Sarayu: అఖిల్-అషు రిలేషన్‌‌పై బాంబ్ పేల్చిన సరయు.. అఖిల్‌కి భార్యగా ఉంటుందంటూ మొత్తం బయటపెట్టింది

పాఫం సరయుని బిగ్ బాస్ హౌస్ నుంచి రెండోసారి బ్యాగ్ సర్ధించి పంపేశారు. సీజన్ 5లో తొలివారమే ఎలిమినేట్ చేయగా.. నాన్ స్టాప్‌లో నాలుగో వారంలో బయటకుపంపేశారు..అయితే ఏ వారం ఎవరు ఎలిమినేట్ కావాలన్నది ముందే ఫిక్స్ కావడంతో.. నామమాత్రపు ఎలిమినేషన్స్‌లో భాగంగా.. సరయు నాలుగో వారంలో బలి అయ్యింది. ప్రతివారంలాగే మిత్రా శర్మని సేవ్ చేశారు బిగ్ బాస్.

ఇక ఎలిమినేషన్ అనతరం యాంకర్ రవికి ఇచ్చిన బిగ్ బాస్ బజ్ ఇంటర్వ్యూలో షాకింగ్ విషయాలను బయటపెట్టింది. బిగ్ బాస్ హౌస్‌లో అఖిల్-అషురెడ్డి మధ్య నడుస్తున్న యవ్వారాన్ని బట్టబయలు చేసింది.

బిగ్ బాస్ అంటేనే పెద్ద గబ్బు షో.. ఇందులో లవ్ ట్రాక్‌లు పెట్టి.. ప్రతి సీజన్‌కి ఒకటి రెండు జంటల్ని బకరాలను చేస్తూ ఉంటారు. సీజన్ 5లో సిరి, షణ్ముఖ్‌లను బలికాగా.. ఈ సీజన్‌లో కూడా లవ్ ట్రాక్‌‌లు మొదలయ్యాయి.

లవ్ అన్నా.. రొమాన్స్ అన్నా.. తహతహలాడిపోతున్న బోల్డ్ బ్యూటీ అషురెడ్డి.. అఖిల్‌కి అంటిపెట్టుకునే కనిపిస్తుంది. ఆ అలకరాజ్ దగ్గరకి వెళ్లి ఈమె అలగడం.. తరువాత సారీలు చెప్పుకోవడంతో బండిని లవ్ ట్రాక్ ఇక్కించే డ్యూటీ ఎక్కేశారు. ముఖ్యంగా అషురెడ్డి అయితే.. అప్పట్లో మోనాల్ గజ్జర్ ప్లేస్‌ని భర్తీ చేయడానికి తెగ ప్రయత్నిస్తోంది.

అఖిల్‌ని హౌస్‌లో ఎవరైనా చిన్న మాట అన్నా.. తోకతొక్కిన తాచులా లేస్తుంది.. ఆమె బిగ్ బాస్ గేమ్ ఆడటానికి వచ్చిందో లేక అఖిల్ కోసం వచ్చిందో తెలియదు కానీ.. అఖిల్ కోసమే అషు అన్నట్టుగా వరస్ట్ గేమ్ ఆడుతోంది.

అయితే హౌస్ నుంచి ఎలిమినేట్ అయ్యి బయటకు వచ్చిన సరయు.. వీళ్ల రిలేషన్‌ని బయటపెడుతూ అక్కడ నడుస్తున్న ఫ్యామిలీ సీరియల్ గుట్టు విప్పింది.

బిగ్ బాస్ హౌస్‌లో అషురెడ్డి జర్నీ గురించి చెప్పాలంటే ఏం చెప్తావ్ అని యాంకర్ రవి బిగ్ బాస్ బజ్ ఇంటర్వ్యూలో అడగ్గా ‘అఖిల్ ఉంటే.. అతనికి భార్యగా అషురెడ్డి ఉంటుందంటూ షాకింగ్ కామెంట్స్ చేసింది సరయు.

‘న్యాయంగా అయితే నేను ఎలిమినేట్ కాకూడదు.. ఎవరో చేసిన తప్పుని కవర్ చేసుకోవడానికి నన్ను బయటకు పంపించారు. నాకు డిబేట్ చేయడం రాదు.. ఫూల్స్‌తో వాదనలు నేను చేయలేను.. నాకు ఫూలిష్ రీజన్స్ ఇచ్చి నామినేట్ చేశారంటే.. వాళ్లు ఫూల్స్‌కిందే లెక్క.

అషురెడ్డి, అజయ్, అఖిల్, స్రవంతి వీళ్లంతా డబుల్ ఫేస్.. నామినేషన్స్‌లో వీళ్లంతా కలసి ఒకర్నే టార్గెట్ చేస్తారు.. ఎలాంటి రీజన్స్ లేకుండా టార్గెట్ చేస్తూ ఉంటారు. అఖిల్ బ్యాచ్‌లో ఉన్నవాళ్లంతా డబుల్ ఫేస్.

అఖిల్ గ్రూప్ ఎవరితోనూ కలవరు.. మనల్ని వెళ్లి ఆ గ్రూప్‌లో కలవనియ్యరు. నేను అఖిల్‌తో మాట్లాడాలని ప్రయత్నిస్తే.. పక్కనున్న వాళ్లు.. ఏ..ఏ.. అని చిల్లరగా చేస్తారు. ఈ చిల్లర వేషాలు వేయడంతో అషురెడ్డి ఫస్ట్ ఉంటుంది. ఆమె ఆటతీరే అంత. అజయ్, అషు, స్రవంతి వీళ్లు ముగ్గురూ వాళ్ల గేమ్ వాళ్లు ఆడటం లేదు.. అఖిల్ కోసమే ఆడతారు. అఖిల్‌ని గెలిపించడం కోసమే ఆడుతున్నారు.

పెద్దన్న, చిన్నన్న, అమ్మ, వదిన (అఖిల్, అజయ్, అషు, స్రవంతి) బ్యాచ్ ఏం చేస్తారంటే.. వాళ్ల గ్రూప్‌ని పెంచుకోవడానికి ట్రై చేస్తారు.. హౌస్‌లో మిగిలిన వాళ్లు గుంపులో గోవిందలా లేరు. గతవారం కెప్టెన్సీ టాస్క్‌లో అజయ్‌ని గెలిపించాలని ఈ హిందీ సీరియల్ బ్యాచ్ ట్రై చేశారు. ఫాల్తు రీజన్స్ చెప్పి నన్ను ఎలిమినేట్ అయ్యేట్టు చేశారు. వీళ్లంతా కలిసి హౌస్‌లో హిందీ సీరియల్ నడిపిస్తున్నాడు. స్రవంతి అమ్మ.. ఆమెకు పెద్ద కొడుకు అజయ్.. చిన్న కొడుకు అఖిల్.. పెద్ద కోడలు మిత్రా శర్మ.. చిన్న కోడలు అషురెడ్డి.. ఈ ఫ్యామిలీ సీరియల్ నుంచి త్వరలో అమ్మ (స్రవంతి) బయటకు వచ్చేయబోతుంది’ అంటూ బిగ్ బాస్ ఓటీటీ సీరియల్ బ్యాచ్‌పై సీరియస్ కామెంట్స్ చేసింది సరయు.