Bigg Boss OTT Winner : లేట్ బ్లూమర్స్‌ అందరికీ అంకితం.. బిందు మాధవి ఎమోషనల్

బిగ్ బాస్ షోలో మహిళలు ట్రోఫీ గెలవలేరా? చివరకు విజేతగా నిలవలేరా? ఒక్క సీజన్‌లోనైనా మహిళలు విజేతగా గెలవాలి అంటూ అందరి నోట వినిపించేది. మొత్తానికి బిగ్ బాస్ ఓటీటీ మొదటి సీజన్‌తో అది నెరవేరింది. బిగ్ బాస్ నాన్ స్టాప్ షోలో విజేతగా బిందు మాధవి ట్రోఫీ ఎత్తేసింది. నలభై లక్షల చెక్కుని సొంతం చేసుకుంది. అయితే విజేతగా నిలిచిన అనంతరం బిందు మాధవి ఎమోషనల్ అయింది. తన తండ్రి తన గురించి చెప్పిన మాటలు విని.. వెళ్లి గట్టిగా హత్తుకుంది. అమ్మానాన్నల హగ్ చేసుకుని బిందు మాధవి ఎమోషనల్ అయింది.తన ఎత్తుకున్న ట్రోపీని అఖిల్‌తోనూ పంచుకుంది బిందు మాధవి. అనంతరం బిందు మాధవి కన్నీరు పెడుతూ ఎమోషనల్ స్పీచ్ ఇచ్చింది. ఓటు చేసిన వాళ్లకు, చేయని వాళ్లకూ, తనను ఆదరించిన వాళ్లందరికీ థ్యాంక్స్.. లేట్ బ్లూమర్ (విజయం కోసం ప్రయత్నించి విసిగి వేసారిపోయి కూడా నమ్మకం కోల్పోని వాళ్లు) అందరికీ అంకితం చేస్తున్నాను..

నా జీవితంలో నాకు సక్సెస్ చాలా లేటుగా వచ్చింది.. నాకు చాలా ఏళ్ల తరువాత ఈ విన్నింగ్ ట్రోపీ వచ్చింది.. అలాంటి వారందరికీ ఇది అంకితం.. ఎన్నో ఏళ్లు కష్టపడ్డా విజయం రాదు.. కొంత మంది నమ్మకాన్ని వదిలేస్తుంటారు.. కానీ కొంత మంది చివరి వరకు నమ్మకంతో పోరాడుతుంటారు.. ఏ ప్రొఫెషన్ అయినా సరే మీపై మీకు నమ్మకం ఉంటే.. చివరి వరకు వదలకండి.. ఆ నమ్మకాన్ని వదలకండి.. ఈ విజయం అలాంటి వారికే అంకితం.. అని బిందు మాధవి ఎమోషనల్ అయింది.