Bigg Boss 6 Telugu: బిగ్ బాస్ 6లో బిందు మాధవి.? డోర్లు తెరిచే ఉన్నాయి కానీ.. క్లారిటీ ఇచ్చిన బిగ్ బాస్ విన్నర్

ఆడపులిగా ఆటఆడి.. అఖిల్‌ని ఆడ.. అంటూ ఓ ఆట ఆడించి.. ఫైనల్‌లో అతన్ని మట్టికరిపించి బిగ్ బాస్ నాన్ స్టాప్ విజేతగా నిలిచింది బిందు మాధవి. నీ ముందే టైటిల్ గెలుస్తా.. నా సత్తా ఏంటో చూపిస్తానంటూ నటరాజ్ మాస్టర్ ముందు సవాల్ చేసి.. అన్నట్టుగానే అతని ముందే టైటిల్ గెలుచుకుంది. అయితే బిగ్ బాస్ ఓటీటీలో బెస్ట్ పెర్ఫామెన్స్ ఇచ్చిన వాళ్లని రెగ్యులర్ బిగ్ బాస్‌కి తీసుకునే ఆనవాయితీ ఉంది. హిందీ బిగ్ బాస్‌లో జరిగేది ఇదే. ఇప్పుడు ఇదే సాంప్రదాయాన్ని తెలుగు బిగ్ బాస్‌లో కూడా కొనసాగించబోతుండటంతో.. ఓటీటీలో టాప్ 5 కంటెస్టెంట్‌లో ఒకరిద్దర్ని సీజన్ 6కి తీసుకోబోతున్నారనే ప్రచారం నడుస్తోంది.

మిత్రా శర్మ, యాంకర్ శివలతో పాటు బిగ్ బాస్ విన్నర్ బిందు మాధవిని కూడా సీజన్ 6కి తీసుకోబోతున్నారనే ప్రచారం నడుస్తోంది. అయితే బిందు మాధవి ఆల్రెడీ తమిళ్ బిగ్ బాస్‌ సీజన్ 1 కంటెస్టెంట్ మాత్రమే కాకుండా.. ఆ సీజన్ ఫైనలిస్ట్ కూడా. ఒకసారి బిగ్ బాస్‌కి వెళ్లిన కంటెస్టెంట్స్‌కి మళ్లీ అవకాశం అయితే ఉండదు. అయితే ఓటీటీలో మాత్రం బిగ్ బాస్ ఓల్డ్ కంటెస్టెంట్స్‌కి ప్రాధాన్యత ఇచ్చారు. ఇప్పుడు మళ్లీ ఓటీటీలో పాల్గొన్న మాజీ బిగ్ బాస్ కంటెస్టెంట్స్‌కి అవకాశం ఇవ్వడం మాట అటుంచింతే.. బిందు మాధవి మాత్రం ఇంట్రస్ట్ లేదని అనేసింది.

బిందు మాధవి బిగ్ బాస్ సీజన్ 6 కంటెస్టెంట్స్‌గా వెళ్లబోతుందంటూ వార్తలు రావడంపై ఆమె స్పందించారు. బిందు మాధవి మాట్లాడుతూ.. ‘నేను గేమ్ ఆడిన విధానానికంటే నా విన్నింగ్ స్పీచ్‌కి బాగా కనెక్ట్ అయ్యారు. ఆ స్పీచ్‌లో నేను లేట్ బ్లూమర్స్ గురించి మాట్లాడాను. ప్రయత్నిస్తూ విజయం కోసం ఎదురుచూసే వాళ్లే ఈ లేట్ బ్లూమర్స్. నేనుకూడా లేట్ బ్లూమర్‌నే. సక్సెస్ కోసం.. సరైన విజయం కోసం ప్రయత్నిస్తూ ఉన్నాను. లేట్ బ్లూమర్స్ జీవితంలో అప్ అండ్ డౌన్స్ ఉంటాయి. అప్స్ కంటే ఎక్కువగా డౌన్స్ ఉంటాయి. చాలా ఒత్తిడి ఉంటుంది.. కొన్నాళ్ల పాటు ఆ ఒత్తిడిని తట్టుకుంటూ ముందుకు వెళ్లాలి. పనిచేయాలనే తపన ఉంటుంది కానీ.. చేయడానికి పని ఉండదు.

బిగ్ బాస్ సీజన్ 6లో రీ ఎంట్రీ అని వస్తున్న వార్తల్లో నిజం లేదు. తమిళ్ బిగ్ బాస్ తరువాత ఓటీటీలోకి చాలా కష్టపడేవెళ్లాను. ఇండస్ట్రీలోకి మళ్లీ రావడానికి ఒక స్టెప్ తీసుకోవాలని అనుకున్నాను. బిగ్ బాస్‌కి వెళ్లేటప్పుడు నాకు అంత కంఫర్టబుల్‌గా లేదు. కానీ ఒక స్టెప్ తీసుకోవాలని ఇండస్ట్రీలోకి రావాలనే ఉద్దేశంతో పుష్ చేసుకుని బిగ్ బాస్‌కి వెళ్లాను.

కానీ ఇప్పుడు మళ్లీ బిగ్ బాస్ షోకి వెళ్లడం అయితే జరగదు. గెస్ట్‌గా అయితే వెళ్తాను తప్పితే కంటెస్టెంట్‌గా మాత్రం వెళ్లను’ అంటూ క్లారిటీ ఇచ్చింది బిందు మాధవి. ఇక బిగ్ బాస్ తరువాత తనకి ఆఫర్లు వస్తున్నాయని చెప్పుకొచ్చింది బిందు. ఇంకా ఏ సినిమాకి కమిట్ కాలేదు కానీ.. చాలా సినిమా ఆఫర్లు వస్తున్నాయి.. డోర్లు తెరిచే ఉన్నాయి.. కథలు వింటున్నాను అని చెప్పింది బిందు మాధవి.