లేదా? అంటూ రవికి రక్తకన్నీరు చూపించింది తమన్నా.

అయితే ఆమె ఎందుకు అంతలా రవిని టార్గెట్ చేసిందో ప్రేక్షకులకు కూడా అర్ధం కాలేదు సరికదా.. హోస్ట్ చేస్తున్న నాగార్జునకు సైతం అర్ధం కాలేదు. తనను నామినేట్ చేశాడనే కారణంతో అలా చేశానని తమన్నా చెప్పినా.. దానికి అసలు కారణం వేరే ఉంది అంటూ గుట్టు విప్పింది రోహిణి.

బిగ్ బాస్ సీజన్‌లో నాలుగో వారం ఎలిమినేషన్ ద్వారా ఇంటి బయటకు వచ్చిన రోహిణి.. తమన్నా గురించి సంచలన విషయాలను బయటపెట్టింది. రవిను ఆమె టార్గెట్ చేయడం వెనుక కారణంతో పాటు ఆమెకు సంబంధించిన రహస్యాలను బయటపెట్టింది.

రోహిణి మాట్లాడుతూ.. ‘ఆమె హౌస్‌లోకి వచ్చిన తరువాత నాకు ఫైనాన్సియల్‌గా ప్రాబ్లమ్ ఉంది.. ఎవరూ నామినేట్ చేయొద్దన్నని బ్రతిమిలాడింది. ఆమెకు ఏసీ లేకుండా నిద్రపట్టదు అన్న విషయం నాకు తెలియదు కాని.. హౌస్‌కి వచ్చిన తరువాత హిమజ ఎవరో ఎవరికీ తెలియదు. ఆమె బిగ్ బాస్ కంటెస్టెంట్ కాదని అంది. కాని ఎలిమినేట్ అయిన తరువాత హిమజ క్యూట్ లేడి స్వీట్ లేడీ అనిచెప్పింది. దాన్నిపట్టి ఆవిడ ఏంటో అర్ధం చేసుకోవచ్చు.

అయితే రవి విషయంలో ఆమె చాలా దారుణంగా ప్రవర్తించారు. నామినేట్ చేశాడనే కారణంతో అతన్ని నువ్ పప్పువిరా పప్పు.. మీ అమ్మా నాన్న చూస్తున్నారు. నువ్ ఎంత నీచమైన గేమ్ ఆడుతున్నావో అంటూ టార్చర్ పెట్టింది. రవి ఎక్కడికి వెళ్తే అక్కడకు వెళ్లి తిట్టింది. కనీసం బాత్ రూంకి వెళ్లినా వదిలేది కాదు.. వెనుకనే వెళ్లిపోయేది.